Yesaya 4:5 - Tonga Bible 1986

⁵ Sono Ambuya akalenganga pa malo ghose gha phiri Zioni ndi pa maungano ghake mtambo ndi msana, ndi usi ndi kuŵara kwa moto wakulipuka ndi usiku; pakuti pa unkhankhu wose pakaŵanga chivwinkhu cha pa chitengo ndi chihema.

Yesaya 4:5 Referans Kwoze

Nehemiya 9:12

Ndi mzati wa mtambo munguŵalongozga ndi msana, ndipo ndi mzati wa moto ndi usiku, kuŵambulikiya nthowa yakukamo iwo.

Sumu 78:14

Ndi msana wanguŵarongozga ndi bingu, ndipo usiku wose ndi kungweruka kwa moto.

Yesaya 60:1

Yukani, ŵalani, pakuti ukweru winu waza, ndipo unkhankhu wa Ambuya wayukiya paku imwe.

Yesaya 46:13

Ndituza nacho pafupi chipozomosku changu, kuti che kutali cha, ndipo utaski wangu kuti ukasweranaga cha; ndikaŵikanga utaski mu Zioni; chifukwa chaku Yisraele unkhankhu wangu.”

Yesaya 33:20

Lereska pa Zioni muzi wakurghiyapo madghera ghakutemeka! Maso ghinu ghakawonanga Yerusalemu, malo ghakujamo gha chisisi, chihema chambura manderezgeka, cho mphandu zake kuti zikazulikanga cha, chingana nkhuti vingwe vyake vidomoke nako cha.

Sumu 85:9

Nadi utaski wawo wepafupi ku ŵakumopa, kuti unkhankhu wawo uje mu charu chidu.

Mateyu 28:20

ŵakuŵasambizga kuroreze vyose vyo ndalanguliya imwe: ndipo onani, ine nde namwe mazuŵa ghose mpaka ku umari wa mgonezi wo.”

Sumu 89:7

Chiuta wakopeka mu upu wa ŵakupaturika, mura ndi wakofya pachanya paku wose ŵakumuzunguliya.

Chituwa 14:24

Ndipo kumatandakucha Ambuya mu mzati wa moto ndi mu mtambo ŵangulereska pasi pa liŵanja la ŵaEgipiti, ndi kofya liŵanja la ŵaEgipiti.

Yesaya 37:35

Pakuti ndikavikiriyanga muzi uwu kuutaska; chifukwa chaku ndamweni ndi chifukwa cha mteŵeti wangu Davidi.”

Yesaya 32:18

Ŵanthu ŵangu ŵakajanga mu uja wa chimangu, mu vyakujamo vyakukho, ndi mu malo ghachipumulu gha chisisi.

Sumu 111:1

Rumbani Ambuya! Ndiwongenge Ambuya ndi mtima wangu wose, mu ungano wa ŵanthu ŵawo.

Chituwa 26:7

“Mukachitanga vyakuchinga vya weya wa mbuzi, vya kuvunika pachanya pa chihema chakuwunganamo; mukachitanga vyakuchinga chumi ndi chimoza.

Chituwa 26:1

“Ndipo so mukachitanga chihema chakuwunganamo ndi saru zakuchinga chumi za saru yakuwolofoka, za bulu ndi ziyera, ndi zakufyuŵara; pamoza ndi ŵakerubi ŵakuchitika ndi lusu; ndimo muchitiyenge.

Mateyu 18:20

Chifukwa po pe ŵaŵi pamwenga ŵatatu ŵakuwungirana pamoza mu zina langu, penipo ine nde pamoza nawo, mukati mwawo.”

Chituwa 24:16

Unkhankhu wa Ambuya unguma pa phiri Sinai, ndipo mtambo ungulivimba mazuŵa ghankhonde ndi limoza; ndipo pa zuŵa la chinkhonde ndi chiŵi wangudanilizga kwaku Mosese kutuliya mu mtambo.

Sumu 105:39

Angutandika bingu kuŵa chivwinkhu, ndi moto wakuŵapaska ukweru ndi usiku.

Yesaya 60:2

Pakuti ehe, mdima ukavimbanga charu chapasi, ndipo mdima wa munkhorwe ukavimbanga ŵanthu ŵa mitundu yose; kweni Ambuya akayukanga paku imwe, unkhankhu wawo ukawonekanga paku imwe.