Yesaya 26:11 - Tonga Bible 1986

¹¹ Ambuya, janja linu lasoskeka, kweni kuti ŵatiliwona cha. Ŵarekeni ŵawone mwamphu winu pa ŵanthu ŵinu ndi ŵachiti soni. Moto ŵakupindikana ŵinu uŵamare.

Yesaya 26:11 Referans Kwoze

ŴaHebere 10:27

kweni chilereze chakofya chakuti e cha cheruzgu, ndi ukari wa moto wo upirizgenge wamawongu wo.

Mika 5:9

Janja linu likatumphuliskikiyanga pazimphindikwa zinu ndipo ŵarwani ŵinu wose ŵakadumulikanga.

Yesaya 5:24

Viyo mo lilime la moto litoche mbuwa, mo uteka wakumira utakamiya mu mlipu, mdimu musisi wawo ukavundiyanga, ndi maluŵa ghawo ghakwere kuchanya uli ndi fuvu; pakuti ŵakana dangu la Ambuya ŵa maŵanja, ŵayuyuwa mazu gha Mtuŵa Yo waku Yisraele.

Chivumbuzi 19:20

Ndipo chingukoleka chikoku cho ndi pamoza nacho mchimi-mtesi yo, mweniyo wanguchita minthondwi pa maso pake, mwaku yeniyo wanguŵarandizgiya ŵeniwo ŵanguronde lisimbu la chikoku, ndi wo ŵalambiyanga chikozgu chake. Yaŵa ŵaŵi ŵangupong'eka ŵamoyo mu nyanja ya moto yo njakukole ndi fukunyira.

Chivumbuzi 3:9

Awona, nkhaŵachitanga ŵamu mpingu waku Satana, wo ŵatijitamula kuti mbaYuda, ndipo kuti mbaviyo cha, mbatesi, awona, nkhaŵachitanga kuti ŵazenge ndi kulambiya paurongo pa marundi ghako, ndipo ŵakaziŵanga kuti ine ndakwanja iwe.

1 Petro 3:16

pakuŵa ndi njuŵi yamampha; viyo kuti mwaku chenicho musuzgika ŵalengeskeke wo ŵaparamula kajaridu kinu kamampha ka mwaku Kristu.

2 ŴaTesalonika 1:8

wachitayiya thayu pa ŵakuura-kuziŵa Chiuta, ndi ku ŵakureka-kuvwiya evangeli wa Ambuyafwe Yesu.

Machitidu gha Ŵakutumika 28:27

Chifukwa mtima wa khamu lenili watutuŵa, ndipo ndi makutu ghawo ŵatuvwa chizituzitu, ndipo maso ghawo ŵasizimiya; vinu akhumba ŵangawona ndi maso ghawo, ndi ndi makutu ghawo ŵangavwa, ndipo ndi mtima ŵangawamo, ndipo ŵangang'anamuka, ndipo ine ndingaŵachizga.’

Mateyu 25:41

Pavuli waneniyenge ŵaku maze, ‘Tuwaniko kwangu, mwaŵakutembeke, ku motu wamuyaya, wakurongosoleke diabolo yo ndi ŵangelo ŵake;

Malaki 4:1

“Chifukwa nadi zuŵa lituza, lakocha nge ndi ng'anjo, penipo ŵakujikuzga wose ndi wose ŵakuchita uheni ŵakaŵanga viswaswa. Zuŵa lo lituza likaŵawochanga, atiti Ambuya ŵa maŵanja, viyo kuti likaŵasiyiyanga nanga ndi musisi pamwenga mphanda cha.

Yeremiya 44:28

Ndipo ŵeniwo ŵakapozomokanga ku lipanga ŵakawengako ku charu cha Egipiti kuya ku charu chaku Yuda, ŵamanavi ŵeni, ndipo wose wakujapo ŵa ŵaYuda, wo ŵanguza ku charu cha Egipiti kuzachijako, ŵakaziŵanga kuti ndi mazu ghakuyani gho ngakuneneska, ghangu pamwenga ghawo.

