Yesaya 26:16 - Tonga Bible 1986

¹⁶ Ambuya mwe, mu suzgu ŵangukupenjani, ŵangupereka rombu, penipo likhwechu linu lenga paku iwo.

Yesaya 26:16 Referans Kwoze

Hoseya 5:15

Ndiwerenge so ku malo ghangu, mpaka ŵazomere kwananga kwawo, ndipo ŵapenge chisku changu. Ndipo mu suzgu yawo ŵatindipenja, ŵatiti,

Sumu 50:15

undidane mu zuŵa la suzgu; ndikupozomoskenge, ndipo undikankhuskenge.”

Chivumbuzi 3:19

Ŵeniwo wose nditanja, ndituŵachenya ndikuŵalanga: viyo pamphuka, ndi ng'anamuka.

Hoseya 7:14

Kuti ŵaliya kwaku ine ndi mtima wawo wose cha; kweni ŵatenje pa vita vyawo, ŵawunganirana chifukwa cha trigu ndi vinyo; ŵagaruka kwaku ine.

Chitenje 2:19

Yuka bongonga ndi usiku, pakwamba kwa chitulu! Dira mtima wako uli ndi maji paurongo pa Ambuya! Soske kwawo manja ghako chifukwa cha maumoyo gha ŵana ŵako ŵeniwo ŵalakatuka chifukwa cha nja pa kwamba kwa gurwi yose.

Yeremiya 22:23

Iwe wakuja mu Lebanoni, wakuja mu zimphako za milanji, ukatamanthanga po ukavwanga maurwirwi, kuŵaŵa nge nkhwa munthukazi wachipapa.”

Yesaya 37:3

Ŵanguti kwaku iyo, “Viyo ndimu wakambiya Hezekiya, ‘Zuŵa ili ndi zuŵa lasuzgu yikuru la kuchenya, ndi la chilengesku, pakuti nyengo yakupapiya ŵana yafikapo, ndipo palivi nthazi yakuŵapapiya.

Sumu 142:2

Ndipereka kwaku iwo madandaulo ghangu ghose; nditiŵanene masuzgu ghangu ghose.

Sumu 91:15

Ŵakandidananga, ndikaŵamukanga; ŵachiŵa musuzgu, ndikaŵanga pamoza nawo ndiŵapozomoskenge ndi kuŵatumbika.

Sumu 42:4

Vinthu ivi ndikumbuka, nge ndimo ndipunguliya mzimu wangu: ponda rutiyanga ndi mzinda, pakuŵadanjiriya ku nyumba yaku Chiuta, mu kukambura kwa likondwa ndi sumu za kuwonga, mzinda wakusunga visopo vya dghera.

1 Samuele 1:15

Hana wangwamuka wanguti, “Awa, Ambuya ndaŵa munthukazi wakusuzgika ukongwa; kuti ndamwa vinyo chingana nchakumwa chakuloŵereska cha, kweni ndaperekanga mzimu wangu paurongo pa Ambuya.

Maŵerengedu 21:7

Ŵanthu ŵanguza kwaku Mosese ŵanguti, “Talakwa pakuti tarongoro kwakumikana ndi Chiuta ndi imwe; rombani ku Ambuya, kuti atuzgeko kwidu njoka zo.” Viyo Mosese wanguŵarombe ŵanthu.

Yeremiya 2:27

Weniwo ŵatiti ku muti, ‘Ndiwe ada,’ ndi ku mwa, ‘Ndiwe ungundibala.’ Pakuti ŵang'anamuliya msana wawo kwangu, chisku chawo cha. Kweni mu nyengo ya suzgu yawo, ŵatiti, ‘Sokani mutitaske!’

Ŵeruzgi 10:15

Ndipo ŵaYisraele ŵanguti ku Ambuya, “Talakwa; tichitiyeni chose cho nchamampha kwaku imwe; kweni titukuŵeyani tipozomoskeni, msana wale.”

Sumu 27:8

Imwe munguti, “Penjani chisku changu.” Mtima wangu kwaku imwe utiti, “Chisku chinu, Ambuya, ndichu ndipenja.”

Sumu 77:3

Ndighanaghana ndi Chiuta, ndipo nditamantha; ndirunguruka, ndipo mzimu wangu ugongowa.

Sumu 78:34

Penipo wangukosopo ŵanyake, ŵakujapo wo ŵangumupenja; ŵangung'anamuka, ŵangupenja, Chiuta ndi mwamphu wose.

Yeremiya 29:12

Po ndipo mukandananga paku ine ndi mukazanga kuromba kwaku ine; ndipo ndikamuvwaninga.