Yesaya 4:3 - Tonga Bible 1986

³ Ndipo yo wakasiyikanga mu Zioni ndi wakujaririya mu Yerusalemu wakadanikanga wakupaturika, we yose yo walembeke umoyo mu Yerusalemu,

Yesaya 4:3 Referans Kwoze

Luka 10:20

Posepose napo mwaku chenichi mungakondwere cha, chakuti mizimu yo yithere imwe, kweni kondwani kuti mazina ghinu ghalembeka kuchanya.”

Chivumbuzi 21:27

Kweni kuti kaserenge mwake cha kanthu kose kawaka, chingana ndi yo wachita kaukazuzi pamwenga wakukamba utesi.

Yesaya 60:21

Ŵanthu ŵinu wose ŵakaŵanga ŵakongorekwa; wakaharanga charu cho muyaya, mphanda ya kupanda ine, nchitu ya manja ghangu, alinga kuti ndikankhuskike.

Yesaya 52:1

Yuka, yuka, vwara nthazi yako, Zioni we; vwara vivwalo vyako vyakunozga, Yerusalemu we, muzi wakupaturika; pakuti wambura mchinju ndi ŵakazuzi kuti ŵakazanga so mwaku imwe cha.

Sumu 69:28

Mazina ghawo ghasisitike mu buku la ŵamoyo; ŵareke kulembeka pamoza ndiŵanthu ŵinu.

Chivumbuzi 20:15

Ndipo asani munthu wengavi kusanirika kulembeka mu buku lo la umoyo, wangupong'eka mu nyanja ya moto.

Chivumbuzi 17:8

Chikoku cho unguwona, chinguŵapo, ndipo sono kuti chiripo cha; ndipo chepafupi kuzuwuka ku chizenji cho chakuti nyo, ndi kuya ku wanangiku. Ndipo ŵakuja pa charu, ghakuŵeniwo mazina ghalive kulembekamo mu buku la umoyo kwanda ku kujarikika kwa charu, ŵakaziŵanga ŵachilereska chikoku cho kuti chinguŵapo ndi kuti chiripo cha, ndi kuti chikaŵangapo.

Chivumbuzi 13:8

Ndipo wose ŵakuja pa charu chapasi ŵakachilambiyanga, we yose yo zina lake lirivi kulembeka kutuwa ku kujarikika kwa charu mu buku la umoyo la Mwana-mberere yo, mweniyo wangubayika.

Chivumbuzi 3:5

Yo wapunda wakavwarikikanga viyo minjirira yakuti tu! Ndipo kuti nkhasisitanga cha zina lake mu buku la umoyo; ndipo nkhazumbuwanga zina lake paurongo pa Ada, ndi paurongo pa ŵangelo ŵawo.

ŴaHebere 12:14

Rondoni chimangu kuchiri kwaku wose, ndi utozi nawo, wambura weniwo paŵengevi yumoza wamuwona Mbuya.

ŴaKolose 3:12

Viyo vwarani, uli mbakusankhika ŵaku Chiuta, ŵakupaturika ndiŵakwanjiwa, chitima cha lisungu, ulemu, kujiyuyuwa, upovu, chilekerezga;

ŴaFilipi 4:3

Inya, ndiŵeyere iwe nawe, wamagoŵa munyangu mwenimweni, uwovye ŵanthukazi yaŵa, wo wose ŵangulimbalimbiya mu evangeli pamoza nane, pamoza ndi Klemente nayo, ndi ŵakujapo wo ŵanchitu ŵanyangu, ŵeniwo mazina ghawo ghe mu buku la umoyo.

ŴaRoma 11:5

Kwakulingana viyo mu nyengo ya sono ŵaŵapo ŵakusiyika kwakuyana ndi sankhu la wezi.

Ezekiele 43:12

Ili ndi dangu la kasopi: charu chose chakuzingirizga pachanya pa phiri chikaŵanga chakupaturika kwakuruska. Awona, ili ndi dangu la kasopi.

1 Petro 2:9

Kweni ndimwe fuku lakusankhika, uzukuru waufumu, mtundu wakupaturika, khamu lapa mtima wake, viyo kuti mutaulenge maumampha ghaku mweniyo wangumdanani mu mdima kuyiya ku ukweru wake wakuzizwiska;

ŴaEfeso 1:4

uli ndimo wangutisankhiya limu mwaku iyo, chenga chindajarikike charu, kuti tiŵenge ŵakupaturika ndi ŵambura kalema paurongo pake.

