Yesaya 26:21 - Tonga Bible 1986

²¹ Pakuti ehe, Ambuya atuza kutuwa mu malo ghawo, kuzachilanga ŵakuja mu charu pa chifukwa cha kwananga kwawo, ndipo charu chazamvumbuwa ndopa zakudikiya paku cho, ndipo kuti chikabisanga so ŵakubayika ŵake cha.

Yesaya 26:21 Referans Kwoze

Yesaya 18:4

Pakuti viyo ndimu angukambiya kwangu Ambuya: “Chisisi ndikapenjanga mwa kuja ine uli ndi kufunda kwa pakweru mu lumwi, ulaka ndi mtambo wa dungwi mu kufunda kwa vuna.”

Yesaya 13:11

Ndikalanganga charu chifukwa cha uheni wake, ŵaheni chifukwa cha utimbanizi wawo, ndikagoteskanga kujikuzga kwa ŵakujitukumuwa, ndikusiskiya pasi kujikuzga kwa ŵambura lisungu.

Jobu 16:18

“Wacharu we ungaundanga ndopa zangu, ndipo ureke kuzomerezga kuriya kwangu kusaniya malo gha chipumulu.

Chivumbuzi 16:6

Chifukwa ŵanthu ŵangudiska ndopa za ŵakupaturika ndi ŵamchimi, ndipo mwapaska iwo ndopa, kuti ŵamwenge. Mbakwenere kuzimwa!”

Luka 11:50

alinga kuti zilembezeke ku mphapu iyi ndopa zo zaku wose ŵamchimi, zakudikiya kwanda ku chidika cha charu.

Luka 11:40

Mwambura zeru, asi wakwata chakubwaro wanguwata chamkati so?

Ezekiele 8:6

Sono wangunena nane, “Mwana wa munthu, kumbi uwona vyo ŵachita, maunyakazi ghakuru gho nyumba yaku Yisraele yichita pano, kundidikiskiya kutali ndi malo ghangu ghakupaturika? Ehe, ukawonanga mbwenu maunyakazi ghakuru kwakuruska.”

Chivumbuzi 18:24

Ndipo mwaku iyo ndimuzingusanirika ndopa za ŵamchimi ndi ŵakupaturika, inya ndi zaku wose wo ŵangubayika pa charu chapasi.”

Jobu 20:27

Machanya ghakavumbuwanga ulakwi wake, ndipo charu chikamuyukiyanga.

Yesaya 10:3

Mukachitanganje mu zuŵa la chilangu, mu lirondo lo likatuwanga kutali? Nkhwakuyani ko mukachimbiriyanga kusaniya chovyo ndipo usambasi winu ukasiyikanga pani?

Yesaya 22:14

Ambuya ŵa maŵanja ajivumbuwa ŵeneko mu makutu ghangu: “Kwakuneneska ulakwi uwu kuti mukagowokerekiyanga cha, mpaka mukafwanga,” atiti Ambuya Chiuta wa maŵanja.

Yesaya 29:6

Ambuya ŵa maŵanja akachezga nganamwe, ndi kugunda ndi chidiririzi ndi mphomo yikuru, ndi kavuruvuru ndi chimphunga, ndi mlipu wa moto wakocha.

Yesaya 65:6

Ehe, chikulembeka paurongo pangu; “Kuti ndikachetamanga cha ndikawerezgiyangapo, inya, ndikawerezgiyangapo mu chifuŵa chawo,

Yesaya 65:7

maulakwi ghawo ndi maulakwi gha auskewo pamoza nawo, atiti Ambuya; chifukwa ŵangocha vyachema pa mapiri ndi kundituka pa mapiri pachanya, mu chifukwa cha machitidu ghawo ghakudanga ndikaŵapimiyanga mphoto yapa chifuŵa chawo.”

Yesaya 66:6

“Andi, chiwawa chakutuwa mu muzi! Mazu ghakutuwa mu kasopi! Mazu gha Ambuya, apaska mphoto ku ŵakupindikana ŵawo!