Yesaya 42:1 - Tonga Bible 1986

¹ Ehe, muŵanda wangu mweniyo ndisoska, wakusankhika wangu, mwaku yo mzimu wangu ukondwere; ndaŵika Mzimu wangu paku iyo, wakarongonga cheruzgu chirunji ku mitundu.

Yesaya 42:1 Referans Kwoze

Luka 3:22

ndipo kungusikiya pake Mzimu Wakupaturika mu chikozgu cha liŵavu uli ndi nkhunda, ndipo kunguŵa liu kutuwa kuchanya, lakuti, “Iwe ndiwe Mwana wangu wakwanjiwa, mwaku iwe ndikondwere.”

Yesaya 61:1

Mzimu wa Ambuya Chiuta wa paku ine, chifukwa Ambuya andipaka ine kutole makani ghamampha mu ŵakuyuzgika; andituma kwachimanga ŵakusweka mtima, kumemeza chifwatuwa ku ŵamagoŵa, ndi kujurika kwa nyumba ya magoŵa kwaku wo ŵakumangika;

Yesaya 52:13

Ehe, mteŵeti wangu wakasakatanga, wakakwezgekanga ndi kunyamulikiya pachanya, wakaŵanga pachanya ukongwa.

ŴaFilipi 2:7

kweni wangujikhutuwa, wakujitole muŵiru wa mu ŵanda, ndi pakuŵa mu chikozgu cha ŵanthu;

Yesaya 43:10

“Mwe ŵakaboni ŵangu,” atiti Ambuya, “ndi ŵateŵeti ŵangu wo ndasankha, alinga muziŵe ndi kuvwana nane ndi kuwamo kuti ndine Iyo. Paurongo pangu palivi kuumbika chiuta, chingana nkhuti kukaŵangako munyake so pavuli pangu.

Mateyu 17:5

Wacharongoro iyo, wonani, mtambo wakuŵara unguŵabenekere: ndipo mazu ghakutuwa ku mtambo wo, ghenga ghakuti, “Mwenuyu ndi Mwana wangu, wakwanjiwa, mwaku mweniyo ndikondwere; muvweni iyo.”

Yesaya 53:11

wakawonanga chipasi chakutuwa musuzgu ya mzimu wake ndipo wakhorwenge; ndi zeru yake mteŵeti wangu murunji, wakanyoroskanga ŵanandi kuti ŵapimike ŵarunji; ndipo wakanyamuwanga mauheni ghawo.

1 Petro 2:4

Muzenge na kwaku mweniyo, mwa wamoyo, wakupatika nadi ndi ŵanthu, kweni kwaku Chiuta wakusankhika, wakuzirwa;

ŴaEfeso 3:8

Kwaku ine mumanako ku ŵamana limu waku wode ŵakupaturika, ungupaskika wezi wenuwu, kuŵatauliya ŵaMitundu usambasi wambura mapenjeka wo waku Kristu;

Yesaya 41:8

Kweni iwe, Yisraele, muŵanda wangu, Yakobe, yo ndatondo, mphapu yaku Abrahamu, bwezi langu;

ŴaEfeso 1:6

kuti urumbike unkhankhu wa wezi wake, mwaku weniwo watisambasiskiya kwawanangwa mu Nkhwanjiwa yo.

Yohane 3:34

Chifukwa mweniyo Chiuta wamtuma, warongoro mazu ghaku Chiuta: chifukwa kuti wapaska Mzimu kwamweso cha.

ŴaKolose 1:13

Ndiyo wangutitaska ku mtufu wa mdima, ndipo wangutisamiskiya ku ufumu wa mwana wake wakwanjiwa;

ŴaEfeso 1:4

uli ndimo wangutisankhiya limu mwaku iyo, chenga chindajarikike charu, kuti tiŵenge ŵakupaturika ndi ŵambura kalema paurongo pake.

Machitidu gha Ŵakutumika 10:38

mo Chiuta wangupatuliya Yesu waku Nazarete ndi Mzimu Wakupaturika ndipo ndi nthazi: mweniyo wangwendayenda wakutata vyamampha, ndi wakuchizga wose ŵakuyuzgika ndi diabolo; pakuti Chiuta wenga nayo.

Yesaya 59:21

“Kweni nge nkhwaku ine, ili ndi phanganu langu ndi iwo, atiti Ambuya: mzimu wangu wo we paku iwe, ndi mazu ghangu gho ndaŵika mu mlomo wako, kuti ghakatuwangamo cha mu mlomo wako, pamwenga kutuwamo mu mlomo wa ŵana ŵako, pamwenga mu mlomo wa ŵana ŵa ŵana ŵako, atiti Ambuya, kwamba kunu ku sono, kurutiliya ku nthazi ndi mpaka ku muyaya.”

1 Petro 2:6

Chifukwa mu lembo kutiti, “Aona, ndijarika mu Zioni mwa, wachikhozge-nyondo, wakusankhika, wakuzirwa: ndipo mweniyo ngwakuvwana paku iyo wangalengeskeka cha.”

