Yesaya 23:4 - Tonga Bible 1986

⁴ Uŵi ndi soni, Sidoni we, pakuti nyanja yakamba, linga la nyanja, lititi: “Ndilivi kuvwapo urwirwi chingana nkhupapa, ndilivi chingana nkhulerapo ŵana ŵahurwa pamwenga kukuzga ŵamwali.”

Yesaya 23:4 Referans Kwoze

Chivumbuzi 18:23

ndipo kungweruka kwa limbuni kuti kukaŵalanga mwako cha; mazu gha mweni-nthengwa chingana nga mwali-nthengwa kuti ghakavwikanga mwako naku cha pe; pakuti ŵamaronda ŵako ŵenga ŵanthu ŵakuvwika ŵa panupasi, ndipo ndi nyanga yako yingurandizgika mitundu yose.

Chiyambo 10:19

Ndipo charu cha ŵaKanani chingurutiriya Kwamba ku Sidoni mu mtunda wa Gerara, kufika mpaka ku Gaza, kulazga ku Sodomu, Gomora, Adama, ndi Zeboyimi kwachifika ku Lasha.

Chiyambo 10:15

Kanani wangupapa Sidoni wa umwali wake, ndi Hete,

Yoswa 11:8

Ndipo Ambuya anguŵapereka mu janja laku Yisraele, yo wanguŵakoso ndi kuŵadikiska mpaka kwachifika ku Sidoni mukuru ndi Misirefoto-maimi, ndi kuchiri ku vuma mpaka ku dambo la Mizpa; wanguŵabaya, mpaka po wengavi kusiyako nanga njumoza.

Ŵeruzgi 10:6

Ndipo ŵaYisraele ŵanguwerezgapo kuchita uheni mu maso gha Ambuya, ŵangutataliya ŵaBala, ndi Ashitaroto, ŵachiuta ŵa Siriya, ŵachiuta ŵa Sidoni, ŵachiuta ŵa Moabu, ŵachiuta ŵa Amori, ndi ŵachiuta ŵa ŵaFilisti; ndipo ŵangujowo Ambuya, ndi kureka kuŵatataliya.

Yeremiya 25:22

ŵakaronga wose ŵaTuro, ŵakaronga ŵa Sidoni, ndi ŵakaronga ŵa mulikumba kusirgha la nyanja;

Yeremiya 27:3

Tuma mazu ku karonga wa Edomo, karonga wa Moabu, karonga wa ŵana ŵaku Amoni, karonga wa Turo, ndi karonga ŵaSidoni pa manja gha mathenga gho ghaza ku Yerusalemu kwaku Zedekiya karonga waku Yuda.

Ezekiele 28:21

“Mwana wa munthu, razga maso ghako ku Sidoni, ndi chima paku iyo.

Ezekiele 28:22

Kamba kuti, Viyo atiti Ambuya Chiuta: “Ehe, ndimikana nawe, Sidoni, ndikavumbuwanga unkhankhu wangu mwaku iwe. Ndipo ŵakaziŵanga kuti ine ndine Ambuya, po ndifiska vyeruzgu vyangu mukati mwake, ndi kuvumbuwa utuŵa wangu mwaku iyo;