Yesaya 26:10 - Tonga Bible 1986

¹⁰ Asani mwaŵi upaskika ku muheni kuti wasambira urunji cha, mu charu cha ŵakutowa mu mtima iyo wachita utimbanizi ndipo kuti watiuwona cha unkhankhu wa Ambuya.

Yesaya 26:10 Referans Kwoze

Hoseya 11:7

Ŵanthu ŵangu ŵaŵika mitima yawo pakutuwako kwaku ine; viyo ŵarongozgeke ku goŵa, ndipo palivi yumoza walituzgengeko.

Chivumbuzi 2:21

Ndipo ndingumpaska nyengo yakuti wang'anamuke; ndipo kuti wakhumba cha kung'anumuka, kutuwako ku ureŵi wake.

Mika 2:10

Yuka rutanga, pakuti yagha kuti ndimalo cha ghakupumuliyapo; chifukwa cha uheni wo ubwanganduwa ndi kubwanganduka kwakofya.

Yeremiya 2:7

Ndipo ndingumutoliyani mu charu cha vyakuzala, kurgha vipasi vyake ndi vyamampha vyake. Kweni munguti mwaseremo imwe mungukazuzga charu changu, ndipo mungukazuzga ŵanthu ŵangu.

Wakutaula 3:16

Ndipo so ndinguwona panu pasi kuti mu malo gha cheruzgu uheni wenga mwenimuwa, ndi mu malo gha urunji, namu so ukazuzi wenga mwenimuwa.

Nthanthi 1:32

Pakuti ŵanamana ŵabayika ndi nthowa yawo yachiwerevuli, ndipo kujikhorwa kwaŵakupusa kutuŵananga ŵeneko;

Sumu 106:43

Panandi anguŵapozomoska, kweni ŵenga ŵachigaruka mu nchitu zawo, ndipo ŵangusiskikiya pasi chifukwa cha uheni wawo.

Marangu 32:15

“Kweni ŵanthu ŵaku Jeshuruni ŵangututuŵa ukongwa ndi ŵangusakata, ŵangututuŵa ukongwa, ŵangukuwa kuŵa ŵakhome, ŵangute fwatefwa. Ndipo ŵangusiya Chiuta yo wanguŵalenga, ndi ŵangutafula pa jarawe la utaski wawo.

Chituwa 9:34

Kweni penipo Farao wanguwona kuti vuwa, matalala, ndi kudiririska vingumara, wanguwerezgapo kulakwa ndi wangunonopeska mtima wake iyo pamoza ndi ŵateŵeti ŵake.

Chituwa 8:15

Kweni penipo Farao wanguwona kuti pe chigowoke, wangunonopeska mtima wake, ndipo wangukana kuŵategherezga, uli ndimo Ambuya angukambiya.

Hoseya 13:6

Kweni po ŵangurgha ukongwa, ŵanguguta, ndipo mtima wawo ungujitukumuwa; chifukwa ichi ŵangundiruwa.

Hoseya 9:3

Kuti ŵakajanga mu charu cha Ambuya cha; kweni Efraimu wakawerenga, ku Egipiti, ndipo ŵamukurgha kurgha kuheni mu Asiriya.

Yeremiya 31:23

Viyo atiti Ambuya ŵa maŵanja, Chiuta waku Yisraele: “Ŵazamuwerezgapo so kukamba mazu yagha mu charu chaku Yuda ndi mu mizi yake, po ndikaŵawezgiyanga umampha: ‘Ambuya akutumbike wa nyumba yirunji, Wa phiri lakupaturika!’

Yesaya 27:13

Ndipo mu zuŵa liya mbata yikuru yikambikanga, sono wo ŵangusoŵe mu charu cha Asiriya ndi wo wangudikiskikiya ku charu cha Egipiti wakazanga ndi kusopa Ambuya pa phiri lakupaturika mu Yerusalemu.

Yesaya 24:5

Charu chigona mu kukazuzgika pasi pa ŵakujamo ŵake; pakuti ŵalengeska marangu, ŵaswa panganu la muyaya.

Yesaya 5:12

Ŵendi kaligu ndi bangwi, mtangala fyorilo ndi vinyo pa madghera ghawo; kweni kuti ŵaphwereko machitidu gha Ambuya cha: pamwenga kuwona nchitu za manja ghawo.

Yesaya 2:10

Sereni mu jarawe, bisamani mu fuvu, kutuwako ku kofya kwa Ambuya, ndi ku unkhankhu wa ukaronga wake.

Sumu 143:10

Ndimwe Chiuta wangu; ndisambizgeni kuchitakhumbo linu. Mzimu winu undichitiye umampha, ndirongozgeni mu nthowa yakunyoroka.

1 Samuele 15:17

Samuele wanguti, “Nanga wemumana mu maso ghaku wamweni asi we mutu wa mafuku ghaku Yisraele? Ambuya akupaka kukupatuwa kuŵa karonga pa ŵaYisraele.

Yesaya 32:6

Pakuti mubereŵeza warongoro ubereŵeza mtima wake utata mphurupuru: kwachichita uchikanamarangu, kurongoro gha kusovya pa Ambuya, kujowo kupaska wanja vyo wanweka ndi kunora maji wanyota.

Mateyu 4:5

Sono diabolo yo wangumtole ku msumba wakupaturika; ndipo wangumumika pachisongu cha kasopi,

Chituwa 9:30

Kweni ndiziŵa imwe ndi ŵaŵanda ŵinu kuti mutopa Ambuya Chiuta winu cha.”

Sumu 69:27

Sazgiyanipo kulanga pa kulangika kwawo; ŵareke kuŵa ndi chigaŵa mu utaski winu.

Yesaya 32:7

Mauthyanithyani gha muthyanithyani nkhulakwa; watata vipangu vya utimbanizi, kubwanganduwa ŵasauchi ndi mazu gha utesi, chingana makani gha msokwa ghangarunjika.

2 ŴaKaronga 13:6

Ndipuuli kuti ŵangutuwako cha ku maulakwi gha nyumba yaku Yeroboamu ghenigho wangulakwiskiya Yisraele, kweni ŵendanga mwenimo, ndipo ŵaAshera nawo ŵangujariliya mu Samaria.)

Wakutaula 8:11

Chifukwa cheruzgu chapa nchitu yiheni kuti chifiskika ruŵi cha, mtima wa ŵana ŵa ŵanthu ukuzikitizgikiya limu kuchita uheni.

Yesaya 1:21

Muzi wamagomekezeka, wasanduka mureŵi, wo unguzara ndi cheruzgu chirunji! Urunji wajanga mwake, kweni sono mbakubaya ŵanthu.