Yesaya 21:2 - Tonga Bible 1986

² Chakuwona chizitu chataulika kwangu; wakukwamphuwa wakwamphuwa, wakubwanganduwa wabwanganduwa. Kweliyangako, Elami we, kazenge misasa Media we, kutata kose kwanthazi ko wachitiska iyo ndikamariskanga.

Yesaya 21:2 Referans Kwoze

Yeremiya 49:34

Mazu gha Ambuya ghanguza kwaku Yeremiya mchimi gha paku Elamu, mu chiyambo cha muwusu waku Zedekiya karonga waku Yuda.

Yesaya 33:1

Soka lo, wakubwanganduwa we, iwe wamweni kuti wabwanganduka cha; wakuchita chiŵembu we, kweni iwe palivi yo wakuchitiya chiŵembu! Utakuti wamara kubwanganduwa, iwe nawe ukabwangandurikanga; ndipo penipo wamara kuchita vya chiŵembu, iwe nawe kukachitikiyanga chiŵembu.

Yesaya 24:16

Kutuwa ku vigoti vya charu chapasi tituvwa sumu zakurumba za unkhankhu ku Mrunji Yumoza yo. Kweni ine ndititi, “Ndawonda ndi chitima, ndawonda ndi chitima. Owe ine! Pakuti ŵakupusika ŵachita vyakupusika, ŵakupusika ŵachita vyakupusika ukongwa.”

Sumu 60:3

Mwachitiska khamu linu kukomwa vinonono ukongwa; mwatimweska vinyo wakutizendezendeska.

Chivumbuzi 13:10

Asani munthu watemeke mkoli, ku mkoli wakenge; asani munthu wabayenge ndi lipanga, iyo nayo wabayikenge ndi lipanga. Panu pe unkhunthiya wa ŵakupaturika wo, ndi chivwanu chawo.

Danyele 5:28

PERES, ufumu winu wagaŵika ndi wapaskika ku ŵaMede ndi ŵaPerese.”

Danyele 8:20

Mberere yinthurumi yo unguwona yakuŵa ndi masengwe ghaŵi, yaŵa mba karonga ŵaMede ndi ŵaPerese.

Chitenje 1:22

“Kuchita kose kuheni kwawo kuze paurongo pinu; ndipo muchiti nawo uli ndimo mwachitiya ine chifukwa cha mautimbanizi ghangu ghose; pakuti mitamanthu yangu njinandi ndipo mtima wangu walakatuka.”

Yeremiya 51:53

Chingana Babiloni wangakwere kuchanya, chingana wangazingirizga mitunthu yake yitali ndilinga, wakazanga mbwenu wakuphwanya kutuwa kwaku ine, atiti Ambuya.

Yeremiya 51:44

Ndipo ndikalanganga Belo mu Babiloni, ndi kutuzgamo mu mlomo wake cho wakumeza. Mitundu kuti yikazanga kwaku iyo cha; linga la Babiloni lawa.

Yeremiya 51:11

“Norani mivwi! Toni zinguru! Ambuya ayuska ŵakaronga ŵa ŵaMede, kuti ŵabwanganduwe Babiloni, pakuti lenilo ndilo thayu la Ambuya, thayu lapa kasopi wawo.

Yeremiya 50:34

Muwombozi wawo ngwa nthazi; Ambuya ŵa maŵanga ndilo zina lawo. Kwauneneska waŵakambiyenge mlando wawo, alinga kuti wapaske kupumuwa ku charu chapasi, kweni chivurupi ku ŵakuja mu Babiloni.

Yeremiya 50:14

Jindandamikeni kulimbana ndi Babiloni kwakumuzunguliya imwe mose mwakutweŵa uta, mupong'eni, mungasiyako muvwi cha, pakuti walakwiya Ambuya.

Yeremiya 45:3

Ungukamba kuti, ‘Owe ine! Pakuti Ambuya akuskiyako chitima ku kuŵaŵa kwangu; ndavuka ndi kutamantha kwangu, ndipo kuti ndisaniya chipumulu cha.’

Yeremiya 31:25

Pakuti ndikagutiskanga mzimu wakuvuka, ndi mtima wose wakuvuka ndikawukhorweskanga.”

