Yesaya 4:2 - Tonga Bible 1986

² Mu zuŵa liya mphanda ya Ambuya yikaŵanga yakutowa ndi kukankhuskika, ndipo chipasi cha charu cho chikaŵanga kujikuzga ndi unkhankhu wa ŵakujapo ŵamoyo ŵaku Yisraele.

Yesaya 4:2 Referans Kwoze

Zekariya 6:12

ukambe nayo kuti, ‘Viyo atiti Ambuya ŵa maŵanja, “Wona, munthu yo zina lake ndi Mphanda; chifukwa wakakuwanga mu malo ghake, ndipo wakazenganga kasopi wa Ambuya.

Yeremiya 23:5

“Ehe, mazuŵa ghakazanga, atiti Ambuya, penipo ndikayuskiyanga Davidi Mphanda yakunyoroka, ndipo wakausanga nge ndi karonga, ndi kuchita mwa zeru; ndipo wakachitanga urunji ndi ukongorekwa mu charu.

Zekariya 3:8

Yivwa sono, iwe Yoswa mzukuru mura, iwe ndi ŵanyako wo ŵaja pasi panthazi pako, chifukwa mbanthu ŵa marumbu; ndizenge nayo mteŵeti wangu, ndiyo Mphanda.

Yesaya 27:6

Mu mazuŵa gha ghatuza Yakobe wakajinthanga misisi, Yisraele wakachitanga maluŵa ndi kumezga, ndi kuzaza charu chose ndi vipasi.

Yoele 2:32

Ndipo kuŵenge kuti, yose yo wadanenge pa zina laku Chiuta wataskikenge; chifukwa mu phiri Zioni ndi mu Yerusalemu ŵakaŵangamo wo ŵapozomokenge, nge ndimo Ambuya anene; ndipo mwaku wo ŵajako ndi umoyo, muŵenge wo Ambuya atuŵandana.

Yeremiya 33:15

Mu mazuŵa ghenigho ndi pa nyengo yeniyiya ndikamuyuskikyanga Davidi mphanda yirunji, iyo wazamuchita cheruzgu chirunji ndi ukongorekwa mu charu.

2 ŴaKorinte 4:6

Pakuti ndi Chiuta yo wanguti, “Kutuwa mu mdima ukweru uŵalenge.” Ndiyo waŵaliya mu mitima yidu kungweruska mziŵiru wa unkhankhu waku Chiuta mu chisku chaku Yesu Kristu.

Obadiya 1:17

Kweni mu phiri Zioni mukaŵanga wo ŵapozomoka, ndipo liŵenge lakupaturika; ndipo ŵamu nyumba yaku Yakobe ŵaŵenge navyo vihara vyawo ndi vyawo.

Yeremiya 44:14

alinga kuti paulevi yumoza wa ŵakujapo ŵa ŵaYuda wo ŵakuza kuzachija mu charu cha Egipiti wakathaŵanga pamwenga kusiyikapo wamoyo pamwenga kuwere ku charu chaku Yuda, kwaku cho ŵanweka kuweriyako kwachija kweniko; chifukwa kuti ŵakawengako cha, kweni ŵanyake ŵakuthaŵa ndiwo.”

Yesaya 60:21

Ŵanthu ŵinu wose ŵakaŵanga ŵakongorekwa; wakaharanga charu cho muyaya, mphanda ya kupanda ine, nchitu ya manja ghangu, alinga kuti ndikankhuskike.

Yesaya 53:2

Pakuti wangukuwa paurongo pakenge nkhamuti kateta, uli ndi msisi wakutuwa pa nyata yakumira; iyo wengavi kawonekedu pamwenga unozgi kuti timulereske, ndipo wengavi kutowa kuti timukhumbe.

Sumu 72:16

Mu charu muŵe kurgha kwakuzara; mithunthu yiburumutizgike ndi vipasi, vyandane nge ndimo viliri ku Lebanoni; misumba nayo yizaze ndi ŵanthu, nge ndimo uteka uliri mu dondo.

2 Petro 1:16

Chifukwa tengavi kurondo nthanu zakunyengere, tichimziŵiskani nthazi yake ndi uzi wa Mbuyafwe Yesu Kristu, kweni tenga ŵakutimu ndi maso ukuru wake.

Yohane 1:14

Ndipo Mazu yo wanguŵa munthu, ndipo wajanga mwaku ifwe wakuzala wezi ndi uneneska; ndipo tinguthoŵa unkhankhu wake, unkhankhu nge ngwa wakuwayija ku Dada.

