Yesaya 39:3 - Tonga Bible 1986

³ Sono Yesaya mchimi wanguza ku karonga Hezekiya, wanguti kwaku iyo, “Ŵakambanji yaŵa ŵanthu? Wachiza kwako ŵatuliya pani?” Hezekiya wanguti, “Ŵaza kunu kwangu kutuliya ku charu cha kutali, ku Babiloni.”

Yesaya 39:3 Referans Kwoze

Marangu 28:49

Ambuya akazanga ndi mtundu wa ŵanthu kutuwa ku mpherekezgu za charu chapasi, upusu wawo nge nkhaphururukidu ka nombo, mtundu wo mazu ghake kuti mungavwa cha,

Yeremiya 5:15

“Ehe, ndikatolenga paku iwe mtundu wakutuliya kutali wa nyumba yaku Yisraele, atiti Ambuya. “Uwu ndi mtundu wakukhwima, ndi mtundu wamwaka, mtundu weniwo mazu ghake imwe mulivi kughaziŵa, chingana nkhuti mungawamo cha cho warongoro.

2 Mikoka 16:7

Pa nyengo yo wanguza Hamani muwona kwaku Asa karonga waku Yuda, wanguti, “Chifukwa wagomekezga fumu yaku Siriya, ulivi kugomezga Ambuya Chiuta wako, pa chifukwa ichi nkhondo ya fumu ya Siriya murwani wako yapozomoka mu janja lako.

2 Samuele 12:1

Ndipo Ambuya angutuma Natani kwaku Davidi. Wanguza, ndipo wangunena nayo, “Mu msumba wakuti mwenga ŵanthu ŵaŵi, yumoza musambasi munyake mukavu.

Yesaya 38:5

“Ruta, ukanene kwaku Hezekiya, Viyo atiti Ambuya, Chiuta waku Davidi ausu: Ndavwa rombu lako, ndawona masozi ghako; ehe, ndikasazgiyangako ku umoyo wako virimika chumi ndi vinkhonde.

Yesaya 38:1

Mu mazuŵa ghenigha Hezekiya wangutama ndipo wenga pafupi kufwa. Ndipo Yesaya mchimi mwana waku Amozi wanguza kwaku iyo, wanguti, “Viyo atiti Ambuya: Nozga umampha nyumba yako; pakuti ukafwanga, kuti ukachiranga cha.”

2 Mikoka 25:15

Pa chifukwa ichi Ambuya angukaripa ndi Amaziya ndi angutuma mchimi kwaku iyo, yo wanguti kwaku iyo, “Chifukwa nchine wapenja ŵachiuta ŵa ŵanthu wo ŵengavi kuŵataska ŵanthu ŵawo kutuwa mu janja lako?”

Yoswa 9:9

Iwo ŵanguti, “Taŵateŵeti ŵinu tatuliya ku charu chakutali ukongwa, chifukwa cha zina la Ambuya Chiuta winu; pakuti tavwa ndi mbiri yaku iyo, ndi vyose vyo wanguchita mu Egipiti,

Yoswa 9:6

Ndipo ŵanguruta kwaku Yoswa mu ugoŵi pa Gilgala ŵangunena ndi iyo ndi ŵaYisraele wose, “Tatuliya ku charu cha kutali; viyo sono mpangane nafwe phanganu.”

2 Mikoka 19:2

Kweni Yehu mwana waku Hanani muwona wanguruta kwachikumana nayo, wanguti kwaku Yehosafati, “Kumbi ukwenere kovya ŵaheni ndi kwanja wo ŵatinkha Chiuta? Pa chifukwa ichi kandundu kaku Chiuta ke paku iwe.

Yesaya 39:4

Iyo wanguti, “Ŵawonamunji mu nyumba yako?” Hezekiya wangwamuka, “Wawona vyose vyo vye mu nyumba yangu, mulivi kanthu mu nyumba yakusungiyamo ko ndengavi kuŵarongo.”

Yeremiya 4:16

Chenjezga mitundu kuti watuza; memeza mu Yerusalemu. “Akuŵazinga ŵatuliya ku charu cha kutali; ŵakambuliya pa mizi yaku Yuda.

Yeremiya 8:19

Avwani, kuliya kwa ŵanthu ŵangu, kutuliya mu utali ndi mu usani wa charu: “Kumbi Ambuya mulivi mu Zioni? Kumbi karonga wake kuti we mwake cha?” “Chifukwa nchine ŵandisosomole ku kukwiya ndi ŵangoza ŵawo ŵakusemeka, ndipo ndi ŵangoza ŵawo ŵachilendo?”