Yesaya 22:2 - Tonga Bible 1986

² imwe mwazazika ndi kubongo, kuti wa chiwawa, muzi, wakujitumphuska? Ŵakubayika ŵinu kuti ŵabayika ndi lipanga cha pamwenga kufwiya mu nkhondo.

Yesaya 22:2 Referans Kwoze

Yesaya 32:13

pakuti mu nyata ya ŵanthu ŵangu mwame minga ndi kankhande, inya, chifukwa cha nyumba za kukondwa mu muzi walikondwa.

Chitenje 2:20

Awonani Ambuya ndipo alereskani! Ndiyani yo mwachitiya ichi? Kumbi nkhwamampha kuti ŵanthukazi ŵarghenge ŵana ŵawo, ŵana ŵeniwo ŵanguŵaphwere? Kumbi nkhwamampha kuti mzukuru ndi mchimi ŵabayikenge viyo, mu malo ghakupaturika gha Ambuya?

Yeremiya 14:18

Asani ndituya ku munda, ehe, wo ŵabayika ndi lipanga! Ndipo asani ndisere mu muzi, ehe, ŵakubayika ndi chilala! Pakuti wose ŵaŵi mchimi ndi mzukuru ŵachita nchitu yawo mu charu mo, ndipo ŵalivi zeru.’ ”

Yesaya 23:7

Kumbi uwu ndiwu muzi winu wa upundi weniwo chiyambo chake ncha mazuŵa ghamwaka, wo marundi ghake ghanguwunyamuwa kwachizengeka patali?

Yeremiya 52:6

Pa zuŵa la chinkhonde ndi ghanayi la mwezi wa chinayi chilala chenga chikuru mu msumba, ndipo mwengavi kurgha kwa ŵanthu mu charu.

Yeremiya 38:2

“Viyo atiti Ambuya, Yo wakajanga mu msumba uwu wakabayikanga ndi lipanga, chilala, ndi chideru; kweni mweniyo wakarutanga ku ŵaKaldiya wakajanga wamoyo; wakajanga ndi umoyo wake nge ndi mphoto ya nkhondo ndi kuja wamoyo.

Yesaya 37:36

Ndipo mungelo wa Ambuya wanguruta, wangubaya vikwi machumi pe chumi ndi machumi ghankhonde ndi ghatatu (185,000) mu ugoŵi wa ŵaAsiriya; ndipo penipo ŵanthu ŵanguyuka ndi mlenjilenji, ehe, yaŵa wose ŵenga viŵanda.

Yesaya 37:33

“Chifukwa chenichi atiti Ambuya pa karonga wa Asiriya; kuti wakazanga mu muzi uwucha, pamwenga kupong'amo muvwi, pamwenga kuza paurongo paku wo ndi nguru, pamwenga ku uzinga ndi ndundu.

Yesaya 10:4

Palivi chakujako kweni kusindama pasi mukati mu ŵamagoŵa pamwenga kuwa mukati mu ŵakubayika. Mu chifukwa chose ichi, kukara kwake kuti kwarata kunyake cha ndipo janja lake leche kutambaruka.

Yesaya 32:14

Pakuti nyumba ya ufumu yikajowolekanga, msumba wa ŵanthu ŵanandi ŵakawuthaŵanga; mtunthu ndi sonjo waulonda vikaŵanga zimphanji muyaya, likondwa la ŵaboli, malo gha uliska wa vyakuŵeta,

Chitenje 1:1

Owe mo wajaliya wija msumba wo unguzaza ndi ŵanthu! Owe mo wasandukiya choko, wo wenga wa pachanya mukati mu mitundu! Wo wenga mwana wa karonga pakati pa mizi, wasanduka mupempha.

Ezekiele 22:5

Wo ŵe pafupi ndi wo ŵe kutali ndi iwe ŵakakusekanga, iwe wambiri yiheni, wakuzaza utimbaniza.

Zefaniya 2:15

Uwu ndi msumba wakujikuzga wo wafwasanga, wo unguti mu mtima wake, “Ine ndiliko, ndipo kulivi munyake pade paku ine.” Nako nkhupasuka uku wapasuka, mphanji ya vikoko! Yose yo wadumuwapo wajuma ndi kupukung'a mutu wake.