Yesaya 21:3 - Tonga Bible 1986

³ Chifukwa cho chiunu changu chazazika ndi suzgu; urwirwi wandikwetere, uli mburwirwi wa munthukazi yo wapapa; ndakotama pasi viyo kuti nditondeka kuvwa, ndagongowa viyo kuti nditondeka kulereska.

Yesaya 21:3 Referans Kwoze

Yesaya 13:8

ndipo ŵakazizwanga. Kulasa ndi urwirwi vikaŵakonga, ŵakaŵanga mu suzgu ulaka ndi munthukazi wakupapa. Ŵakawonekanga nge mbazereza pakulereskana; visku vyawo vikalipukanga ndi moto.

Yesaya 26:17

Uli ndi munthukazi wa paluŵavu, yo wagadabuka-gadabuka ndi kuliya mu urwirwi wake, po waŵandika ku nyengo yake, viyo ndimu tinguŵiya ifwe chifukwa chinu, Ambuya,

Sumu 48:6

chitenthe chinguŵako penipa, urwirwi nge ngwamunthukazi pakupapa.

1 ŴaTesalonika 5:3

Po ŵatiti, “Chimangu ndi wanangwa,” penipo ndipo phasulu lituŵawiya kwakubuchizga, uli ndimo urwirwi utumuŵiya wanthumbo; ndipo kuti wampozomoka kose cha.

Yeremiya 48:41

misumba yikatolekanga, malinga ghakakolekanga. Mtima wa wankhondo wa Moabu mu zuŵa liya ukaŵanga nge ndi mtima wa munthukazi mu maurwirwi ghake;

Yesaya 16:11

Chifukwa ichi mzimu wangu udandaula nge ndi kaligu paku Moabu ndi mtima wangu paku Kirheresi.

Habakuku 3:16

Ndituvwa, ndi liŵavu langu litenthema, mlomo wangu umbwambwantha pa mazu ghinu; chiwozga chisere mu viwanga vyangu, nditenthema mukati mwangu. Ndirindizgenge kwa chisisi zuŵa la suzgu lo liziya wo ŵasere kwaku ifwe ndi nkhondo.

Yeremiya 50:43

“Karonga wa Babiloni wanguvwa mbiri yawo, ndipo manja ghanguwa kwambura chovyu; suzgu yingumuzinga, ndi urwirwi nge ngwa munthukazi wakupapa.

Yeremiya 49:22

Ehe, yumoza wakakwelanga ndi kuwuluka kwa mankharu nge ndi nombo, ndi kutambaruliya mapapa ghake pa Bozra, ndipo mtima wa wankhondo wa Edomu ukaŵanga mu zuŵa liya uli ndi mtima wa munthukazi wachiŵa mu kuŵaŵa kwake.”

Yesaya 16:9

Chifukwa chinchi ndiliya ndi kaliridu kaku Jezeri chifukwa cha mphereska ya Sibma; nditukuzumbwiska ndi masozi ghangu, Heshiboni we ndi Eleale, pakuti pa chipasi chako ndi vuna yako chiwawa cha nkhondo cha ŵapo.

Yesaya 15:5

Mtima wangu uliya chifukwa chaku Moabu, ŵakuthaŵa ŵake ŵachimbiriya ku Zoara, ku Eglatisheshiya. Pakuti pachikwera chaku Luhiti ŵatendachiliya ŵachikwera, mu mseu wakuya ku Horonaimi wasoska chitenje cha pharghaniku.

Marangu 28:67

Asani kwacha ndi mlenji mukambenge kuti, ‘Mphanyi kungufipa,’ ndipo ndi mazulo mukambenge kuti, ‘Mphanyi kwenga mlenji!’ Chifukwa cha chofyo cho mtima winu uwopenge, ndi vyakuwoneka vyo maso ghinu ghawonenga.

Yohane 16:21

Munthukazi wachipapa we ndi chisungu, pakuti laza ora lake; kweni watakuti wapapa mwana, kuti wakumbuka so cha suzgu yake, chifukwa cha chimwemwe chakuti munthu wapapikiya mu charu.

Yeremiya 4:19

Kuŵaŵa kwangu, kuŵaŵa kwangu, ndikunkhuwa mu kuŵaŵa! Owe, vimati vya mtima wangu! Mtima wangu upuma mwakofya kuti ndingaja chisisi cha; pakuti ndituvwa kuliya kwa mbata kumemeza kwa nkhondo.

Yeremiya 6:24

Tavwa mbiri yaku ichi, manja ghidu ngambura nthazi, kuŵaŵa kwatizinga kuŵaŵa uli nkhwa munthukazi wakupapa.