Yesaya 26:1 - Tonga Bible 1986

¹ Mu zuŵa liya sumu iyi yikambikanga mu charu chaku Yuda: “Tendi muzi wakukho; wamika utaski nge ndi malinge ndi lisitu.

Yesaya 26:1 Referans Kwoze

Yesaya 60:18

Chiwawa kuti chikavwikanga so chamu charu chinu, uyiku pamwenga phasulu mukati mu mphaka zinu; malinga ghinu mughadanenge Utaski, ndi malikomo ghinu Rumbu.

Yesaya 62:11

Ehe, Ambuya amemeza mpaka ku chigoti cha charu chapasi: Kamba ku ŵanthu ŵaku Zioni, “Ehe mtaski winu watuza, awonani, wapinga mphoto yeniyo wakakuwomboliyaninga nayo.”

Zekariya 2:5

Chifukwa ine ndiŵenge kwaku wo linga la moto kwakuzunguriya, atiti Ambuya, ndipo ndiŵenge unkhankhu mukati mwakuwo.’ ”

Yeremiya 33:11

mazu gha kuseka ndi mazu gha chimwemwe, mazu gha mweneko wa nthengwa ndi mazu gha mwali wa nthengwa, mazu ghaku wo ŵatumba, penipo ŵatuza ndi mipasku yakuwonge ku nyumba ya Ambuya: ‘Paskani viwongo ku Ambuya ŵa maŵanja, chifukwa mbamampha Ambuya, pakuti ncha muyaya chifundu chawo!’ “Pakuti ndikawezgiyangamo ŵamikoli ŵa charu cho, uli mpha kudanga, atiti Ambuya.

Yesaya 25:9

Kukanenekanga mu zuŵa leniliya, “Ehe, uyu ndi Chiuta widu, tamulindizganga, mwakuti watitaske, Yaŵa mba Mbuya; taŵalindizganga, tiyeni tikondwe ndi kusekere muutaksi wawo.”

Sumu 48:12

Yendani kuzunguliya Zioni, mzunguliyeni, ŵerengani ŵasonjo ŵake,

Sumu 31:21

Atumbikike Ambuya, chifukwa kwakuziziswa andirongo chanju chawo chikuru, penipo ndenga wakujaririka nge ndi mu msumba wakuzingirizgika.

Mateyu 16:18

Ndipo ine nane ndinene iwe, kuti ndiwe Petro, ndipo pa jarawe lenili nkhazenganga eklesiya langu; ndipo nthazi za nyifwa kuti zingalipunda cha.

Yesaya 12:1

Mwazamukamba mu zuŵa liya: “Ndiwongenge imwe, Ambuyamwe, chifukwa chingana mungundikaripiya, ukari winu watuwapo, ndipo sono mwandisangaruska.

Yesaya 5:1

Ndirekeni ndimbiye nkhwanjiwa wangu sumu ya chanju yapa munda wake wa mphereska: Nkhwanjiwa wangu wenga ndi munda wa mphereska pa mtunthu wa nyata yikuru.

Yesaya 2:20

Mu zuŵa liya ŵanthu ŵakatayanga ŵangoza ŵawo ŵa siliva ndi ŵangoza ŵawo ŵa golide, ŵeniwo ŵangujichitiya kuŵasopa, ku ŵakalulu ndi ŵakasusa,

Yesaya 2:11

Mawonekedu ghakujikuzga gha munthu ghakasiskikiyanga pasi, ndi kujikuzga kwa ŵanthu kukasiskikanga, ndipo Ambuya pe ŵija akakuzgikanga mu zuŵa lo.

Ezra 3:11

ŵambanga ndi kurondiyana, kumutumbika ndi kumuwonga Chiuta, “Chifukwa ngwamampha, wakwanja ŵaYisraele kwa muyaya.” Ndipo ŵanthu wose ŵakamburanga ndi chiwawa chikuru, ŵachitumbika Chiuta chifukwa chiŵanja cha nyumba yaku Chiuta chinguzengeka.

Maŵerengedu 21:17

Penipo Yisraele wangumba sumu iyi: “Bwibwituka, chisima we! Chimbiyeni!

Yesaya 4:2

Mu zuŵa liya mphanda ya Ambuya yikaŵanga yakutowa ndi kukankhuskika, ndipo chipasi cha charu cho chikaŵanga kujikuzga ndi unkhankhu wa ŵakujapo ŵamoyo ŵaku Yisraele.

Yesaya 14:31

Utenje wa likomo, liya wa msumba, songonokani mu kopa, mwa ŵaFilisti, mose pamoza! Pakuti usi utuwa ku nkhonde, ndipo mulivi wakulimbalimba, mu ŵankhondo ŵake.”

Yesaya 31:5

Uli ndimo viyuni vikupakupiya, viyo ndimu Ambuya ŵa maŵanja akavikiriyanga Yerusalemu, akauvikiriyanga ndi ku utaska, akawusunganga ndi kuwupozomoska.

Yesaya 31:9

Jarawe lake likarutanga mu chofyo, ndipo nduna zake zikayithaŵanga mbendera mu mantha,” atiti Ambuya, wo moto wawo wemu Zioni, ndi ng'anjo yawo ye mu Yerusalemu.

Yesaya 33:5

Ambuya akuzgika, pakuti ŵaja kuchanya; akazazanga Zioni ndi cheruzgu chirunji ndi ukongorekwa;

Yesaya 33:6

ndipo akaŵanga mzati pa nyengo zinu; akuzara utaski, zeru, ndi kuziŵa; kopa Ambuya ndicho chuma chake.

Yesaya 56:5

ŵakarondiyanga kwangu vyamampha kuruska ŵana ŵanthurumi ndi ŵana ŵanthukazi, chikumbusku ndi zina mukati mu nyumba yangu ndi mu viliŵa vyangu; ndiŵapaskenge zina la muyaya, zina lo kuti likamaranga cha nyengo yose.

Yesaya 62:10

Porotani, porotani mu vipata, rongosoni nthowa ya ŵanthu, zengani, zengani ŵagurwi, tuzganimo mya, soskani mbendera pa mitundu ya ŵanthu.

Ezekiele 40:5

Ndipo awonani, penga linga kuzunguliya malo ghose gha kasopi; utali wa dete lakupimiya lo lenga ndi munthu yo lenga mikono yitali yinkhonde ndi umoza, mkuno wose utali wake ndi mkono ndi chikufi; viyo wangupima ukhomi wa linga, dete limoza; ndi utali wa linga dete limoza.

Sumu 48:4

Pakuti ehe, ŵakaronga ŵanguwungana, ŵanguziya wose pamoza.

Zekariya 2:9

“Ehe, sono ndisukung'iskenge janja langu pachanya pawo; ndipo ŵakaŵanga miskowo kwaku wo ŵatuŵateŵete. Viyo muziŵenge kuti Ambuya ŵa maŵanja andituma.