Yesaya 48:3 - Tonga Bible 1986

³ “Vinthu vya kudanga ndingutaula mwaka vingutuwa mo mlomo wangu ndine ndinguviziŵiska; sono kwa mabuchibuchi ndinguvichita ndipo vinguchitika.

Yesaya 48:3 Referans Kwoze

Yesaya 42:9

Ehe, vinthu vya kale vyafiskika, sono ndiziŵiska vinthu vifya; vyenga vindawoneke nditivitaula kwinu.” Sumu yifya ku Ambuya

Yesaya 41:22

Wavituzge, ndipo watinene cho chikaŵangako. Tineniyeni vinthu vya kale, kuti vine, kuti tivighanaghane, kuti tiziŵe ko vituliya, pamwenga titauliyeni vinthu vyo vikazanga.

Yoswa 21:45

Pengavi limoza la mapanganu ghose ghamampha gho Ambuya anguchita ku nyumba yaku Yisraele lingutondeka; ghose ghangufiskika.

Yesaya 45:21

Taulani ndi longoni mulando winu; ŵarekeni ŵapangane fundu pamoza! Njani wangukamba ichi kale ukongwa? Njani yo wangutaula gha mwaka? Kuti ndenga ine cha Ambuya? Ndipo palivi Chiuta munyake pade paku ine, Chiuta murunji ndi Mtaski; palivi munyake pade paku ine.

Yesaya 43:9

Mitundu yose yiwungane pamoza, ndipo ŵanthu ŵakumane pamoza. Njani mukati mwawo wangaziŵa kutaula ichi, ndi kutirongo vinthu vya mwaka? Wazi ndi ŵakaboni ŵawo ŵakuŵazomerezga, ŵazichivwa ndi ŵanene, mbuneneska.

Yesaya 37:7

Ehe, ndikaŵikangamo mzimu mwake, viyo kuti ŵakavwanga mphemere, ndi ŵakawerenga ku charu cha mweneko; ndipo ndikamuchitiskanga kuŵa ndi lipanga mu charu chamweneko.’ ”

Yesaya 37:29

Chifukwa wandikaripiya ndipo kujikuzga kwako kwavwika mu makutu ghangu, ndikaŵikanga mbeja yangu mu mphunu yako ndi chimangiru changu mu mlomo wako, ndipo ndikawezgiyanga mu nthowa yeniyo unguzamu.’

Yesaya 29:5

Kweni chimzinda cha ŵarwani ŵinu chikaŵanga nge ndi fuvu limanavi, ndipo unandi wa ŵaphuzu ukaŵanga uli ndi mwere wo uputa. Mu kanyengo kamoza, mwakubuchizga.

Yesaya 30:13

chifukwa cho uheni uwu ukaŵanga kwinu uli ndi lumwa mu chimati litali, lakukiyakiya kubwaro, pafupi kuwa, chenicho kuwa kwake kutuza kwamabuchibuchi pa kanyengo kamanavi;

Yesaya 41:27

Ndadanga kuchimemeza ku Zioni, ndipo ndipereka kwaku Yerusalemu wakumemeza uthanga wamampha.