Yesaya 24:1 - Tonga Bible 1986

¹ Ehe, Ambuya akachitanga mapopa charu chapasi ndikuchisanduska phasulu, kushigadabuwa kapingizgori kumbininiska ŵakujamo.

Yesaya 24:1 Referans Kwoze

Nahumu 2:10

Wapasuka! Phasulo ndi pharghaniko! Mitima yitufwa msara ndipo makongono ghabwaskana, kuŵaŵa kwe mu viwunu vyose, visku vyose vyasanduka!

Yesaya 2:19

Ŵanthu ŵazamusere mu zimphanji za majarawe ndi mazenje gha pasi, kuthaŵa ku chofyu cha Ambuya ndi ku unkhankhu wa ukaronga wake, penipo akasokanga kofya charu chapasi.

Yesaya 42:15

Ndikachitanga mapiri ndi mitunthu kuŵa mapopa, ndi kumizga vyakume vyawo vyose. Ndikasanduskanga misinji kuŵa virwa, ndi kukamuska mathaŵali.

Yesaya 24:20

Charu chizendazenda nge ndi munthu wakuloŵe, chiganuka uli ndi nyumba; kunanga kwake kwanyekezga ndi uzitu ukuru paku cho, ndipo chituwa, kuti chikayukanga so cha.

Ezekiele 35:14

Viyo atiti Ambuya Chiuta: Mwakuti charu chose cha pasi chikondwe, ndikakusanduskanga iwe phasulu.

Ezekiele 12:20

Ndipo misumba yakuzaza ŵanthu, yipasuke, charu chikaŵanga phasulu; ndipo mukaziŵanga kuti ine ndine Ambuya.”

Luka 21:24

Ndipo ŵanyake ŵabayikenge ndi uyi wa lipanga, ndi ŵanyake ŵakorekenge nge mbamagoŵa ku mitundu yose, ndipo Yerusalemu waŵenge wakuphwatika ndi Mitundu, mpaka zifiskikenge nyengu za Mitundu.

Ezekiele 6:6

Kweniko kose muja misumba yinu yikapasukanga, malo ghinu gha pachanya ghazgokenge mapopa, viyo kuti majochero ghinu ghakapasukanga ghakaŵanga mayiyi, ŵangoza ŵinu kufyoka ndi kuparghangika, majochero ghinu gha vyakusunkhizga ghakadumulikiyanga pasi, nchitu zinu zikamaranga.

Ezekiele 5:14

Ndipo so ndikakuchitaninga phasulu ndi chinthu chakuwereka mukati mu mitundu yakumuzingirizgani ndi mu maso ghaku wose ŵakujumphapo.

Ezekiele 5:2

Chigaŵa chimoza cha vigaŵa vitatu uwoche pa moto mukati mu msumba, asani mazuŵa ghakuwujarizgiya ghafiskika; chigaŵa chinyake uchipume-pume ndi lipanga kuzunguliya msumba; ndipo chigaŵa cha chitatu uchimbininiske ku mphepo, ndipo ine ndikasoronga lipanga pavuli pawo.

Yeremiya 9:16

Ndiŵambininiskiyenge mukati mu mitundu yeniyo iwo pamwenga auskeu kuti akuyiziŵapo cha; ndipo ndikatumanga lipanga pa ku iwo, mpaka penipo ndaŵamara.”

Yesaya 33:9

Charu chitenje ndi nchakuvuka; Lebanoni ngwachitima ndi wafota; Sharoni wasanduka bozwa; ndipo Bashani ndi Karmele ŵayoyoska mani ghawo.

Yesaya 29:16

Vinthu mugadabuliya pasi! Kumbi muumbi ndiyo wakasandukanga dongo; kuti cho chikuumbika chikambenge ku muumbi wake, “Kuti wangundiumba ndiyo cha”: pamwenga chinthu cho chikulengeka kuti chikambenge kwaku yo wanguchilenga, “Kuti wawamo cha?”

Yesaya 27:10

Pakuti muzi wa malinga we pakuwija, malo ghakuthaŵika ndi kupatika, uli ndi bozwa; mwenimuwa ndimo thole liturgha uteka, muwa ndimo ligona pasi, ndi kupanthuwa mphanda zake.

Yesaya 5:6

Ndikauchitanga mapopa, kuti ŵakaupanthiyanga chingana nkhuulima cha, kankhande ndi minga vikamengamo; ndikalanguliyanga mitambo kuti yireke kung'iyapo vuwa paku wo.

Sumu 146:9

Ambuya avikiriya ŵalendo wo ŵe mu charu; atovya vyoko ndi ŵaranda; kweni apasuwa nthowa zose za ŵaheni.

Nehemiya 1:8

“Kumbukani mazu ghinu gho mungulanguliya mteŵeti winu Mosese ghakuti, ‘Asani mukaŵanga ŵambura magomekezgeka ndikakumbininiskiyaninga mu mitundu ya ŵanthu;

2 ŴaKaronga 21:13

Ndipo ndikatambalikanga pa Yerusalemu chingwe chakupimiya cha Samaria, ndi thabwa la kupimiya la nyumba yaku Ahabu, ndipo ndikapuputanga Yerusalemu nge ndimo munthu wapuputiya mbali, kupuputa pavuli wavunika.

Marangu 32:26

Mphanyi ndingukamba kuti, “Ndikaparghang'iyanga kutali, ndikamaranga chikumbusku chawo mu ŵanthu.”

