Yesaya 21:12 - Tonga Bible 1986

¹² Mulonda watiti: “Mlenji utuza, ndipo so usiku. Asani ukafumbiriyanga, fumbiriya; uwere so kuno.”

Yesaya 21:12 Referans Kwoze

Ezekiele 7:12

Nyengo yafika, zuŵa liŵandika. Wakugula wareke kusekere, wakuguliska wareke kuliya, chifukwa ukari we pawumba wawo wose.

Ezekiele 7:10

“Awonani, zuŵa! Ehe, lafika! Soka linu laza, ukazuzi wabuka, kujikuzga kwatunda.

Yesaya 55:7

muheni wareke nthowa yake, ndi wakuwura urunji maghanaghanu ghake; wawere ku Ambuya, kuti amuŵiye ndi lisungu, ndi kwaku Chiuta widu, pakuti wagowokiyenge kwakuzala.

Yesaya 17:14

Nyengo ya mazulo, ehe, kofya! Kwenga kundache kuti ŵalipo so cha! Ichi ndichu chigaŵa chaku wo ŵatiti kwamphuwa, ndi mphenduzga yaku wo ŵatitifyankhanyuwa.

Yeremiya 50:27

Bayani nkhuzi zake zose, muyi nazo kukubayika. Soka kwaku iwo pakuti zuŵa lawo laza nyengo ya chilangu chawo.

Yesaya 21:11

Ghakukambika gha paku Duma. Yumoza wadanirizga kwangu kutuliya ku Seira, “Wamulonda, mbusiku wakutinje? Wamulonda, mbusiku wakutinje?”

Yesaya 21:13

Ghakukambika ghapa Arabia. Mu matundu mu Arabia ndimu ukagonanga, Mwa mipingo ya ŵamalonda ŵa Dedani.

Obadiya 1:1

Chiwona chaku Obadiya. Viyo atiti Ambuya Chiuta ndi Edomu: Tavwa makani gho ghatuliya ku Ambuya, ndipo thenga latumika mukati mu mitundu: “Yukani! tiyeni timuyukiye kurwana nayo nkhondo!”

Ezekiele 33:11

Uŵanene kuti. Mo ndiliri wamoyo, atiti Ambuya Chiuta, ndilivi likondwa mu nyifwa ya muheni, kweni kuti muheni waweko ku nthowa yake, waŵe ndi umoyo; weniko, weniko ku nthowa zinu ziheni; kumbi mufwiyengenji, mwa ŵa nyumba yaku Yisraele?