Yesaya 27:1 - Tonga Bible 1986

¹ Mu zuŵa liya Ambuya ndi lipanga lawo likhomi, likuru ndi lakulimba, akalanganga Leviathani chinjoka chakuthaŵathaŵa, Leviathani chinjoka chakunyongoroka-nyongoroka, ndipo akabayanga cha nchalinda cho che mu nyanja.

Yesaya 27:1 Referans Kwoze

Ezekiele 29:3

kamba, unene kuti, viyo atiti Ambuya Chiuta: Awona, ndimikana nawe, Farao karonga wa Egipiti, nchalinda mukuru yo wagona mukati mu misinji yake, yo watiti, ‘Nile wangu, ngwakundamweni; ndikumulenga ndine.’

Yesaya 51:9

Yukani, Yukani, vwarani nthazi, mwa janja la Ambuya; yukani, nge ndimu mazuŵa ghamwaka, migonezi yakale ukongwa. Kumbi kuti ndimwe cha mungudumuwa Rahabi tumanatumana, mungulasa cha nchalinda?

Chivumbuzi 12:3

Ndipo unguwoneka munthondwe so unyake kuchanya; onani nchalinda mukuru, muyera wakuti che, wakuŵa ndi mitu yinkhonde ndi yiŵi ndi sengwi chumi, ndi pa mitu yake vifuku vinkhonde ndi viŵi.

Yesaya 66:16

Pakuti ndi moto Ambuya akachitanga cheruzgu, ndipo ndi lipanga lawo, pa nyama yose; wo ŵakabayikanga ndi Ambuya ŵakaŵanga ŵanandi.

Sumu 104:26

Ngaraŵa zitenda mwenimo, ndipo njoka ya mu nyanja yo mukulenga yiseŵe mwenimo.

Jobu 26:13

ndi mzimu wake machanya ghanguchitika ghakutowa janja lake linguswa njoka yakunyongoroka yamu nyanja.

Chivumbuzi 20:2

Ndipo wanguko nchalinda yo, njoka yo yamwaka, yo ndi Diabolo ndi Satana; ndipo wangumumanga virimika chikwi,

Chivumbuzi 19:21

Ndipo ŵakujapo ŵangubayika ndi lipanga laku mweniyo wangugara pa kavalo yo, lenilo lingutuwa mu mlomo wake. Ndipo viyuni vyose vinguguta nyama zawo.

Yeremiya 51:34

“Nebukadanezara karonga wa Babiloni wandirgha ine, wandiphwanya; wandichita kuŵa chiyaŵi chiyumu, wandimeza ulaka ncha nchalinda: wazaza nthumbu yake ndi vyakunowa vyangu, wandikana ine.

Jobu 40:19

“Ndiyo wakudanga wanchitu zaku Chiuta; mweniyo wakumulenga ndiyo wazi pafupi ndi lipanga lake!

Chivumbuzi 17:15

Ndipo mungelo wangunena nane, “Maji gho unguwona, po waja munthukazi-mureŵi yo, ndigho makamu, ndi mizinda, ndi mitundu, ndi marongororedu.

Chivumbuzi 17:1

Ndipo wanguza yumoza wa ŵangelo ŵankhonde ndi ŵaŵi wo ŵenga ndi mbali nkhonde ndi ziŵi, wangukamba nane, wakuti, “Yiza kuno; ndikurongo mo wasuskikiyenge munthukazi mureŵi mukuru, yo waja pa maji ghanandi;

Chivumbuzi 16:13

Ndipo ndinguwona ŵazimu ŵatatu ŵawiyu uli mbachuwa, kutuwa mu mlomo wa nchalinda, ndi mu mlomo wa chikoku, ndi mu mlomo wa mchimi-mtesi.

Chivumbuzi 13:11

Ndipo ndinguwona chikoku chinyake chakuzuwuka kutuwa ku charu; chenga nazo sengwi ziŵi uli ndi mwanamberere, ndipo charongoronga nge ndi nchalinda.

Chivumbuzi 13:4

Ndipo ŵanthu ŵangumlambiya nchalinda, pakuti wangupaska chikoku mtufu; ndipo ŵanguchilambiya chikoku, ŵakuti, “Njani wakukozgana ndi chikoku cho? Ndipo wanthazi njani kurwana nacho?”

Chivumbuzi 2:16

Viyo ng'anamuka, vinu ndingaza kwako ruŵi, ndikurwana nawo ndi lipanga la mlomo wangu.

Yeremiya 51:13

Okwe imwe mwaŵa kuja pafupi ndi maji ghanandi, mwa wakusambasa mu chuma, umari winu waza, uzu wa umoyo winu wadumuka.

Yeremiya 47:6

Aha, walipanga la Ambuya! Mpaka zuŵanji weche kuja cheti? Jiserezgi wija mu chibazi, pumuwa uje chisisi!

Yesaya 65:25

Mphumphi ndi mwana wa mberere vikarghiyanga pamoza, nkharamu yikarghanga uteka nge ndi ng'ombe; fuvu likaŵanga kurgha kwa njoka. Kuti vikapwetekanga pamwenga kwananga cha, mu phiri langu lose lakupaturika, atiti Ambuya.”

Yesaya 26:21

Pakuti ehe, Ambuya atuza kutuwa mu malo ghawo, kuzachilanga ŵakuja mu charu pa chifukwa cha kwananga kwawo, ndipo charu chazamvumbuwa ndopa zakudikiya paku cho, ndipo kuti chikabisanga so ŵakubayika ŵake cha.

Sumu 45:3

Jimangiriye lipanga lako mu chiwunu, wa chilimbi we, mu unkhankhu ndi mu kuziza kwako!

Jobu 3:8

Ŵawutembe wo ŵatemba zuŵa, wo ŵaziŵa kuyuska chinyama cha maji.

Jobu 41:1

“Kumbi ungaziŵa kuŵeja mung'ona ndi mbeja yakuŵeje somba, pamwenga kumangiya pasi lilime lake ndi chingwe?

Yesaya 65:12

ine ndikakurongosoliyaninga ku lipanga, ndipo imwe mose mukakotamiyanga pasi kubayika; chifukwa, penipo ndingudana, kuti mungwamuka cha, po ndingurongoro, kuti mungutegherezga cha, kweni mukuchita cho chenga uheni mu maso ghangu, mungusankha cho ine ndengavi kukondwa nacho.”

Amosi 9:3

Chingana ŵangabisama pa phiri pachanya pa Karmele, ndakuŵapenja kwenikuwa ndi kuŵato; ndipo chingana ŵangabisama ku maso ghangu kusi ku nyanja, nkhalanguliyanga njoka, ndipo yikaŵarumanga kweniko.