Yesaya 4:1 - Tonga Bible 1986

¹ Ndipo ŵanthukazi ŵankhonde ndi ŵaŵi ŵakakonga munthurumi yumoza mu zuŵa leniliya, ŵamkuti, “Tikarghanga kurgha kwaku taŵeni ndi kuvwara saru zakutaŵeni kweni zomera kuti tidanike ndi zina lako, tuzgapo soni paku ifwe.”

Yesaya 4:1 Referans Kwoze

Chiyambo 30:23

Wanguzuwuka ndi wangupapa mwana munthurumi ndi wanguti, “Chiuta watuzgapo soni zangu”;

Yesaya 2:17

Kujikuzga kwa munthu kukabwanthukiyanga pasi, ndipo kujikuzga kwa ŵanthu kukasiskikiyanga pasi, ndipo Ambuya pe ŵija ŵakakuzgikanga mu zuŵa lo.

Yesaya 13:12

Ndikaŵachitanga ŵanthu kuŵa ŵauliwuli kwakuruska golide lamampha, ndi unthu wa ŵanthu kwakuruska golide la Ofiri.

Luka 21:22

Pakuti yagha ndi mazuŵa gha thayu kuti vifiskike vyose vyakulembeka.

Luka 1:25

“Viyo andichitiya Ambuya mu mazuŵa mwaku ghenigho angulereze kutuzgapo chitozeru changu mu ŵanthu.”

2 ŴaTesalonika 3:12

Kweni tiŵalanguliya ŵaviyo, ndipo tiŵachiskiya mu Ambuya Yesu Kristu, kuti, ŵatakatakenge kwakufwasa, ŵarghe kurgha kwaku iwo ŵeneko.

Yesaya 17:7

Mu zuŵa liya ŵanthu ŵazamuphwere mlengi wawo ndipo maso ghaŵo ghazamulereska ku Mtuŵa yo Yumoza waku Yisraele,

Yesaya 10:20

Mu zuŵa leniliya ŵakujapo ŵa ŵaYisraele ndi ŵakujapo ŵa nyumba yaku Yakobe kuti ŵakayegamiyanga so paku yo wanguŵakoso cha, kweni wakayegamiyanga pa Ambuya, mtuŵa Yumoza waku Yisraele, mu uneneska.

1 Samuele 1:6

Ndipo wakutinkhana nayo wamusosomonga ukongwa kumukalipiska, chifukwa Ambuya angujara chibari chake.

Yesaya 2:11

Mawonekedu ghakujikuzga gha munthu ghakasiskikiyanga pasi, ndi kujikuzga kwa ŵanthu kukasiskikanga, ndipo Ambuya pe ŵija akakuzgikanga mu zuŵa lo.

Yesaya 3:6

Penipo munthu wakakonga mwana munyake mu myumba ya awiske, wakatinge, “Wendi chirundu, ukaŵanga murongozgi widu. Ndipo ndundu iyi ya vyakuphwanyika yikaŵanga pasi pa mtufu wako”;

Yesaya 54:4

“Ungopanga cha, pakuti kuti ukalengeskekanga cha; ungaghanaghananga cha, pakuti kuti ukatolekiyanga chilengesku cha; pakuti ukaruwanga chilengesku cha unyamata wako, kusekeka kwa uvyokoro wako kuti ukakumbukanga so cha.

Yeremiya 15:8

Ndandaniska vyoko vyawo, kwakuruska muchenga wa zinyanja; ndatole pa ŵanyinawo ŵa ŵanyamata, wakuŵananga ndi msana pakati; ndatuma kuŵaŵa ndi chofyu kuti viŵawiye kwa mabuchibuchi.

2 Samuele 6:23

Ndipo Mikala mwana waku Sauli wengavi kupapa mwana mpaka ku zuŵa la nyifwa yake.