Yesaya 34:1 - Tonga Bible 1986

¹ Ndereni pafupi, mwa ŵa mitundu mwe, kuzachivwa, ndipo tegherezgani, mwa ŵanthu mwe! Charu chapasi chitegherezge, ndi vyose vyakuzaza mwake, charu, ndi vyose vyakutuwa mwaku cho.

Yesaya 34:1 Referans Kwoze

1 ŴaKorinte 10:26

Chifukwa, “Ncha Ambuya charu chapasi, ndi uzali wake.”

Yesaya 43:9

Mitundu yose yiwungane pamoza, ndipo ŵanthu ŵakumane pamoza. Njani mukati mwawo wangaziŵa kutaula ichi, ndi kutirongo vinthu vya mwaka? Wazi ndi ŵakaboni ŵawo ŵakuŵazomerezga, ŵazichivwa ndi ŵanene, mbuneneska.

Yesaya 41:1

Tegherezgani chisisi kwangu, mwa vyaru vya malikumba, ŵanthu ŵawerezgiyemo mthazi zawo ŵandere pafupi, ndipo ŵarongoro, tiyeni tose tindere pafupi ku cheruzgu.

Yesaya 1:2

Vwani, mwa machanya mwe, tegherezga gutu, wa charu chapasi; pakuti Ambuya akamba: “Ŵana wo ndahiŵa ndi kuŵakuzga, kweni ŵandigarukiya.

Yeremiya 22:29

Owe wa charu, charu, charu, ivwa mazu gha Ambuya.

Yesaya 33:13

Avwani, imwe mwe kutali, chenicho ndachita; ndi imwe mwa ŵapafupi, ziŵisiskani nthazi zangu.

Marangu 32:1

“Tegherezgani gutu, mwa machanya mwe, ndipo ndikakambanga; charu chapasi chivwe mazu ghamu mlomo wangu.

Chivumbuzi 2:7

Mweniyo we ndi gutu, wavwenge cho Mzimu ukamba ku mipingu. Kwaku yo wapunda, nkhapaskanga kurghapo vyapa muti wa umoyo, wo wemu Paradiso waku Chiuta.’

Yesaya 49:1

Tegherezgani kwangu, mwavyaru vya malikumba, tegherezgani mwa ŵanthu ŵa kutali. Ambuya angundidana kutuliya ku chibali, kutuliya mu liŵavu la ama ŵangudana zina langu.

Yesaya 18:3

Imwe mose mwa ŵakuja mu charu chapasi, imwe ŵakuja pa charu, asani mbendera yakwezgeka pa mapiri, lereskani! Asani mbata yambika, vwani!

Sumu 96:10

Nenani ku mitundu yose, “Ambuya ausa! Inya, charu chikumiskika, kuti chikasukuniskikanga so cha; ŵeruzgenge makhamu mu kurunjika.”

Sumu 50:1

Wanthazi zose, Chiuta Ambuya, warongoro wadana charu chapasi kutuwa ku utuli wa lumwi mpaka ku kuselere kwake.

Sumu 24:1

Nchaku Chiuta charu chapasi ndi uzari wake, charu ndi wo ŵajamo;

Ŵeruzgi 5:31

“Viyo ndimu ŵamariya ŵakupindikana ŵinu, Ambuya mwe! Kweni mabwezi ghinu ghaŵe nge ndi lumwi lichituwa ndi nthazi yake.” Ndipo charu chingupumuwa virimika machumi ghanayi.

Ŵeruzgi 5:3

“Vwani, mwa ŵakaronga; tegherezgani gutu, mwa mafumu; ku Ambuya ndi kambiyanga, ndikakoŵeranga ku Ambuya, Chiuta waku Yisraele.

Marangu 4:26

zuŵa lino ndidana kuchanya ndi charu chapasi kuŵa ŵakaboni paku imwe kuti mwamuparghang'ika sosonukweni mu charu cho mutambukiyamo Yordane kwachironda kuŵa chinu, kuti mwamujamo nyengo yitali cha, kweni mwamupasuka.

Chiyambo 6:13

Ndipo Chiuta wanguti kwaku Nowa, “Ndighanaghana kumara vyamoyo vyose; pakuti charu chazaza ndi ukari chifukwa chawo; ndikaŵanaganga pamoza ndi charu.

Yesaya 48:16

Ndereni kwangu kufupi, avwani ichi; kwamba pa mtendeko ndilivi kukamba ku ubende, kwamba pa nyengo yo chingwamba kuŵako ndenga penipa.” Ndipo sono Ambuya Chiuta wandituma ine ndi Mzimu wake.

Ezekiele 38:17

“Viyo atiti Ambuya Chiuta: Kumbi ndiwe paku mweniyo mu ŵateŵeti ŵangu ŵa mchimi ŵaku Yisraele ndakambiyangapo mu mazuŵa gha mwaka, ŵeniwo mu mazuŵa ghenigha ŵanguchima kwa virimika vinandi kuti ndikatonga iwe kumikana nawo?

Obadiya 1:1

Chiwona chaku Obadiya. Viyo atiti Ambuya Chiuta ndi Edomu: Tavwa makani gho ghatuliya ku Ambuya, ndipo thenga latumika mukati mu mitundu: “Yukani! tiyeni timuyukiye kurwana nayo nkhondo!”

Yesaya 63:1

Njani uyu yo watuwa ku Edomo, mu vivwalo vyakuchesama vyakutuwa ku Bozra, ndi mweniyo ngwa unkhankhu mu kuvwara wakwenda mu ukuru wa nthazi zake? “Ndine, nditaula uneneska, ndawanthazi kutaska.”

Yeremiya 49:7

Gha paku Edomu. Viyo atiti Ambuya ŵa maŵanja: “Kumbi zeru kuti zichalimu cha mu Temani? Kumbi fundu zaŵamariya ŵa zeru? Kumbi chinjeru chawo chikuzilimitiya?