Yesaya 39:1 - Tonga Bible 1986

¹ Pa nyengo yeniyiya Merodakibaladani, mwana waku Baladani, karonga waku Babiloni, wangutuma mathenga ndi ŵakarata ndi chaulera kwaku Hezekiya, pakuti wanguvwa kuti wangutama ndipo wakuchira.

Yesaya 39:1 Referans Kwoze

Yesaya 23:13

Ehe charu cha ŵaKaldiya! Ŵanthu mbeneŵa, kuti ŵenga Asiriya cha. Ŵangutondo Turo kuŵamo nyama za mdondo. Ŵanguzenga vitanthali vyawo vyakukhazgiya, ŵangubwanganduwa nyumba zake za ufumu ŵanguwuchita kuŵa mapopa.

Yesaya 14:4

mukakambanga yagha pakuwera karonga wa Babiloni, “Wamara wakusuzga yo, ukari wa nkhaza wamara!

Yesaya 13:19

Ndipo Babiloni, yo mbunkhankhu wa maufumu, unozgi ndi kujikuzga kwa ŵaKaldiya, wakaŵanga nge ndi Sodomu ndi Gomora po Chiuta wanguyibwanganduwa.

Yesaya 13:1

Uchimi wa paku Babiloni wo Yesaya mwana waku Amozi wangu wona.

2 Mikoka 32:31

Hezekiya wangusakata mu nchitu zake zose. Viyo ndi mathenga gha Wakaronga ŵaku Babiloni gho ghangutumika kwake kufumba chisimikizgu chiya chinguchitika pa charu, Chiuta wangumureka yija kuti wamwese, kuti waziŵe vyose vyamu mtima wake.

2 Mikoka 32:23

Ndipo ŵanandi ŵazanga ndi vyawanangwa kwaku Chiuta ku Yerusalemu, ndi vinthu vyakuzirwa kwaku Hezekiya karonga waku Yuda, viyo kuti wangukuzgika pa maso pa ŵamitundu wose kutuwa penipa.

2 Samuele 10:2

ndipo Davidi wanguti, “Ndimuchitiyenge ulemu Hanuni mwana waku Nahasha nge ndimo awiske ŵangundichitiya ulemu.” Viyo Davidi wangutuma ŵanyamata ŵake kwachimusangaruska pa chifukwa cha awiske, ŵanyamata ŵaku Davidi ŵangufika mu charu cha Amoni.

2 Samuele 8:10

Tio wangutuma mwana wake Yoramu ku karonga Davidi kwachimtauzga ndi kumtumbika chifukwa wangurwana ndi Hadadezere ndi wangumupunda; pakuti nyengo zinandi Hadadezere wanguŵa pa nkhondo ndi Toi. Ndipo Yoramu wangupinga viyaŵi vya siliva, vya golide, vya mkuŵa;

2 Mikoka 32:25

Kweni Hezekiya kuti wangu ŵawezge kwakulingana ndi umampha wo ungumchitikiya cha, chifukwa mtima wake ungujikwezga. Pa chifukwa ichi kangumziya kandundu, ndi paku Yuda ndi Yerusalemu.