Yesaya 26:4 - Tonga Bible 1986

⁴ Gomekezgani mu Ambuya muyaya, pakuti Ambuya Chiuta ndi jarawe la muyaya.

Yesaya 26:4 Referans Kwoze

Yesaya 12:2

“Ehe, Chiuta ndi mtaski wangu; ndikagomekezganga, ndipo kuti ndipenge cha; pakuti Ambuya Chiuta ndi nthazi yangu ndi sumu yangu, ndipo iyo waŵa utaksi wangu.”

Sumu 62:8

Gomezgani mwaku iyo nyengu zose, mwa ŵanthu; muneniyeni masuzgu ghinu ghose, chifukwa ndiyo chakudingang'amo chidu.

Sumu 55:22

Taya pa Ambuya mphingu yako, ndipo iwo akakuchirikizganga; kuti azomerezgenge nanga nkhamana cha kuti wakurunjika wawo wasukuniskike.

ŴaFilipi 4:13

Ndiziŵa kuchitiya vyose mwaku Kristu mweniyo watindikhomeska.

Sumu 18:2

Chiuta ndi jarawi langu, linga langu, ndi mpozomoski wangu, Chiuta wangu, jarawi langu, mwaku mweniyo ndidingang'a, ndi nguru yangu, ndi mtaski wangu wa nthazi, linga langu lakukho.

Sumu 62:11

Kwakuruska kamoza ndavwa Chiuta watiti: nthazi ze kwaku Chiuta;

Sumu 46:1

Chiuta nchakudingang'amo chidu ndinthazi yidu, movya wakusanirika ukongwa mu suzgu.

1 Samuele 2:2

“Kulivi mtuŵa nge mba Mbuya, palivi yumoza pade paku imwe; kulivi jarawi lakuyana ndi Chiuta widu.

Yesaya 50:10

Njani mukati mwinu yo watopa Ambuya ndi wavwiya mazu gha mteŵeti wawo, yo watenda mu mdima, ndi walivi ukweru, kweni wagomezga mu zina la Ambuya ndi kuyegeme paku Chiuta wake?

Mateyu 6:13

Ndipo mungatitole mu kesedu kweni titaskeni ku mheni yo.

Yesaya 45:24

“Mu Ambuya pe, ŵakakambanga gha paku ine, mburunji ndi nthazi; kwaku iyo wakazanga ndi kulengeskeka, wose ŵeniwo ŵangumuyukiya.

Yesaya 32:2

Yumoza ndi yumoza wakaŵanga uli ndi malo ghakubisamamo ku mphepo, musana wakubisamako ku lirondo, nge nthumisinji twa maji mu charu chiyumu, nge nchiduzi cha jarawe likuru mu charu chakuvuka.

Sumu 125:1

Ŵakugomekezga mu Ambuya ŵe uli ndiphiri Zioni, lenilo kuti lingasukuniskika cha, kweni ndakujaririya muyaya.

2 Mikoka 20:20

Ndipo ŵangucherera ndi chivivivi wanguruta ku bozwa laku Tekoa; ŵachiruta, Yehosafati wanguma wanguti, “Mundivwe, mwa ŵaYuda ndi Yerusalemu! Vwanani mwaku Chiuta widu, ndipo mukhozgekenge; gomezgani ŵamchimi ŵake ndipo mupundenge.”

Mateyu 28:18

Ndipo Yesu wanguza, wangurongoro nawo, wakuti, “Wapaskika kwaku ine mtufu wose kuchanya ndi panupasi.

Yesaya 63:1

Njani uyu yo watuwa ku Edomo, mu vivwalo vyakuchesama vyakutuwa ku Bozra, ndi mweniyo ngwa unkhankhu mu kuvwara wakwenda mu ukuru wa nthazi zake? “Ndine, nditaula uneneska, ndawanthazi kutaska.”