Yeremiya 31:20

Kumbi Efraimu ndi mwana wangu wakwanjiwa? Kumbi ndi mwana wangu wapa mtima? Pakuti chingana ndingamukaripiya, nditumukumbuka mbwenu. Chifukwa cho mtima wangu uyereyeta nayo; kwakuneneska ndikamuchitiyanga lisungu, atiti Ambuya.

Yesaya 47:6

Ndingukaripa ndi ŵanthu ŵangu wo ndinguŵasankha, ndi ndinguŵakazuzga. Ndinguŵapereka mu janja linu, kuti munguŵarongo lisungu cha; pa makhongwe munguŵikapo goŵa lizitu kwakurutiriya.

Yesaya 35:10

Ndipo ŵakuwomboleka ŵa Ambuya ŵakawenga, ŵakazanga ku Zioni ndi kumba; kukondwa kwa muyaya kukaŵanga pa mitimu yawo; ŵakarondenga likondwa ndi chimwemwe, ndipo chitima ndi urwirwi vikathaŵanga.

Yesaya 22:6

Elami wanguto phodo pamoza ndi magareta ndi ŵa pakavalo, ndipo Kiri wangusotopo nguru.

Nthanthi 13:15

Ghanaghano lamampha lisaniya mwaŵi, kweni nthowa ya ŵambura kuvwana ndi phasulo lawo.

Sumu 79:11

Tegherezgani ku mitamanthu ya ŵakumangika, ndipo ndi nthazi zinu zikuru ŵafwatuweni wo ŵakutemeke ku kubayika.

Sumu 12:5

“Chifukwa ŵakavu ŵaskoŵeka, ŵasauchi ŵatamantha, sono ndisokenge,” atiti Ambuya; “Ndimuŵikenge mu kufwasa mwenimo iyo wanweka.”

1 Samuele 24:13

Nge ndimo nthanthi ya ŵamwaka yikambiya, ‘Mu mheni mutuwa uheni,’ kweni janja langu kuti limikanenge namwe cha.

2 ŴaKaronga 17:6

Mu chirimika cha chinkhonde ndi vinayi chaku Hosheya karonga yo wa Asiriya wangupoka Samaria, ndi wanguyora ŵaYisraele kuyanawo ku Asiriya, wanguŵaŵika mu Hala, ndi pa Haboro, msinji waku Gozani, ndi msumba ya Dedisi.

Sumu 25:3

Inya, wose ŵakulindizga imwe kuti ŵalengeskekenge nanga njumoza cha; ŵachita soni wo ŵachita viŵembu kwambura chifukwa.

Sumu 119:158

Penipo ndilereska pa ŵakupusika, ndikwiyiskika, pakuti langulu linu kuti ŵasunga cha.

Danyele 5:9

Viyo karonga Beleshazara wangusuzgika ukongwa, kawonekedu kake kangusanduka, ndi nduna zake zinguzizikika.

Chiyambo 10:22

Ŵana ŵanthurumi ŵaku Shemu: Alama, Ashuru Arpakahadi, Ludi, ndi Aramu.

Yesaya 11:11

Mu zuŵa liya Ambuya akarutirizganga mbwenu janja lawo nyengo yachiŵi, kusaniya wakujapo wa ŵanthu ŵawo, kutuwa ku Asiriya, ku Egipiti, ku Patrosi, ku Etiopia, ku Elami, ku Shinari, ku Hamati, ndi ku vyaru vya mu likumba la nyanja.

Yesaya 14:4

mukakambanga yagha pakuwera karonga wa Babiloni, “Wamara wakusuzga yo, ukari wa nkhaza wamara!

Yesaya 14:7

Charu chose chapasi chapumuwa che bata, ŵabangula ndi kumba.

Yeremiya 25:25

ŵakaronga wose ŵa Zimri, ŵa Elamu, ndi ŵakaronga wose ŵa Media;

Yeremiya 49:35

Viyo atiti Ambuya ŵa maŵanja: “Ehe, ndikafyonga uta waku Elamu, po pakura ukongwa nthazi yawo;

Danyele 8:2

Ndipo ndinguwona mu chiwona, ndipo penipo ndinguwona, ndenga mu Susa msumba ukuru wo wemu chigaŵa cha Elama; ndipo ndinguwona mu chiwona, kuti ndenga pa msinji wa Ulai.