Machitidu gha Ŵakutumika 28:28

“Viyo kuziŵikwe kwaku imwe, kuti ku Mitundu utaski uwu waku Chiuta utumika: iwo nawo ŵavwenge.” [

Machitidu gha Ŵakutumika 9:15

Kweni Ambuya angumunene, “Rutanga, pakuti mweniyo nchiyaŵi chakusankhikiya ine, kwachipingiya zina langu pa Mitundu yo ndi so ŵakaronga, ndi ŵana ŵaku Yisraele;

Luka 9:35

Ndipo kunguŵa liyowozi lakutuliya mu mtambo mo, lakuti, “Uyu ndi Mwana wangu, wakutondoleka: vwaninga iyo.”

Zekariya 3:8

Yivwa sono, iwe Yoswa mzukuru mura, iwe ndi ŵanyako wo ŵaja pasi panthazi pako, chifukwa mbanthu ŵa marumbu; ndizenge nayo mteŵeti wangu, ndiyo Mphanda.

Yesaya 2:4

Weruzgenge pakati pa makhamu, wazamujarika umampha ŵanthu ŵanandi, ndipo ŵazamsula malipanga ghawo kuŵa vyakulimiya, ndi mikondo yawo kuŵa vimayi vyakupanthiya; mtundu kuti wazamsoske lipanga pa mtundu cha; chingana nkhusambira so nkhondo nako cha.

Machitidu gha Ŵakutumika 11:18

Ndipo ŵachivwa vyenivi, ŵanguchetama, ndipo ŵangumkankhuska Chiuta ŵakuti, “Ndipo ku ŵaMitundu nawo Chiuta wapaska ching'anamuka cha mu mtima ku umoyo.”

Yohane 16:32

Awonani, ora lituza, ndipo nadi lafika, lakuti mumbininikenge imwe munthu yose ku nyumba yake, ine mundisiyenge ndija: ndikweni kuti nde ndija cha, pakuti Ada we nane pamoza.

Yohane 6:27

Mungatakatakiya chaukurgha cho chitanangika cha, kweni chaukurgha cho nchakujaririya ku umoyo wamuyaya, chenicho Mwana wa munthu wakupaskeninge: chifukwa Chiuta Dada waŵika chizighiri chake paku iyo.”

Malaki 1:11

Chifukwa kutuwa ku maturi ghadazi mpaka ku maselero ghake, zina langu ndikuru mukati mu mitundu, ndipo mu malo ghose vipaskika kwaku ine vyakununkhira ndi mipasku yakutowa, chifukwa zina langu ndikuru mukati mu mitundu, atiti Ambuya ŵa maŵanja.

Yesaya 32:16

Sono cheruzgu chirunji chikajanga mu bozwa, ukongorekwa ukajanga mu munda wakupasa.

Luka 4:18

“Mzimu wa Mbuya we paku ine, pakuti wangunditukutizgiya kutauliya ŵakavu ghakunozga. Wandituma kumemeze chifwatuwa ku ŵamikoli ndi kuŵachiburumutiya chiwona so, kuŵadomo ŵakuphwanyika,

Luka 4:19

kumemeza chirimika chamarondeka cha Mbuya.”

Chiyambo 49:10

Nthonga ya ufumu kuti yikatuwangako kwaku Yuda cha, chingana ndi nthonga ya mweruzgi kutuwa pakati pa malundi ghake, mpaka wazi mweneko waku yo: ndipo kwaku iyo kwamkuŵa muvwiyu wa ŵanthu.

Yesaya 41:9

iwe ndingukuto ku vigoti vya charu chapasi kukudana ku visongo vyake vya kunthazi limu, po ndinguti kwaku iwe, “Ndiwe muŵanda wangu, ndakusankha ndipo ndilivi kukutaya kuwa”;

Yesaya 42:2

Kuti wakaliyanga cha chingana nkhusoska mazu ghake; pamwenga kughavwikiska mu museu wo;

Hagayi 2:23

Pa zuŵa lo, atiti Ambuya ŵa maŵanja, nkhakutonga, Zerubabele muteŵeti wangu, mwana waku Shealtiele, atiti Ambuya, ndi kukusanduska nge ndi mphete ya chidindu; chifukwa ndakusankha iwe, atiti Ambuya ŵa maŵanja.”

Sumu 72:4

Karonga weruzgenge ŵakavu mu urunji; wawovyenge ŵakusauka, ndi kuthereska wo ŵati ŵasuzga!

Sumu 89:4

“Wa mphapu yako ndiyo wakaŵanga karonga muyaya; ndikasunganga ufumu wako ku migonezi yose.”

Yesaya 50:10

Njani mukati mwinu yo watopa Ambuya ndi wavwiya mazu gha mteŵeti wawo, yo watenda mu mdima, ndi walivi ukweru, kweni wagomezga mu zina la Ambuya ndi kuyegeme paku Chiuta wake?

Yesaya 63:1

Njani uyu yo watuwa ku Edomo, mu vivwalo vyakuchesama vyakutuwa ku Bozra, ndi mweniyo ngwa unkhankhu mu kuvwara wakwenda mu ukuru wa nthazi zake? “Ndine, nditaula uneneska, ndawanthazi kutaska.”