Yesaya 17:10

Mwaruwa Chiuta winuyo watimutaskani, ndipo mwaruwa Jalawi linu lakubisamamo; chifukwa chenichi, chingana mungapanda mbeu zakukondweska ndi kundondomeka tumiti twa ŵachiuta ŵalendo,

Jobu 9:19

Asani tingakamba ndi za nthazi, iyo ndiyo wanthazi! Asani tinganena ndi za cheruzgu; ndiyani yo wangamudana?

2 Mikoka 32:8

Kwaku iyo kwe janja la liŵavu la nyama; kweni kwaku ifwe kwe Ambuya Chiuta widu, kutovya ndi kurwa nkhondo zidu.” Ndipo ŵanthu ŵanguchinthiskika, kuyegeme pa mazu ghaku Hezekiya karonga waku Yuda.

Yesaya 45:17

Kweni Yisraele wataskika ndi Ambuya ndi utaski wa muyaya; kuti ukalengeskekanga cha chingana rikhutimbanizgika ku mgonezi wa muyaya.

Sumu 93:1

Ambuya ausa, avwara unkhankhu, akuvwara ndi kujichinyiriya ndi nthazi. Inya, charu nacho chikukhozgeka; ndipo kuti chikasukunikanga cha;

Sumu 66:7

ngwa kuwusa muyaya ndi mazaza ghake, maso ghake ghe pa mitundu ya ŵanthu. Ŵakutwanga ŵareke kujitumphuska paku iyo!

Marangu 32:15

“Kweni ŵanthu ŵaku Jeshuruni ŵangututuŵa ukongwa ndi ŵangusakata, ŵangututuŵa ukongwa, ŵangukuwa kuŵa ŵakhome, ŵangute fwatefwa. Ndipo ŵangusiya Chiuta yo wanguŵalenga, ndi ŵangutafula pa jarawe la utaski wawo.

Marangu 32:4

“Jarawe liya, nchitu yake njakufiskika, pakuti nthowa zake zose za urunji. Chiuta ndiyo mukongorekwa ndi wambura kalema, murumji ndi wakunyoroka.

Yesaya 30:29

Mukaŵanga ndi sumu nge mbusiku po dghera lakupaturika lichitika, ndi kukondwa kwa mtima, ulaka ndipa munthu waruta ndi kumba kwa fyolilo ku phiri la Ambuya, ku Jarawe la ku Yisraele.

Yesaya 44:8

Mungopanga cha, chingana nkhufipa mtima; kumbi ndilivi kumuneniyani kutuwa ku vya mwaka ndi kuvitaula? Imwe mwe ŵakaboni ŵangu! Kumbi pe chiuta munyake pade paku ine? Palivi Jarawe, ine ndindaliziŵe nanga ndimoza.”

Yesaya 51:5

Uwobozi wangu undere ruŵi pafupi, utaski wangu watuwa, ndipo manja ghangu ghakeruzganga ŵanthu; vyaru vya malikumba vitindilindizga, ndi vigomekezgu mu janja langu.

Danyele 3:17

Asani kungaŵa viyo, Chiuta widu mweniyo titeŵete waziŵa kutitaska ku kocha kwa ng'anjo ya moto, ndipo wakatitaskanga ku janja linu karonga.

Danyele 3:28

Nebukadanezara wanguti, “Watumbikike Chiuta waku Shadreke, Mesheke, ndi Abedenego, yo watuma mungelo wake kutaska ŵateŵeti ŵake, wo ŵagomezga mwaku iyo, ŵangukana dangu laku ine nda karonga, ŵangupereka maliŵavu ghawo kwakuruska kuteŵete ndi kusopa chiuta munyake, kweni Chiuta wawo pe.

Marangu 33:27

Chiuta wa muyaya ndiyo malo ghako ghakujamo, ndipo kusi kwe manja ghake gha muyaya. Ndipo wadikiska ŵakupindikana ŵinu paurongo pinu, ndipo watiti, ‘Parghang'a’.

Sumu 62:9

Ŵanthu ŵenge nkhamuvuchi ka waka, ŵanthu ŵa Charu ichi ŵalivi kuzirwa, pakuŵapima pa mweso ŵapepuka, mbapepu kwakuruska ka mvuchi.