Yesaya 3:9 - Tonga Bible 1986

⁹ Ŵakaboni ŵawo ŵatesi ŵachita ukaboni paku wo, ŵamemeza uheni wawo nge ndi Sodomu, kuti ŵatiwubisa cha. Owe kwaku iwo! Pakuti ŵajitole uheni pa ŵeneko.

Yesaya 3:9 Referans Kwoze

Chiyambo 13:13

Sono ŵanthu ŵamu Sodomu ŵenga ŵaheni, ŵakulakwiya Ambuya weni ukongwa.

Yeremiya 6:15

Kumbi ŵanguchita soni pakuchita unyakazi? Awa, kuti ŵanguchita soni nanga mkhamana cha; ŵengavi kuziŵa kuzimbwa. Chifukwa cho ŵakawiyanga pamoza ndi wo ŵatauwa; pa nyengo yo ndikaŵalanganga, ŵakathereskekanga,” atiti Ambuya.

ŴaRoma 6:23

Chifukwa mphotu ya ulakwi ndi nyifwa; kweni chawezi chaku Chiuta mbumoyo wamuyaya mwaku Kristu Yesu Ambuyafwe.

Ezekiele 23:16

Penipo wanguti waŵawona wangujipereka kwaku wo, wanguŵatumiya mathenga mu Kaldiya.

Chitenje 5:16

Chifuku cha ufumu chambotokako ku mutu widu; Owe! Soka ifwe, pakuti talakwa!

Yeremiya 3:3

Chifukwa chenichi manthonera ghakanizgika ndipo vuwa ya chifuku palivi; ndipuuli iwe wendi chisku cha ureŵi, ukana kuchita soni.

Yesaya 3:16

Ambuya anguti: Chifukwa ŵanthukazi ŵaZioni mbakujikuzga ŵatenda ndi makhosi ghakunyutuka, ŵavwikuwa ndi dama maso ghawo, ŵachita kuchakatuka ŵachenda, ŵaswaya ndi marundi ghawo;

Nthanthi 30:13

Ŵalipo ŵeniwo manyi maso ghawo ngatali uli, manyi nkhope zawo zitali uli!

Nthanthi 8:36

kweni yo wapambana nane watijipweteka mweneko, wose ŵeniwo ŵatinkha ine ŵatanja nyifwa.”

Sumu 10:4

Mukujikuzga kwake munthu muheni watiti, “Chiuta kuti wakandilanganga cha, kuti waphwereko cha!” Agha ndigho maghanaghano gha munthu muheni.

2 ŴaKaronga 9:30

Penipo Yehu wanguza ku Yezerele, Yezebelu wanguvwa ndipo wanguzganga maso ghake, ndi kujidghoŵa mutu wake ndipo walingizganga pa dangazi.

1 Samuele 15:32

Samuele wanguti, “Tore kunu kwangu Agagi karongo wa Amaleke.” Agagi wanguza kwake wakukondwa. Agagi wanguti, “Ndithu urwirwi wa nyifwa waruta.”

Hoseya 13:9

Ndikuparghang'enge iwe, Yisraele; ndiyani wangakovya?

Danyele 7:20

ndi masengwe chumi gho ghenga mu mutu wake, sengwe limoza lingubuka ndipo paurongo paku lo; masengwe ghatatu ghangubonthoka, sengwe lo lenga ndi maso ndi mlomo wo unguŵereŵeta vinthu vikuru, ndipo lenilo linguwoneka kuŵa likuru kuruska ghanyake.

Chivumbuzi 11:8

Ndipo vitanda vyawo vyamura mu mseu wa msumba wo ukuru. Zina lachikozgu cha msumba uwa uzumbulika Sodomu ndi Egipiti, kweniko Mbuyawo nayo wangupayikika.

Chiyambo 4:5

Ndipo Ambuya angurumba Abelu ndi mpasku wake, kweni kaini ndi mpasku wake angumurumba cha. Viyo Kaini wangukara ukongwa, ndipo chisku chake chingubwanthuka.

Nthanthi 15:32

Mweniyo wakana kusambizgika watijiyuyuwa; kweni mweniyo waphwere kuchenyeka wasaniya kuwamo.

Yesaya 1:10

Avwani mazu gha Ambuya, mwa ŵeruzgi ŵa Sodomu! Tegherezgani gutu ku kurunguchizga kwaku Chiuta widu, mwa ŵanthu ŵaku Gomora!

Yesaya 57:20

Kweni ŵaheni ŵe nge ndi nyanja yakuputa; yo kuti yipumuwa cha, ndipo maji ghake ghavunduwa ulambwe ndi fuvu.

Yesaya 59:12

Pakuti mautimbanizi ghidughandana pa maso pinu, mauheni ghidu ghatitipanikizga; inya mauheni ghidu ghe pamoza nafwe, ndipo tiziŵa maukazuzi ghidu:

Yeremiya 2:19

Uheni winu ukudikiskeninga, ndipo kureka kusopa kukakuchenyaninga. Ziŵani, ndi wonani, kuti imwe pakureka Ambuya Chiuta winu mbuheni ndi kuŵaŵa kwaku imwe; kundopa ine mulivi mwaku imwe, atiti Ambuya Chiuta wa maŵanja.

Yeremiya 8:12

Kumbi ŵanguchita soni penipo wanguchita ukazuzi? Awa, kuti ŵanguchita soni ndi keni kamana cha; ŵengavi kuziŵa kuzimbwa. Chifukwa cho ŵakawanga mukati mu ŵakuwa, penipo ndikaŵalanganga ŵakathereskekanga, atiti Ambuya.

Ezekiele 16:30

“Mtima wako utama ndi chanju, atiti Ambuya Chiuta, pakuti unguchita vyose ivi, nchitu za ureŵi za munthukazi wachisko chakutowa nge ndi mkuŵa;

Ezekiele 16:49

Awona, uwu ndiwo wenga ukazuzi wa mwana munyako Sodomu: iyo pamoza ndi ŵana ŵake ŵangujikuzga, ususi wa vyakurgha, ndi kufwasa mu mausakati; kuti ŵangovya ŵakavu ndi ŵakusauka cha.

Chiyambo 19:34

Ndipo pa zuŵa la pavuli, waumwali yo wanguti ku mhurwa wake, “Awona ndala nayo uskefwe usiku waruta; tiye timumweske vinyo usiku uno nawo; ndipo iwe ukasere ndi kula nayo alinga tisunge mphapu kuturiya ku uskefwe.”

Hoseya 5:5

Kujikuzga kwaku Yisraele kusimikizga pa maso pake; Efraimu waguŵenge mu kwananga kwake; Yuda nayo waguŵenge pamoza nayo.