Yesaya 26:9 - Tonga Bible 1986

⁹ Mzimu wangu unweka imwe ndi usiku, mzimu mukati mwangu upenja imwe ndi linweka. Pakuti asani vyeruzgu vinu vye mu charu chapasi, ŵakuja mu charu ŵasambira urunji.

Yesaya 26:9 Referans Kwoze

Mateyu 6:33

Kweni lembeni danga ufumu waku Chiuta ndi urunji wake, ndipo vyenivyo vyose vikuskikiyengeko kwaku imwe.

Sumu 119:62

Mukati mu usiku ndiyuka kutumbika imwe, chifukwa vyeruzgu virunji.

Sumu 63:1

A Chiuta, ndimwe Chiuta wangu, ndipenja imwe, mzimu wangu uparanthukiya imwe, mtima wangu wose unweka imwe, nge ncharu cha chiparamba chakuvuka chamburamaji.

Marko 1:35

Ndipo ndi mlenji, kweche usiku, wanguyuka ndi kutuwa, wanguruta ku malo gha bozwa, warombanga kweniko.

Chivumbuzi 11:13

Ndipo mu ora liya chinguŵapo chiyeuyeu chikuru mwakuti chigaŵa chachumi cha msumba wo chinguwa; ndipo mu chiyeuyeu cho ŵangubayika ŵanthu vikwi vinkhonde ndi viŵi. Ndipo ŵakujapo ŵangutenthemeskeka, ndipo ŵangupaska unkhankhu kwaku Chiuta wakuchanya.

Luka 6:12

Ndipo kunguŵa mu mazuŵa yagha kuti wangutuliya ku phiri kwachiromba; ndipo wajariyanga usiku wose mu kuromba Chiuta.

Yesaya 55:6

“Penjani Ambuya penipo angusanirika, danani paku iwo penipo ŵeche pafupi;

Nthanthi 8:17

Nditanja ŵeniwo ŵatindanja, wo ŵatindipenja kwarwana ŵatindisaniya.

Sumu 58:11

Ŵanthu ŵakatinge, “Nadidi yiriko mphoto ya wakurunjika; kwakuneneska Chiuta waliko yo wateruzga pa charu.”

Hoseya 5:15

Ndiwerenge so ku malo ghangu, mpaka ŵazomere kwananga kwawo, ndipo ŵapenge chisku changu. Ndipo mu suzgu yawo ŵatindipenja, ŵatiti,

Yesaya 27:9

Chifukwa cho, paku ichi kulakwa kwaku Yakobe kukapepeskekiyanga, ndipo ichi chikaŵanga chipasi chakufikapo cha kutuzgapo uheni wake: wachichita mya yose ya viguŵa vya sembe nge ndi mya yituŵa yakupereka tumana-tumana, palivi kuti Asherimi pamwenga viguŵa vya vyachema vyo vikajaririyanga kuma.

Sumu 130:6

Mzimu wangu ulindizga ku Ambuya, ndi mwamphu wose kwakuruska mo ŵalonda ŵalindiya matandakucha, kwakuruska mo ŵalonda ŵalindiya matandakucha.

Sumu 64:9

Sono ŵanthu wose ŵakawopanga; ŵakonkhomenge vyo Chiuta watata, ndikughanaghanapo paku vyo wachita.

Sumu 83:18

Muŵaziŵiske kuti imwe pe mwija, mwaŵenimwe zina linu ndimwe Ambuya, mwe Wapachanya Limu pa charu chose chapasi.

Sumu 78:34

Penipo wangukosopo ŵanyake, ŵakujapo wo ŵangumupenja; ŵangung'anamuka, ŵangupenja, Chiuta ndi mwamphu wose.

Sumu 63:5

Mzimu wangu ukarghanga dghera, ndi kuguta, ndipo ndimbenge sumu zakukonda zakutumbika imwe.

Sumu 105:7

Ndiwo Ambuya, Chiuta widu; vyeruzgu vyake vya charu chose chapasi.

Sumu 119:55

Ambuya, mu usiku ndighanaghana ndi imwe, ndipo ndisunga dangu linu.

Yesaya 50:10

Njani mukati mwinu yo watopa Ambuya ndi wavwiya mazu gha mteŵeti wawo, yo watenda mu mdima, ndi walivi ukweru, kweni wagomezga mu zina la Ambuya ndi kuyegeme paku Chiuta wake?

Chitenje 2:19

Yuka bongonga ndi usiku, pakwamba kwa chitulu! Dira mtima wako uli ndi maji paurongo pa Ambuya! Soske kwawo manja ghako chifukwa cha maumoyo gha ŵana ŵako ŵeniwo ŵalakatuka chifukwa cha nja pa kwamba kwa gurwi yose.

Chitenje 3:25

Ambuya mbamampha kwaku wo atuŵalindizga, ku mzimu weniwo utuŵapenja.

Ezekiele 5:15

Mukaŵanga chakuwereka, ndi chakunyozeka, sunjizgu ndi chakuyeyeka, ku mitundu yakumuzingirizgani, penipo ndiŵika cheruzgu paku imwe mu ukari ndi kandundu kangu, ndi kulengika kwakofya ine, Ambuya, ndakamba;

1 Mikoka 16:14

Iyo ndi Ambuya Chiuta widu; vyeruzgu vyake vye mu charu chose chapasi.