Yesaya 24:6 - Tonga Bible 1986

⁶ Chifukwa cho thembu liparuwa chapasi, ndipo ŵakujamo ŵake ŵakomwa pa kunanga kwa wo; chifukwa cho ŵakuja mu charu ŵatufya, ndipo ŵanthu ŵamanavi ndiwo ŵasiyika.

Yesaya 24:6 Referans Kwoze

Malaki 4:1

“Chifukwa nadi zuŵa lituza, lakocha nge ndi ng'anjo, penipo ŵakujikuzga wose ndi wose ŵakuchita uheni ŵakaŵanga viswaswa. Zuŵa lo lituza likaŵawochanga, atiti Ambuya ŵa maŵanja, viyo kuti likaŵasiyiyanga nanga ndi musisi pamwenga mphanda cha.

Mateyu 7:14

Chifukwa ndalifyakafyaka likomo, ndipo njifinyi nthowa, yakurongozge ku umoyo, ndipo mbamanavi ŵakulibowozga.

ŴaRoma 9:27

Kweni Yesaya wakutiya paku Yisraele: “Chingana unandi wa ŵana ŵaku Yisraele we nge ndi mchenga wapa nyanja, ŵakusiyika ndiwo ŵataskikenge.

Malaki 4:6

ndipo iyo wazamung'anamuwa mitima ya auskeu ku ŵana, ndi mitima ya ŵana ku auskeu, vinu ndingaza ndi kupuma charu ndi thembo.”

ŴaLevi 26:22

Ndipo nkhakhuŵirizganga vikoko vya mudondo vyo vikampokaninga ŵana ŵinu, ndi kubaya ng'ombe zinu, ndi kuwutuska unandi winu, viyo kuti nthowa zinu zikawuwanga.

2 Petro 3:10

Kweni zuŵa lo la Mbuya likazanga uli ndi munkhungu, mwaku lenilo zuŵa machanya gho ghamkungunuka ndi mphomu yikuru, ndi visina vyakunyeka vyamsongonoka, ndipo charu ndi nchitu zamwake vyazamukufya.

Malaki 3:9

Mwatembeka ndi thembo, chifukwa mutindiba. Mtundu winu wose watembeka.

Malaki 2:2

Asani mukarekanga kuvwa, asani mukarekanga kulisunga mu mtima kupereka unkhankhu kwaku ine, atiti Ambuya ŵa maŵanja, nkhatumanga thembo paku imwe, ndipo nditembenge vitumbiku vinu. Inya ndavitemba kali, chifukwa kuti mutilisunga lo mu mtima cha.

Ezekiele 5:3

Utoko so sisi limanavi ulimange pa raya lako.

Yesaya 1:31

Ndipo wanthazi wakaŵanga nge nchingwi cha wazi, nchitu yake yikaŵanga muthovu wa ŵaka, ndipo vyose viŵi vifyiyenge pamoza, ndipo paulengevi wakuvizimwa.

Marangu 28:62

Nanga mungwandana uli ndi nyenyezi za kuchanya, mukajangako mwaŵamanavi mukaŵerengekanga, chifukwa mwengavi kuvwiya mazu gha Ambuya Chiuta winu.

Marangu 4:27

Ambuya akumuparghang'iyani mu mitundu ya ŵanthu, ndipo mwamusiyika mwamanavi mukati mu mitundu mwenimo Ambuya amudikiskiyeninge.

Mateyu 27:25

Ndipo khamu lo lose lakwamuka, linguti, “Ndopa zake ziŵe paku ifwe ndi pa ŵana ŵidu!”

Yesaya 5:24

Viyo mo lilime la moto litoche mbuwa, mo uteka wakumira utakamiya mu mlipu, mdimu musisi wawo ukavundiyanga, ndi maluŵa ghawo ghakwere kuchanya uli ndi fuvu; pakuti ŵakana dangu la Ambuya ŵa maŵanja, ŵayuyuwa mazu gha Mtuŵa Yo waku Yisraele.

Yesaya 9:19

Kutuliya mu ukari wa Ambuya wa maŵanja charu chitufya, ndipo ŵanthu ŵe uli ndi nkhuni za moto; palivi munthu yo wachitiya lisungu mwana munyake.

Yesaya 34:5

Pakuti lipanga langu lamwa kwa mgutu mu machanya; ehe, lisikiya kwachichita cheruzgu pa Edomu, pa ŵanthu wo ndasuska.

Yesaya 43:28

Chifukwa chenichi ndikuŵanangiska ŵara ŵa malo ghakupaturika, ndingumupereka Yakobe ku wanangi ku ukuru ndi Yisraele kukunyozeka.

Yeremiya 5:14

Chifukwa chenichi atiti Ambuya, Chiuta wa maŵanja: “Chifukwa ŵakamba mazu yagha, ehe, nditighachita mazu ghangu mu mlomo wako kuŵa moto, ndipo ŵanthu yaŵa ŵakaŵanga nkhuni, ndipo moto ukaŵabayanga.

2 ŴaKaronga 24:12

Ndipo Yehoyakini karonga waku Yuda wangujipereka ku karonga wa Babiloni, iyo mweneko, anyina ŵateŵeti ŵake mafumu ghake ndi ŵamazaza ŵapa nyumba ya ukaronga wose wangujipereka. Karonga waku Babiloni wangumuko umkoli mu chirimika cha chinkhonde ndi vitatu cha muwusu wake,

2 ŴaKaronga 25:12

Kweni nduna yo yingusiyamo ŵasauchi ukongwa mu charu cho kuti ŵaŵenge ŵakusunga minda ya mphereska ndi ŵakulima.

Yesaya 1:9

Asani Ambuya ŵa maŵanja ŵengavi kutisiyiyapo ŵakujapo ŵamanavi, mphanyi tinguŵa nge ndi Sodomu; ndi kusanduka nge ndi Gomora.

Yeremiya 12:4

Charu chikatenjenga mpaka zuŵanji, mpaka zuŵanji uteka wamu minda yose ukamiranga? Chifukwa cha mautimbanizi ghaku wo ŵaja mwenimo vinyama ndi viyuni vyakukurwa; chifukwa ŵanthu ŵanguti, “Kuti wakawonanga umari widu cha.”