Yesaya 20:2 - Tonga Bible 1986

² pa nyengo yiya Ambuya angukambiya mwaku Yesaya mwana waku Amozi, kuti, “Ruta, ukafwatuwe chigudulu mu chiunu chako ndi kuzuwa viyato ku marundi ghako,” iyo wanguchita ichi, wangwenda wankhuli ndi marundi ghawaka.

Yesaya 20:2 Referans Kwoze

Mateyu 3:4

Kweni mweniyo Yohane wenga ndi chakuvwara chake cha weya wa gamila, ndi likwamba la chikopa lo wamanganga mu chiunu chake; ndipo chaukurgha chake chenga ŵazombe ndi uchi wamu dondo.

Mika 1:8

Chifukwa ichi ndiliyenge ndikutenje; nkharutanga wakuzuwika ndi wankhuli, nkhatenjenga nge mbakambwe, ndi kuliya nge mbamanchichi.

1 Samuele 19:24

Ndipo nayo so wanguzuwa vivwaro vyake, wanguchima paurongo paku Samuele, ndipo wangugona nkhuli zuŵa liya lose ndi usiku wase uwa. Chifukwa ichi ŵatiti, “Kumbi Sauli nayo so we mukati mu ŵamchimi?”

Zekariya 13:4

Mu zuŵa lo mchimi yose walengenge soni ndi chiwona chake wachichima; kuti wavwarenge munjilira waweya cha kujipusika nawo.

Ezekiele 24:23

Vilemba vikaŵanga ku mitu yinu, viyato ku marundi ghinu; kuti mukatenjenga nanga nkhuliya cha, kweni mukawondanga mu kwananga kwinu ndi kutamantha yumoza ku munyake.

Ezekiele 24:17

Fwifwinthiya, kweni kwakuvwika cha; kuchita kutenjere wakufwa cha. Manga chilemba chako, vwara viyato vyako; ungajaranga milomo yako cha, nanga nkhurgha chiŵande cha ŵakutenje.”

Mika 1:11

Mwende mu nthowa yinu, mwa ŵakuja mu Safiri, mu nkhuli ndi soni; wo ŵaja mu Zanana kuti ŵatuza cha; chitenje chaku Betezele nchilondenge kwaku imwe malo ghake ghakumapo.

Yesaya 13:1

Uchimi wa paku Babiloni wo Yesaya mwana waku Amozi wangu wona.

Chivumbuzi 11:3

Ndipo ndipaskenge mtufu ku ŵakaboni ŵangu ŵaŵi, ndipo ŵakachimanga mazuŵa chikwi ndi machumi pe chumi ghaŵi ndi machumi ghankhonde ndi limoza (1,260), ŵakuvwara vigudulu.”

Machitidu gha Ŵakutumika 19:16

Ndipo munthu mwaku yo mwenga mzimu uheni wo, wanguzininikiya paku wo, ndipo pakuŵa ndi nthazi wose ŵaŵi, wanguŵagoda, viyo kuti ŵangusotopokamo mu nyumba ŵankhuli ndi ŵakupotekeka.

Yohane 21:7

Viyo msambizi yo Yesu wangumwanja wanguti kwaku Petro, “Mba Mbuya!” Penipo Simoni Petro wanguvwa kuti mba Mbuya, wangujichinyiya chiphemeska chake (chifukwa wenga nkhuli), ndipo wangujipong'a mu nyanja.

Mateyu 16:24

Yesu wanguŵanene ŵasambizi ŵake, “Asani yumoza wakhumba kuza kuvuli kwangu, wajikanizge, wato mphinjika yake, ndi wandirondo.

Ezekiele 4:5

Pakuti ndanyekezga paku iwe unandi wa mazuŵa, machumi pe chumi ghatatu pachanya machumi ghankhonde ndi ghanayi (390), kwakuyana ndi unandi wa virimika vya kulangika kwawo; viyo ndimu unyamuliyenge kulangika kwa nyumba yaku Yisraele.

2 ŴaKaronga 1:8

Ŵangumwamuka kuti, “Wanguvwara raya la weya, ndi lamba wachikumba mu chiwunu chake.” Ndipo iyo wanguti, “Ndi Eliya muTishibi.”

2 Samuele 6:20

Davidi wanguwe kwazitumbika ŵamu nyumba yake. Mikala mwana munthukazi waku Sauli wangutuwa ku kumana ndi Davidi, wanguti, “A! Nako nkhukuzgika ko karonga wa ŵaYisraele wajikuzga nako msana wale kujizuwa mweneko pa maso pa ŵasungwana ŵa ŵateŵeti ŵake, nge njumoza wa ŵanthu ŵazereza kujizuwa iyo mweneko kwambura soni!”

Yoswa 5:15

Ŵakulamula wa ŵankhondo wa Ambuya wanguti kwaku Yoswe, “Tuzgako viyato vyako ku marundi ghako; pakuti malo gho wamapo ngakupaturika.” Ndipo Yoswa wanguchita viyo.

Chituwa 3:5

Sono wanguti, “Ungazanga pafupi; zuwa skapato zako ku marundi ghako, pakuti malo gho wamapo ndi malo ghakupaturika.”

Machitidu gha Ŵakutumika 21:11

Ndipo pakuza kwaku ifwe, wanguto likwamba laku Paulo, ndipo wangujimanga marundi ndi manja, wanguti, “Ivi wakamba Mzimu Wakupaturika, ‘Viyo ŵaYuda mu Yerusalemu ŵamumanga mweneko wa likwamba lenili, ndi kumpereka mu manja gha ŵaMitundu.’ ”

2 Samuele 15:30

Kweni Davidi wangukwera mu phiri la ma Olive, uku waliya masozi wachenda, wambura skapato ku marundi wangufuka mutu wake; ndipo ŵanthu wose wo ŵanguŵa nayo pamoza ŵangufuka mitu yawo, ŵaliyanga uku ŵakwera.

Sumu 30:11

Imwe mwang'anamuwa kutenje kwangu kwaŵa kuvina; mwafwatuwa chigudulu changu ndipo mwandivwarika ndi likondwa;

Yesaya 1:1

Chiwona chaku Yesaya mwana waku Amozi, cho wanguwona chakukamba ndi Yuda ndi Yerusalemu mu mazuŵa ghaku Uziya, Yotamu, Ahazi, ndi Hezekiya, ŵakaronga ŵaku Yuda.

Yesaya 37:2

Ndipo wangutuma Eliakimu, yo wenga wakutufuliya nyumba yose, ndi Shebna mlembi, ndi ŵazukuru ŵara, ŵakuvwalikika ndi vigudulu, ku mchimi Yesaya mwana waku Amozi.

Yeremiya 48:37

“Pakuti mutu wose wasengeka ndi mwembe wose wameteka; pa manja ghose pa temekatemeka ndipo mu viunu mwe vigudulu.

Ezekiele 4:1

“Ndipo iwe, mwana wa munthu, uto ncherwa uyiŵike paurongo pako, ulembepo chithuthuzi cha msumba, msumba wa Yerusalemu;