Luka 21:36

Kweni cherezgani ŵakuninizika nyengo zose, alinga kuti mupunde, kupozomoka ku kwaku vyenivi vyose vyakukhasa kuŵapo, ndi kumapo paurongo pa Mwana wa munthu.”

Mateyu 24:22

Ndipo asani ghengavi kufupiskika mazuŵa gha, mphanyi kuti chingana njumoza watinge wataskikenge cha: kweni chifukwa cha ŵakusankhika ghafupiskikenge mazuŵa gha.

Zekariya 9:17

Ehe, ngukuru umampha wake, ndi kutowa kwake nkhwakuruska limu! Vyakurgha vikondweskenge ŵanyamata ndi vinyo mufya ŵamwali.

Yoele 3:18

“Ndipo mu zuŵa lo mapiri ghanthonenge vinyo mufya, ndi tumapiri tutaŵarenge mkaka, ndi tumisinji tose twaku Yuda twendenge maji; ndipo chisimi chibwibwitukenge kutuliya ku nyumba ya Ambuya chamdiriya dambo la Shitimu.

Ezekiele 7:16

Ndipo asani ŵajako ŵakuthaŵa, ŵakaŵanga pa mapiri, nge ndi nkhunda za mudambo, wose ŵatenje, we yose pa uheni wake.

Yeremiya 44:28

Ndipo ŵeniwo ŵakapozomokanga ku lipanga ŵakawengako ku charu cha Egipiti kuya ku charu chaku Yuda, ŵamanavi ŵeni, ndipo wose wakujapo ŵa ŵaYuda, wo ŵanguza ku charu cha Egipiti kuzachijako, ŵakaziŵanga kuti ndi mazu ghakuyani gho ngakuneneska, ghangu pamwenga ghawo.

Yesaya 45:8

“Yoyoskani, mwa machanya mwe kutuliya kuchanya, ndipo mudengwendi mung'iye pasi urunji; charu chapasi chijurike, kuti utaski ubuke, ndipo chimezge so urunji; ine Ambuya ndine ndikuchilenga.

Yesaya 30:23

Ndipo akapaskanga vuwa pa mbutu yo mumija pa nyata, ndi vyakurgha, vyakume mu nyata, vyo vikaŵanga vyakunozga ndi vyakuzara. Mu zuŵa liya viŵetu vinu vikarghanga mu vipozwa vikuru;

Yesaya 11:4

kweni mu urunji wakeruzganga ŵasauchi, ndi kudumuwa ndi mwenera ŵakuzika ŵacharu chapasi; ndi nthonga ya mlomo wake ndipo ndimvuchi wa milomo yake wakabayanga ŵaheni.

Sumu 67:6

Charu chapasi chapaska mwandanu wake; Chiuta, Chiuta widu, watitumbika.

Chituwa 28:2

Ndipo ukasonanga maraya ghakupaturika ghaku Aroni mwana munyako, ghakuzirwa ndi ghamampha.

Yesaya 26:1

Mu zuŵa liya sumu iyi yikambikanga mu charu chaku Yuda: “Tendi muzi wakukho; wamika utaski nge ndi malinge ndi lisitu.

Yesaya 60:15

Chingana mungujoworeka ndi kutinkhika, po pengavi nanga njumoza wakuporotamo, ndikamuchitaninga kuŵa wa ufumu muyaya, likondwa laku mgonezi ndi mgonezi.

Yesaya 61:11

Pakuti mo charu chapasi chituzgiya mumera wake, ndipo nge ndimo munda umezge vyo vyamijikamo, viyo so ndimu Ambuya Chiuta wakamezgiyanga ukongore kwa ndi rumbu pa maso pa mitundu yose.

Ezekiele 34:29

Ndikazipaskanga usakati wa minda ya vipasi alinga kuti zireke kufwa so ndi nja mucharu, ndipo kuti zikatombozgekanga nanga nkhu mitundu so cha.

Ezekiele 36:8

“Kweni imwe, mapiri gha Yisraele, mphanda zinu zikasundanga, ndi kuŵapasiya vipasi vinu ŵanthu ŵangu ŵaYisraele; chifukwa ŵepafupi kuza ku muzi.

Malaki 3:17

“Ŵakaŵanga ŵangu, atiti Ambuya ŵa maŵanja, usambasi wangu wa pade pa zuŵa lo ndichichita. Ndipo ndiŵachitiyenge lisungu nge ndimo munthu wachitiya ndi mwana wake yo watimteŵete.