Yeremiya 5:3

Ambuya mwe, asi maso ghinu ghapenja uneneska? Imwe munguŵapuma, kweni kuti ŵanguvwa kuŵaŵa cha; imwe munguŵamara, kweni kuti ŵangukhumba kususkikacha. Ŵalimbiska visku vyawo kwakuruska jarawi ŵakana kung'anamuka mtima.

Yesaya 60:14

Ŵana ŵaku wo ŵangukuyuzgani wakazanga ndi kukotama pasi, kwaku imwe, wose wo ŵangukutonyorani, ŵakakotamanga pa marundi ghinu; ŵakakudananinga Muzi wa Ambuya, Zioni wa Mtuŵa Yumoza waku Yisraele.

Yesaya 44:18

Kuti waziŵa cha, chingana nkhuti wateska cha, pakuti wajara maso ghawo, alinga waleke kuwona, ndi zeru yawo, alinga ŵaleke kuwamo.

Yesaya 44:9

Wose wo ŵachita ŵangoza ŵe kanthu cha, ndipo vinthu vyo ŵakondweremo vitanduwa kanthu cha; ŵakaboni ŵawo kuti ŵawona nanga nkhuziŵa cha, kuti ŵangalengeskeka.

Yesaya 18:3

Imwe mose mwa ŵakuja mu charu chapasi, imwe ŵakuja pa charu, asani mbendera yakwezgeka pa mapiri, lereskani! Asani mbata yambika, vwani!

Yesaya 11:13

Sanje yaku Efraimu yikatuwangapo, ndipo wo ŵasuzga Yuda ŵakadumulikanga, Efraimu kuti wakachitiyanga sanje Yuda cha, nanga ndi Yuda kuti wakasuzganga Efraimu cha.

Sumu 86:17

Ndirongoni chisimikizgu cha umampha winu, Ambuya; mwakuti wose ŵakunditinkha ŵachiti soni, ŵachiwona kuti imwe mwandovya ndi kundisangaruska.

Sumu 21:8

Janja linu lisaniyenge ŵarwani ŵinu wose; janja linu lakurghiya lisaniyenge wo ŵatimutinkhani.

Sumu 10:12

Sokani, Ambuya; Chiuta mwe, soskani janja linu; mungaruwa wakusuzgika.

Jobu 34:27

chifukwa ŵangureka kumurondo, ndipo ŵengavi kuphwere nanga njumoza ya nthowa zake.

1 Samuele 6:9

Ndipo wonani; asani likwera mu nthowa yakuya ku charu chake ku Beteshemeshe, iku ndiyo yo watichitiya uheni ukuru uwu, asani kuti liyengeko cha, mbwenu tikaziŵanga kuti, kuti ndi janja lake cha lo latipweteka, chatiŵiya waka mwasoka.”

Chituwa 9:14

Pakuti nyengo yino yasono ndikatumanga videru vyangu vyose pa mtima wako, ndi pa ŵateŵeti ŵako ndi ŵanthu ŵako, alinga kuti muziŵe kuti kulivi nanga njumoza wakulingana ndi ine mu charu chose chapasi.

Luka 16:23

Ndipo mu Hadesi wanguti wayinuska maso ghake, pakuŵa mu maurwirwi, wanguwona Abrahamu kutari, ndi Lazaro mu chipakatu chake.

Sumu 78:63

Ŵanyamata ŵangubayika mu nkhondo, ndipo ŵamwali pengavi yumoza wakuŵato nthengwa.

Yesaya 1:31

Ndipo wanthazi wakaŵanga nge nchingwi cha wazi, nchitu yake yikaŵanga muthovu wa ŵaka, ndipo vyose viŵi vifyiyenge pamoza, ndipo paulengevi wakuvizimwa.

Yesaya 9:7

Kukuwa kwa ufumu wake ndi chimangu kuti kukaŵanga ndi umari cha, pa chitengo chaku Davidi, ndi pa ufumu wake, kuujarika ndi kuukhozga ndi cheruzgu chirunji ndi ukongorekwa, kwamba pa nyengo iyi kurutiriya ndi ku muyaya. Phamphu la Ambuya ŵa maŵanja likachitanga ichi.

