Yesaya 26:3 - Tonga Bible 1986

³ Mutimusunga iyo mu chimangu cheneko, mweniyo mtima wake ukula pinu, chifukwa wagomekezga mwaku imwe.

Yesaya 26:3 Referans Kwoze

ŴaFilipi 4:7

Ndipo chimangu cho chaku Chiuta, cho chizungura kuwamo kose, chikalindiyanga mitima yinu ndi vinjeru vinu mwaku Kristu Yesu.

Yohane 16:33

Ndakukambiyani vyenivi, alinga kuti mwaku ine muŵe ndi chimangu, mu charu mwe ndi suzgu: kweni khwimani mtima; ine ndachipunda charu.”

Yohane 14:27

Chimangu ndikusiyiyani; chimangu changu nditukupaskani, ine kuti nditukupaskani uli ndimo charu chipaskiya cha. Ungakweŵekanga mtima winu cha, chingana nkhutenthema cha.

Sumu 9:10

Ndipo wo ŵaziŵa zina linu ŵaŵika chigomekezgu chawo mwaku imwe, Ambuya, kuti mwaŵajowo cha akumupenjani.

ŴaRoma 5:1

Viyo pakurunjiskika ndi chivwanu, chimangu te nacho kuchiri kwaku Chiuta mu Ambuyafwe Yesu Kristu;

Yesaya 31:1

Soka kwaku wo ŵasikiya ku Egipiti kupenja chovyu ndipo ŵagomekezga mu ŵakavalo, wo ŵagomekezga mu unandi wa magareta ndi mu ŵakukwera pa ŵakavalo pakuti mba nthazi ukongwa, kweni kuti ŵalereska ku Mtuŵa Yumoza yo waku Yisraele cha, pamwenga kufumba Ambuya!

Mika 5:5

Ndipo ichi chikaŵanga chimangu, po ŵaAsiriya ŵatuza mu charu chidundi kukanda pa dongo lidu, kuti timuyuskiye ŵaliska ŵankhonde ndi ŵaŵi, ndi ŵakaronga ŵankhonde ndi ŵatatu.

2 Mikoka 16:8

Kumbi asi ŵaEtiopia ndi ŵaLibiya ŵenga chimzinda cha nkhondo, ndi magareta ghanandi ukongwa ndi ŵapakavalo? Kweni chifukwa unguyegeme ku Ambuya, iwo anguŵapereka mu janjalako.

2 Mikoka 13:18

Viyo ndimo ŵaYisraele ŵanguthereskeke pa nyengo yiya. ŴaYuda ŵangupunda chifukwa ŵanguyegeme ku Ambuya Chiuta wa ambuyawo.

1 Mikoka 5:20

ndipo pa kovyeka kurwana nawo, ŵaHagiri, ndi wose ŵa pamoza nawo ŵanguperekeka mu manja ghawo, pakuti wanguliriya kwaku Chiuta mu nkhondo, ndipo pa chifukwa chakugomekezga mwaku iyo, wanguvwa kuŵeyere kwawo.

Yesaya 48:2

Pakuti ŵatijidaniya ŵija mu msumba wakupaturika, ndi kujijarika ŵija paku Chiuta waku Yisraele; Ambuya ŵa maŵanja ndilu zina lake.

Yesaya 50:1

Viyo atiti Ambuya, “Wepani karata wa chipata wa anyoko, mweniyo ndinguŵapatiyapo? Pamwenga nkhu wamateu nunju yo ndingukuguliskako? Ehe, unguguliskika chifukwa cha maulakwi ghako, chifukwa cha mautimabanizi ghako reka anyoko angupatika.

Sumu 119:165

Wo ŵatanja dangu linu ŵendi chivekeru chakufikapo, ndipo kulivi ko kakaŵaguŵiskanga.

Yesaya 12:2

“Ehe, Chiuta ndi mtaski wangu; ndikagomekezganga, ndipo kuti ndipenge cha; pakuti Ambuya Chiuta ndi nthazi yangu ndi sumu yangu, ndipo iyo waŵa utaksi wangu.”

Yesaya 26:12

Ambuya mwe, mukatichitiyanga chimangu ifwe, mwatilongosole ifwe nchitu zidu.

Yesaya 27:5

Kweni udange charonde ine nge nchakudingang'amo chake ndi kuchita nane chimango, udange wachita nane chimango.”

Yesaya 32:18

Ŵanthu ŵangu ŵakajanga mu uja wa chimangu, mu vyakujamo vyakukho, ndi mu malo ghachipumulu gha chisisi.

Yesaya 42:6

“Ndine Ambuya, ndakudaniya mu urunji, ndakuto ndi janja, ndakusunga,” ndakupaska uli ndi phanganu ku ŵanthu, lumbuni ku mitundu,

Yesaya 42:19

Njani yo ngwachiburumutiya kweni ndi mteŵeti wangu pamwenga mugota uli ndi muthenga wangu yo ndituma? Njani wachiburumutiya uli ngwakupaturika wangu, pamwenga wachiburumutiya uli ndi mteŵeti wa Ambuya?

Yesaya 49:8

Viyo atiti Ambuya, “Mu nyengo ya mwaŵi ndakwamuka iwe, mu zuŵa la utaski ndakovya ndakusunga iwe ndakupaska nge ndi phanganu ku ŵanthu kujarika charu, kugaŵa vihara vya mapopa;

Yesaya 66:12

Pakuti viyo atiti Ambuya: “Ehe, ndikarutizganga kusakata kwaku iyo uli ndi msinji, ndi usambasi wa ŵamitundu uli nkhamusinji kakusapatiya; ndipo ukawonkhanga, ukanyamulikanga pa pheŵa lake, ndi kukupembelezga pa makongono ghake.

Danyele 3:17

Asani kungaŵa viyo, Chiuta widu mweniyo titeŵete waziŵa kutitaska ku kocha kwa ng'anjo ya moto, ndipo wakatitaskanga ku janja linu karonga.

Danyele 3:28

Nebukadanezara wanguti, “Watumbikike Chiuta waku Shadreke, Mesheke, ndi Abedenego, yo watuma mungelo wake kutaska ŵateŵeti ŵake, wo ŵagomezga mwaku iyo, ŵangukana dangu laku ine nda karonga, ŵangupereka maliŵavu ghawo kwakuruska kuteŵete ndi kusopa chiuta munyake, kweni Chiuta wawo pe.

Danyele 6:23

Viyo Karonga wangukondwa ukongwa, ndi wangulangula kuti Danyele watuzgike mu zenje. Viyo Danyele wangutuzgika mu zenje, ndi mwengavi kusanirika chingana ndi bamba mu liŵavu lake, chifukwa wangugomekezga mwaku Chiuta wake.

Sumu 125:1

Ŵakugomekezga mu Ambuya ŵe uli ndiphiri Zioni, lenilo kuti lingasukuniskika cha, kweni ndakujaririya muyaya.

Yesaya 32:17

Ndipo ukongorekwa ukabaranga viyo chimangu, ndipo chakutuwa mu ukongorekwa, nchisisi, ndi chigomezgu muyaya.

Yesaya 50:10

Njani mukati mwinu yo watopa Ambuya ndi wavwiya mazu gha mteŵeti wawo, yo watenda mu mdima, ndi walivi ukweru, kweni wagomezga mu zina la Ambuya ndi kuyegeme paku Chiuta wake?

Yeremiya 39:18

Pakuti ndikakutaskanga, kuti ukabayikanga ndi lipanga cha; kweni ukaŵanga ndi umoyo wako nge ndi mphoto ya nkhondo, chifukwa wagomezga mwaku ine, atiti Ambuya.’ ”