Yesaya 27:7 - Tonga Bible 1986

⁷ Kumbi waŵakoso, uli ndimo wangukosole wo wanguŵakoso? Pamwenga kumbi ŵabayika uli ndimo ŵakuŵabaya ŵangubayikiya?

Yesaya 27:7 Referans Kwoze

Nahumu 3:19

Kulivi kupozga kupweteka kwako, bamba lako liŵaŵa. Wose wo ŵavwenge makani ghako ŵakumbiyenge manja. Chifukwa mphakuyani palivi kuza uheni wako wambura kureka?

Nahumu 1:14

Ambuya alangula ndi iwe: “Kuti zina lako likarutiliyanga so cha; mu nyumba ya ŵachiuta ŵako ndibwangandu wenge, ŵangoza ŵakusema ndi ŵangoza ŵakusongono. Ndichitenge muunda wako chifukwa ungukazuzgika.”

Yeremiya 51:24

“Ndikamuwezgiyanga Babiloni, ndi wose ŵakuja mu Kaldiya, uheni wose weniwo ŵakuchita mu Zioni imwe muchilereska, atiti Ambuya.

Yeremiya 50:40

Uli ndimo Ambuya angubwanganduliya Sodomu ndi Gomora ndi mizi yakuzengezgana nayo, atiti Ambuya, viyo so paulengevi munthu yo wakajangamo muwa, ndipo palivi mwana wa munthu yo wendamugonamo mwake.

Yesaya 17:14

Nyengo ya mazulo, ehe, kofya! Kwenga kundache kuti ŵalipo so cha! Ichi ndichu chigaŵa chaku wo ŵatiti kwamphuwa, ndi mphenduzga yaku wo ŵatitifyankhanyuwa.

Yesaya 17:3

Linga likazirimitiyanga mwaku Efraimu, ndi ufumu mu Damasko, ndipo ŵakujapo ŵaSiriya ŵakaŵanga uli ndi unkhankhu wa ŵana ŵaku Yisraele, atiti Ambuya ŵa maŵanja.

Yesaya 10:12

Penipo Ambuya atakuti ŵamara nchitu yawo yose pa phiri la Zioni ndi pa Yerusalemu akalanganga kujikuzga kukuru kwa karonga wa Asiriya ndi kujikwezga kwake.

Yesaya 10:17

Ukweru waku Yisraele usandukenge moto, ndipo Mtuŵa wake Yumoza mlipu; ndipo ukawochanga ndi kwananga minga yake ndi kankhande mu zuŵa limoza.

Yesaya 30:31

ŴaAsiriya wofyerwenge pa kakambidu ka Ambuya, achikoso ndi nthonga yawo.

Yesaya 31:8

“Ndipo ŵaAsiriya ŵakawanga ndi lipanga, la munthu cha, ndipo lipanga, la munthu cha, likamumaranga, wakathaŵanga ku lipanga lo, ndipo ŵanyamata ŵake ŵakaŵikikanga pa nchitu yakuchichizgika.

Yesaya 31:9

Jarawe lake likarutanga mu chofyo, ndipo nduna zake zikayithaŵanga mbendera mu mantha,” atiti Ambuya, wo moto wawo wemu Zioni, ndi ng'anjo yawo ye mu Yerusalemu.