Yesaya 9:18

Pakuti utimbanizi ukole uli ndi moto, utocha kankhande ndi minga; ukozga matundu ndi lisuwa, ndipo viputiya kuchanya mu ukhomi wa usi.

Yesaya 9:19

Kutuliya mu ukari wa Ambuya wa maŵanja charu chitufya, ndipo ŵanthu ŵe uli ndi nkhuni za moto; palivi munthu yo wachitiya lisungu mwana munyake.

Yesaya 10:17

Ukweru waku Yisraele usandukenge moto, ndipo Mtuŵa wake Yumoza mlipu; ndipo ukawochanga ndi kwananga minga yake ndi kankhande mu zuŵa limoza.

Yesaya 37:32

pakuti mu Yerusalemu mukatuwanga ŵakujapo, ndipo kutuwa mu Phiri Zioni mpingu wa ŵamoyo. Phamphu la Ambuya wa maŵanja likafiskanga ichi.

Yesaya 42:13

Ambuya aruta uli ndi munthu chilimbi, uli ndi munthu wa nkhondo wasosomo ukali wake; waliya pachanya, wadanirizga ukongwa, watijirongo yija kuŵa wa nthazi pa ŵakupindikana ŵake.

Yesaya 59:17

Wavwala ukongorekwa uli nchivekeru chapa mtima, ndi chisoti cha utaski pa mutu wake; wavwala vivwaro vya thayu nge ndi saru, ndipo wajivunga mu ufyu uli nchiphemeska.

Yesaya 63:15

Lereskani pasi kutuliya kuchanya, muwone, kutuliya uja winu utuŵa ndi wa unkhankhu. Kumbi lepani phamphu linu, ndi kulimba kwinu? Linweka la mtima winu ndi chifundu chinu, vyatuzgikako kwangu.

Yesaya 66:15

“Pakuti ehe, Ambuya akazanga mu moto, ndi magareta ghawo nge ndi mphepo ya lirondo, kupereka ukari wowo mu ufyu, ndi kususka kwake nge nkhulipuka kwa moto.

Yesaya 66:24

“Ndipo ŵakarutanga kwachilereska pa viŵanda vya ŵanthu wo ŵakundigarukiya; pakuti fusi zawo kuti zikafwanga cha, moto wawo kuti ukazimwanga cha, ndipo ŵakaŵanga ŵakutinkhika ku nyama yose.”

Mika 7:16

Mitundu yikawonanga ndikukoreka soni chifukwa cha nthazi zawo zose; ŵakaŵikanga manja ghawo pa milomo yawo; makutu ghawo ghakagatanga;

Sumu 28:5

Chifukwa kuti ŵaphwere nchitu za Ambuya cha, pamwenga nchitu za manja ghawo, aŵabwanguduliyenge pasi ndipo kuti aŵazengenge so cha.

Yesaya 10:16

Viyo Ambuya, Ambuya ŵa maŵanja akatumanga urwali wakondeska mukati mu ŵankhondo ŵawo ŵakututuŵa, ndipo pasi pa unkhankhu wawo kukole kukakozgekanga, uli nkhukole kwa moto.

Yesaya 66:5

Vwani mazu gha Ambuya, imwe mutenthema pa mazu ghawo: “Ŵabali ŵinu wo ŵatikutinkhani ndipo ŵatikudikiskani chifukwa cha zina langu ŵakuti, ‘Ambuya akankhuskike, kuti tiwone chimwemwe chinu,’ kweni ndiwo wo ŵakalengeskekanga.

Mika 7:10

Viyo murwani wanguwakawonanga, ndipo soni zikonge yo wanguti kwaku ine, “Ŵepani Ambuya Chiuta wako?” Maso ghangu ghamudodoleskenge; sono wakandirizgikiyenge pasi nge ndi dongo lamu gurwi.