Yesaya 34:3 - Tonga Bible 1986

³ Ŵakubayika ŵawo ŵakapong'ekanga kubwaro, ndipo kununkha kwa viŵanda vyawo kukakuwanga; mapiri ghakapopomanga ndi ndopa zawo.

Yesaya 34:3 Referans Kwoze

Yoele 2:20

“Ndinderezgenge kutali ŵanthu ŵaku nkhonde kuŵadikiskiya ku charu cha chiparamba ndi chakupasuka; ŵakudanga ŵake ku nyanja yaku vuma, ŵakuvuli ku nyanja yaku zambwe; kununkha kwake ndi sungu lake vikwerenge; chifukwa wachita vinthu vikuru.

Ezekiele 39:4

Ukawanga pa mapiri ghaku Yisraele, iwe pamoza ndi nkhondo yako yose ndi ŵanthu woŵe pamoza nawe, ndikuperekenge ku viyuni vyose vya mtundumtundu vyo viko nyama ndiku vikoko vya mudondo kuti vikurghe.

Yesaya 34:7

Njati zikawiyanga nazo pamoza, ndi zakubama za mpupuka ndi nkhuzi zakulimba, charu chawo chikazumbwanga ndi ndopa, nyata yawo yikasambasanga ndi mafuta.

Chivumbuzi 14:20

Ndipo nkhandu yo yingukandika kubwaro ku msumba, ndipo ndopa zingutororoka ku nkhandu mu mweza wa mtunda akhumba wa machumi pe chumi ghaŵi ndimba yake. Utali ndi mitunda yinkhonde.

Amosi 4:10

“Ndingutuma mukati mwinu chideru nge ndimo kunguŵiya ku Egipiti; ndingubaya ŵanyamata ŵinu ndi lipanga; ndinguto ŵakavalo ŵinu; ndipo ndingupereka fungu liheni mu misasa yinu kuti likwere mu mphunu zinu; ndipuuli kuti munguwere kwaku ine cha,” atiti Ambuya.

Ezekiele 39:11

“Mu zuŵa liya ndipaskenge Gogi malo gha masano mu Yisraele, Dambo la Ŵamwenda-nthowa ku vuma kwa nyanja, ghakajaranga ŵakwenda chifukwa kwenikuwa ndiko ŵakaŵikikanga Gogi pamoza ndi nkhondo yake yose, viyo likadanikanga Dambo laku Hamoni-Gogi.

Ezekiele 38:22

Chideru ndi kudiska ndopa vikaserenga pamoza nayo ku cheruzgu, ndikang'iskanga paku iyo ndi pa maliŵanja ghake ndi pa ŵanthu wose wo ŵenayo pamoza vuwa ya maji ghanandi, matalala, fukunyira ndi moto.

Ezekiele 35:6

mu chifukwa cho, mo ndiliri wamoyo, atiti Ambuya Chiuta, ndikakurongosoliyanga ku ndopa, ndopa zikakurondonga; pakuti wasuskika ndi ndopa, chifukwa cho ndopa zikakurondonga.

Ezekiele 14:19

Pamwenga asani ndituma chideru mu charu chiya, ndi kupunguliyamo ukari wangu ndi ndopa, kudumuwamo munthu ndi chakuŵeta,

Yeremiya 22:19

Wakaŵikikanga nge ndi mbunda, wakaguguzikanga ndi kupong'eka kubwalo kwa malikomo gha Yerusalemu.”

Yesaya 10:4

Palivi chakujako kweni kusindama pasi mukati mu ŵamagoŵa pamwenga kuwa mukati mu ŵakubayika. Mu chifukwa chose ichi, kukara kwake kuti kwarata kunyake cha ndipo janja lake leche kutambaruka.

Yesaya 66:24

“Ndipo ŵakarutanga kwachilereska pa viŵanda vya ŵanthu wo ŵakundigarukiya; pakuti fusi zawo kuti zikafwanga cha, moto wawo kuti ukazimwanga cha, ndipo ŵakaŵanga ŵakutinkhika ku nyama yose.”

Yeremiya 25:33

“Ndipo wo mbakubayika ndi Ambuya mu zuŵa lo ŵakawonekanga kutuwa ku chigoti chimoza cha charu chapasi kwachifika ku chigoti chinyake. Ŵanthu kuti ŵakaŵatenjenga, nanga nkhuŵaunjika, pamwenga kuŵaŵika cha; ŵakaŵanga vundira pa chisku cha charu chapasi.

Nahumu 3:3

Ŵapakavalo ŵarotoka, ndi lipanga lakugabuka ndi mkondo wakuphurika, ŵakubayika mbanandi, ndundu za vitanda, vitanda vyambura kumara-ŵaguŵa mu vitanda pakwenda!

Ezekiele 32:4

Ndikakupong'anga pa mtunda, ndikutayenge pasi pakweru pa mtunda, ndidanenge viyuni vyose vya mude kuti vibote paku iwe, ndipo ndikagutiskanga vinyama vya charu chose chapasi ndi iwe.