Yesaya 3:11 - Tonga Bible 1986

¹¹ Owe ku muheni! Kukamuŵiyanga uheni, pakuti vyo manja ghake ghachita vikachitikiyanga kwaku iyo.

Yesaya 3:11 Referans Kwoze

Wakutaula 8:13

kweni muheni kuti kumuŵiyenge umampha cha, nanga nkhuti mazuŵa ghake gharutiliye nge nchiduduzi chake, chifukwa kuti watopa paurongo paku Chiuta cha.

Yakobe 2:13

Chifukwa cheruzgu nchambura lisungu ku wakureka kuchita lisungu: ndipo lisungu litumbwiya pa cheruzgu.

Sumu 62:12

ndi kuti kwaku imwe, Ambuya, kwe chanju chikuru. Chifukwa imwe musuzula munthu kwakulingana ndi nchitu zake.

Sumu 28:4

Ŵapaskeni kwakulingana ndi nchitu yawo, ndi kwakulingana ndi uheni wa vyakuchita vyawo; ŵapaskeni kwakuyana ndi nchitu ya manja ghawo; ŵawezgiyeni mphoto yo njakuŵenere.

Yesaya 65:20

Kuti mukawonekanga so litema lakuja lamoyo mazuŵa ghamanavi cha muwa, pamwenga khongwe lambura kufiska mazuŵa ghake, pakuti mwana wakafwanga wachiŵa mura wa virimika machumi pe chumi, ndipo muheni wa ura wa virimika machumi pe chumi wakaŵanga wakutembeka.

Yesaya 48:22

“Kulivi chimangu,” atiti Ambuya “ku ŵaheni.”

Nthanthi 1:31

chifukwa cho ŵakarghanga chipasi cha nthowa yawo ndi kuŵa ŵakuguta ndi fundu za ŵeneko.

2 ŴaKorinte 5:10

Pakuti tose tikawonekanga paurongo pa chitengu chakweruzgiyapo chaku Kristu; kuti yose waronde vyapa liŵavu, kwakulingana ndi vyo wachita, pamwe vyamampha, pamwe viheni.

Chiyambo 18:25

Chimuŵiyeni kutali kuchita cha viyo, kubaya ŵarunji pamoza ndi ŵaheni, kuti ŵarunji ŵayani ndi ŵaheni! Ichi chimuŵiyeni kutali! Kumbi Mweruzgi wa charu chose kuti wachitenge urunji cha?”

2 Mikoka 6:23

muvwe imwe kuchanya, muchite, muŵeruzgi ŵateŵeti ŵinu, kumsuska muheni ndi kumuwezge uheni wake pa mutu, ndi kumurunjiska murunji kwakulingana ndi urunji wake.

Jobu 10:15

Asani nde mulakwi, owe ine! Asani ndi murunji, ndingayunuska mutu wangu cha pakuti ndazazika ndi soni, ndipo ndilereska visuzgu vyangu.

Nthanthi 12:14

Kutuwa ku chipasi cha mazu ghake munthu wakhorweskeka ndi umampha, ndipo nchitu ya janja la munthu yiwere ku mweneko.

Yesaya 13:11

Ndikalanganga charu chifukwa cha uheni wake, ŵaheni chifukwa cha utimbanizi wawo, ndikagoteskanga kujikuzga kwa ŵakujitukumuwa, ndikusiskiya pasi kujikuzga kwa ŵambura lisungu.

Yesaya 65:6

Ehe, chikulembeka paurongo pangu; “Kuti ndikachetamanga cha ndikawerezgiyangapo, inya, ndikawerezgiyangapo mu chifuŵa chawo,

Yesaya 65:7

maulakwi ghawo ndi maulakwi gha auskewo pamoza nawo, atiti Ambuya; chifukwa ŵangocha vyachema pa mapiri ndi kundituka pa mapiri pachanya, mu chifukwa cha machitidu ghawo ghakudanga ndikaŵapimiyanga mphoto yapa chifuŵa chawo.”

Yeremiya 21:14

Ndikamulanganinga kwakuyana ndi nchitu zinu, atiti Ambuya; ndikakozganga moto mu lisuwa lake, ndipo ukananganga vyose vyenivyo vikumzingiliya iyo.”

Yeremiya 31:30

“Kweni munthu yose wakafwanga chifukwa cha uheni wa mweneko; munthu yose wakurgha vipasi vya kuŵaŵa, minyu ghake ghakachitanga uyeyera.

Ezekiele 2:10

ndipo wangujuriya pa maso pangu; lingulembeka mukati ndi kubwaro, mungulembeka mazu gha kutenje, kuliya, ndi soka.

Ezekiele 18:20

Mzimu wo unanga ndiwo ukafwanga. Mwana kuti wakasuzgikanga pa kunanga kwa awiske cha, pamwenga wiske kusuzgika pa kunanga kwa mwana cha; urunji wa murunji ukaŵanga paku iyo mweneko, ndipo uheni wa muheni ukaŵanga pa mweneko.

Ezekiele 24:14

Ine Ambuya ndarongoro; kukachitikanga, ndikachichitanga; kuti ndikaweriyanga kuvuli cha, kuti ndikarekeliyanga, pamwenga kugowoka nako so cha, kwakulingana ndi nthowa zako ndi machitidu ghako ndikakweruzganga, atiti Ambuya Chiuta.”

Ezekiele 33:8

Asani ndikamba ku muheni, Owe muheni we, nadi ukafwanga, ndipo iwe ureka kumunene kumucheŵeska muheni kuti waweko ku nthowa yake, muheni yuwa wakafwanga mu uheni wake, kweni ndopa zake ndikazifumbanga pa janja lako.

Mika 3:4

Viyo ŵakaliyanga ku Ambuya, kweni kuti amukenge cha; akabisanga chisku chawo kwaku iwopa nyengo yiya, chifukwa nchitu zawo ŵazisanduska kuŵa ziheni.

Mika 7:13

kweni charu chikaŵanga chakupasuka chifukwa cha ŵakujamo ŵake, chifukwa cha vyakutuwa mu milimu yawo.

Maŵerengedu 32:23

Kweni asani kuti mukachitanga viyo cha, ehe, mwalakwiya Ambuya; ndipo muŵe ŵaneneska kuti ulakwi winu ukamusaniyaninga.

Ŵeruzgi 9:57

Ndipo Chiuta wanguchitiska kuti uheni wa ŵanthu ŵamu Shekemu uwere pa mitu yawo, ndipo thembo laku Yotamu mwana waku Yerubala nalo so linguza paku iwo.

2 Samuele 3:39

Ndipo ine ndatomboroka msana wale nanga nde karonga wakupakika; ŵanthu yaŵa, ŵana ŵaku Zeruya mbanonono kwangu. Ambuya achitiye wakuchita uheni kwakuyana ndi uheni wake.”

1 ŴaKaronga 21:21

Ehe, ndikazanga ndi uheni paku iwe; ndikakupeyanga tetete, ndipo ndikadumuwangako kwaku Ahabu munthurumi yose, kapolo pamwengamwanangwa, mu Yisraele,

Nthanthi 11:31

Asani murunji walonde thayu pa charu, naku wamphulupulu ndi muheni kuŵenge uli.

Nthanthi 26:27

Mweniyo wakumba zenje wakawangamo, ndipo mwa ukamuweriyanga mweniyo wayamba kuwukunkhuzga.

Ezekiele 16:59

“Inya, atiti Ambuya Chiuta: Ndikachitanga nawe nge ndimo wachitiya, wanyoza rapu mukuswa phanganu,