Yesaya 43:3 - Tonga Bible 1986

³ Pakuti ndine Ambuya Chiuta winu, Mtuŵa Yumoza waku Yisraele, Mtaski winu. Ndipereka Egipiti nge ndi thumba linu, Etiopia ndi Seba mukugulizgana ndi imwe.

Yesaya 43:3 Referans Kwoze

Yesaya 60:16

Mukawonkhanga mkaka wa mitundu, mukawonkhanga maŵe gha ŵakaronga; ndipo mukaziŵanga kuti ine, Ambuya, ndine Mtaski winu, ndi Muwombozi winu Wanthazi yo waku Yakobe.

Yesaya 45:15

Kwakuneneska, ndiwe Chiuta mweniyo watijibisa, Chiuta mwe waku Yisraele Mtaski.

Chituwa 20:2

“Ine ndine Ambuya Chiuta wako, mweniyo wangukutuzga mu charu cha Egipiti kutuwa mu nyumba ya uŵanda.

Yesaya 49:26

Ndikaŵachitiskanga ŵakukuyuzga ŵako kurgha nyama ya ŵeneko, ndipo ŵakaloŵenga ndopa za ŵeneko nge ŵaloŵe vinyo. Sono nyama yose yikaziŵanga kuti ndine Ambuya Mtaski wako, Muwombozi wako, Chilimbi Yumoza yo waku Yakobe.”

Nthanthi 21:18

Wamphulupulu ndi thumba lakuwombole murunji, ndi wambura chivwanu ngwa wakunyoroka.

Yesaya 45:21

Taulani ndi longoni mulando winu; ŵarekeni ŵapangane fundu pamoza! Njani wangukamba ichi kale ukongwa? Njani yo wangutaula gha mwaka? Kuti ndenga ine cha Ambuya? Ndipo palivi Chiuta munyake pade paku ine, Chiuta murunji ndi Mtaski; palivi munyake pade paku ine.

Yuda 1:25

kwaku Chiuta yijayija pe, Ntaski widu, kuŵiye mwaku Yesu Kristu Ambuyafwe, unkhankhu, mazaza, ukumu ndi mtufu, uli ndimo kwaŵiyanga yindaŵepo migonezi, kuliri sono, ndipo kukaŵiyanga muyaya. Ameni.

Hoseya 13:4

Ndine Ambuya Chiuta winu kutuwa ku charu cha Egipiti. Muziŵa Chiuta munyake cha, kweni ine pe, ndipo pade paku ine palivi mtaski munyake.

Yesaya 30:11

rekani nthowa, patukaniko ku nthowa, tingavwanga so cha gha Mtuŵa Yumoza yo waku Yisraele.”

Nthanthi 11:8

Murunji wataskika ku suzgu, ndipo wamphurupuru waseremo mu malo ghake.

Yesaya 41:14

Ungopanga cha, owe fusi Yakobe, imwe mwa ŵanthu ŵaku Yisraele! Ndikovyeninge, atiti Ambuya; muwobozi winu ndi Mtuŵa Yumoza yo waku Yisraele.

Yesaya 20:3

Ambuya anguti, “Uli ndimo mteŵeti wangu Yesaya wayende nkhuli ndi marundi ghawaka virimika vitatu nge nchisimikizgu ndi chenjezgu pa Egipiti ndi Etiopia,

Chituwa 10:7

Ndipo ŵaŵanda ŵaku Farao wanguti kwaku iyo, “Mpaka zuŵanji uyu munthu wakatiŵiyanga chiŵana ifwe? Muŵazomerezge yaŵa ŵanthu ŵarutenge, alinga ŵakatataliyenge Ambuya Chiuta wawo; kumbi ndasono undaziŵe kuti Egipiti wanangika?”

Chiyambo 10:7

Ŵana ŵanthurumi ŵaku Kushu: Sebe, Havila, Sabita, Rama, ndi Sabiteke. Ŵana ŵanthurumi ŵaku Rama: Sheba ndi Dedana.

ŴaLevi 11:44

Pakuti Ine nde Ambuya Chiuta winu; viyo mujipatuwe mwija, muŵe ŵatuŵa pakuti Ine nde mtuŵa. Mureke kujikazuzga ndi chinthu chose chakukwaŵa cho chikwaŵa pa charu chapasi.

Sumu 72:10

Ŵakaronga ŵaku Tarshishi ndi ŵarau virwa ŵakaperekanga mipasku; ŵakaronga ŵaku Sheba ndi Seba ŵakamuziyanga ndi mithulu.

Yesaya 19:20

Chikaŵanga chiziŵisku ndi kaboni ku Ambuya ŵa maŵanja mu charu cha Egipiti, ŵachiliriya ku Ambuya chifukwa cha ŵakuyuzga aŵatumiyenge mpozomoski, ŵakaŵavikiriyanga ndi kuŵataska.

Yesaya 42:8

Ndine Ambuya, lo ndilo zina langu; unkhankhu wangu kuti ndipaska ku munyake cha, pamwenga chisopo changu ku ŵangoza ŵakusongono.

Yesaya 43:11

Ine, ndine Ambuya ndipo pade paku ine palive mtaski.

Yesaya 45:14

Viyo atiti Ambuya: “Uromba wa Egipiti ndi maronda gha Etiopia ndi ŵaSabiyani, ŵanthu ŵatali, ŵakazanga kwako ndipo ŵakaŵanga vyako, vikakurondonga; vikazanga mu maunyolo ndi kukujikamiya. Ŵazamuŵeyere kwako, ŵachinena kuti, ‘Chiuta wendi iwe pe, ndipo kulivi so munyake, pade paku iyo palivi Chiuta munyake.’ ”

Yesaya 63:8

Pakuti anguti, Kwakuneneska mbanthu ŵangu, ŵana wo kuti ŵakachitanga kwakupusika cha; ndipo iyo wanguŵa Mtaski wawo.

Yeremiya 14:8

Imwe ndimwe Yisraele wagomezga, wakumutaska mu nyengo ya suzgu, chifukwa chine imwe muŵenge nge ndi mlendo mu charu chidu, ulaka ndi mwenda nthowa yo wapatuka kugone waka usiku?

Yeremiya 16:21

“Chifukwa cho, ehe, ndikaŵaziŵiskanga, kamoza pe ndikaŵaziŵiskanga nthazi yangu ndi mazaza ghangu, ndipo ŵakaziŵanga kuti zina langu ndine Ambuya.”

Ezekiele 39:7

“Ndipo zina langu lituŵa ndikalivumbuwanga mukati mu ŵanthu ŵangu ŵaYisraele, kuti ndizomerezgenge so cha kuti zina langu lifipiskike, sono mitundu yikaziŵanga kuti ine ndine Ambuya, Mtuŵa Yumoza mwaku Yisraele.

Amosi 9:7

“Kumbi kuti mwenge mbaEtiopia cha kwaku ine, imwe mwa ŵanthu ŵaku Yisraele?” atiti Ambuya. “Kumbi kuti ndinguŵatuzga cha ŵaYisraele mu charu cha Egipiti, ŵaFilisti ku Kafitoro; ndi ŵaSiriya ku Kiri?

Zekariya 9:9

Sekereni ukongwa, mwa ŵanthu ŵaku Zioni! Kamburani ukongwa, mwa ŵanthu ŵaku Yerusalemu! Wonani, karonga wino watuza kwinu, ndi murunji wendi utaski, ngwakuzika, wakwera pa mbunda, pa mwana wa mbunda yinthukazi.