Machitidu gha Ŵakutumika 13:48

Ndipo ŵachivwa ŵaMitundu ŵakondwanga, ndipo ŵakankhuskanga mazu ghaku Chiuta: ndipo ŵanguvwana wo wose ŵangutemeke ku umoyo wamuyaya.

Ezekiele 13:9

Janja langu likamikananga ndi ŵamchimi wo ŵawona viwona vyawaka ndi kupereka mawula gha utesi; Kuti ŵakaŵangamo cha mu upu wa ŵanthu ŵangu, nanga nkhulembeka mu buku la nyumba yaku Yisraele cha, pamwenga nanga nkhusere mu charu cha Yisraele naku so cha; ndipo mukaziŵanga kuti ine ndine Ambuya.

Yesaya 1:27

Zioni wakawombokwanga ndi cheruzgu chirunji, ndi wo ŵe mukati mwake wo mbakupe mtima, ndi urunji.

ŴaRoma 11:4

Kweni lititinji kwaku iyo yankhulaku Chiuta? “Ndajisungiya ŵanthurumi vikwi vinkhonde ndi viŵi, ŵeniwo ŵalive kungwadiya Bala.”

Sumu 87:6

Ambuya akalembanga ndondomeko ya ŵanthu, ndikuŵasazga wose nge mbeni msumba wa Yerusalemu.

Yesaya 28:5

Mu zuŵa liya Ambuya ŵa maŵanja akaŵanga chilemba cha ufumu cha unkhankhu, chifuku cha ufumu cha kutowa, ku ŵanthu ŵake ŵakujapo;

Yesaya 35:8

Ndipo gurwi mukuru wakaŵanga kwenikuwa, ndipo ukadanikanga Nthowa Yakupaturika; ŵaukazuzi kuti ŵakendangamo cha, ŵabereŵeza kuti ŵakalakwiyangamo cha.

Yesaya 46:3

“Tegherezgani kwangu, mwa nyumba yaku Yakobe, ŵakujapo wose wa nyumba yaku Yisraele, ŵeniwo ŵanyamulika ndi ine kutuwa ku kawi kinu, ŵakunyamulika kutuwa ku chibali;

Yesaya 62:12

Ndipo ŵakadanikanga ŵanthu Ŵakupaturika, Ŵakuwomboleka ŵa Ambuya; ŵanthu ŵakupenjeka, Muzi wambura kusiyika.

Yoele 3:17

“Viyo mukaziŵanga kuti ine ndine Ambuya Chiuta winu, yo waja mu Zioni, phiri langu lakupaturika. Ndipo Yerusalemu waŵenge wakupaturika ndipo ŵalendo ŵaporotengemo so cha.

Obadiya 1:17

Kweni mu phiri Zioni mukaŵanga wo ŵapozomoka, ndipo liŵenge lakupaturika; ndipo ŵamu nyumba yaku Yakobe ŵaŵenge navyo vihara vyawo ndi vyawo.

Malaki 3:16

Viyo wo ŵangopa Ambuya ŵangukambiskana uyo ndi munyake. Ambuya anguŵaphwere ndi anguŵavwa, ndipo buku lachikumbusku lingulembeka pa maso pawo la mazina ghaku wo ŵanguwopa Ambuya, ndi kughanaghana pa zina lawo.

Yesaya 6:13

Ndipo chingana mungaja chigaŵa chimoza pe cha vigaŵa chumi, nacho chikafyanga so, uli ndi muti wa muŵanga pamwenga wa nthunthu, wo chipandu chake chijaririya kuma asani wadumulika.” Mbutu yakupaturika ndiyo chipandu chake.

Zekariya 14:2

Chifukwa ndiwunjikenge mitundu yose ya ŵanthu kurwana ndi Yerusalemu, ndipo msumba urondekenge ndi nyumba ziskoŵekenge, ndi ŵanthukazi ŵachichizgikenge; chigaŵa charwande cha msumba chiyorekenge kuruta ku uŵanda, kweni ŵanthu ŵakujako kuti ŵabayikenge cha mu msumba.