Marangu 28:64

Ndipo Ambuya akamumbininiskiyaninga mukati mu ŵanthu wose kwamba ku umari wa charu chapasi, kuya ku unyake, ndipo mwenimuwa mwamuteŵete ŵachiuta ŵamwenga, ŵa muti ndi mwa, ŵeniwo chingana ndimwe chingana mbauskemwe ŵengavi kuŵaziŵa kali.

Marangu 4:27

Ambuya akumuparghang'iyani mu mitundu ya ŵanthu, ndipo mwamusiyika mwamanavi mukati mu mitundu mwenimo Ambuya amudikiskiyeninge.

Ezekiele 24:11

Sono jarika mumphika wambura kanthu pa maka, alinga kuti ufye, ndipo mkuŵa wake ufye, mwakuti kufipa kwake kusongonokemo, uloso wake umare.

Yeremiya 40:15

Yohanani mwana waku Kareya wangukamba ku ubende ndi Gedaliya pa Mizipa kuti, “Nditume nkhabaye Ishimaele mwana waku Netaniya, ndipo paulengevi yumoza wakuziŵa ichi. Chifukwa nchine chakuti wakubaye, kuti ŵaYuda wose wo ŵawungana pafupi nawe ŵambininike, ndi kuti ŵakujapo ŵaYuda ŵamare?”

Yakobe 1:1

Kalata wakutuwa kwaku Yakobe, mteŵeti waku Chiuta ndi wa Mbuya Yesu Kristu, ku mafuku gho chumi ndi ghaŵi gha kuchapariya, moni.

Machitidu gha Ŵakutumika 17:6

Ndipo pakuŵavi kuŵasaniya, ŵanguguguziya Jasone ndi ŵabali ŵanyake ku ŵara ŵa muzi, ndi kubongo, “Wo ŵagadabuwa charu nawo ŵaziya kuno,

Yeremiya 50:17

“Yisraele ndi mberere yakupenjeka yo yadikiskika ndi zinkharamu, Pakudanga karonga wa Asiriya wangumuparuwa, ndipo sono pa umari Nebukadanezara karonga wa Babiloni waphwanya viwanga vyake.

Yeremiya 4:7

Nkharamu yatuwa mu thundu lake, wakupasuwa mitundu wasoka; waruta kutuwa ku malo ghake kwachichita mapopa, charu chinu; mizi yinu yikaŵanga yakubwanganduka, yambura wakujamo.

Yesaya 13:5

Watuwa ku charu cha kutali, ku umari wa machanya, Ambuya ndi vidya ukari wawo, kuchiparghang'a charu chose chapasi.

Yesaya 13:13

Chifukwa cho ndikanjenjemeskanga machanya, ndipo charu chapasi chikasukuniskikanga kutuwa mu malo ghake, pa ukari wa Ambuya ŵa maŵanja mu zuŵa la ukari wawo wakofya.

Yesaya 24:19

Charu chasweka kwakufikapo, charu chapasi chasweka pakati charu chapasi chasukuniskika ndi ukari.

Yesaya 30:32

Ndipo kupuma kose kwa ndodo ya chilangu yo Ambuya aŵika paku iwo yikaŵanga nge nkhavwikidu ka mangolongondo ndi zeze; kurwa nawo nkhondo ya janja la kumikiskilana.

Yesaya 34:2

Pakuti Ambuya awurumiya mitundu yose, mbakari ukongwa ndi maŵanja ghawo; aŵasuska, aŵapereka kukubayika.

Yesaya 34:10

Usiku ndi msana kuti ukazimwanga cha; usi wake ukakweranga muyaya. Kutuwa ku mugonezi kuya ku mugonezi unyake chikaŵanga mapopa; palivi yo wakaporotangamo muyaya ndi muyaya.

Yeremiya 51:34

“Nebukadanezara karonga wa Babiloni wandirgha ine, wandiphwanya; wandichita kuŵa chiyaŵi chiyumu, wandimeza ulaka ncha nchalinda: wazaza nthumbu yake ndi vyakunowa vyangu, wandikana ine.

Nahumu 1:5

Mapiri ghasukunika paurongo pawo, tumapiri tusongonoka; charu chapasi chipasuka paurongo pawo, charu ndi wose ŵakujamo.

Yesaya 29:2

Kweni ndipuuli ndikasuzganga Ariele, ndipo mukaŵanga kudinginika ndi kutenje, ndipo kwangu wakaŵanga nge ndi Ariele.

Yesaya 32:12

Khung'uskani pa vifuŵa vinu chifukwa cha minda ya kunozga, chifukwa cha mphereska zakuzara,

Ezekiele 6:14

Ndikatambaluriyanga janja langu paku iwo, charu chikaŵanga phasulu ndi mapopa, mu mauja ghawo ghose, kutuwa ku bozwa mpaka ku Ribla. Penipo ndipo ŵakaziŵanga kuti ine ndine Ambuya.”

Ezekiele 7:12

Nyengo yafika, zuŵa liŵandika. Wakugula wareke kusekere, wakuguliska wareke kuliya, chifukwa ukari we pawumba wawo wose.

Ezekiele 7:14

Ŵamba mbata wose ŵajirongoso; kweni palivi nanga njumoza wakuya ku nkhondo, pakuti ukari wangu we pa wumba wawo wose.