Yesaya 2:8 - Tonga Bible 1986

⁸ Charu chawo chazaza ŵangoza, ŵaŵeramiya pasi mitu yawo kunchitu za manja ghawo, kwaku cho minwe yaŵeneko yachita.

Yesaya 2:8 Referans Kwoze

Chivumbuzi 9:20

Ndipo ŵakujapo ŵa ŵanthu, wo ŵengavi kubayika ndi videru ivi ŵengavi kunyongokako ku nchitu za manja ghawo, kuti ŵareke, kulambiya ŵademone, ndi vyangoza vyo vya golide ndi vya siliva, ndi vya mkuŵa, ndi vya mwa, ndi vya muti; vyenivyo virive kuziŵa kulereska, chingana nkhuvwa, chingana nkhwenda;

Yeremiya 2:28

Nanga ŵachiuta ŵinu ŵepani wo mungujipangiya? Iwo ŵasoke, asani ŵangaziŵa kumutaskani imwe, mu nyengo yinu ya suzgu. Pakuti Yuda we, ŵachiuta ŵako mbanandi nge ndimo misumba yako yiliri.

Yesaya 37:19

ndipo ŵapong'a pa moto ŵachiuta ŵawo; pakuti kuti ŵenga ŵachiutadi cha, kweni ndi nchitu ya manja gha ŵanthu miti ndi mya; chifukwa chenichi ŵakuphwanyika.

Machitidu gha Ŵakutumika 17:16

Ndipo wachiŵalindizga Paulo ku Athene, mzimu wake ungosororoka mwake pakuwona msumba kuzara vyangoza.

Hoseya 14:3

Asiriya kuti watitaskenge cha, kuti tikwerenge pa ŵakavalo cha. Ndipo tinenenge so cha kuti, ‘Chiuta widu,’ ku nchitu ya manja ghidu. Mwaku imwe mranda wasaniya lisungu.”

Hoseya 13:2

Ndipo sono wanangiyanangiya, ndi kujipangiya vikozgu vyakusongono, ŵangoza ŵakupangika umampha ndi siliva wawo, vyose ndi nchitu ya fundi. Ŵatiti, “Perekani sembe ku ŵangoza.” Sono ŵanthu ŵa fyofyontha mathole!

Hoseya 12:11

Asani mwe utimbanizi mu Gileada, nadi ŵaŵenge ŵaŵakaŵaka; asani mu Gilgala wapereka sembe ya zinkhuzi, majochero ghawo ghaŵenge nge ndi ndundu ya mya mu migandu ya munda.

Yeremiya 11:13

Pakuti ŵachiuta ŵinu ŵandana nge ndi mizi yinu, Yuda we; ndipo viguŵa vya sembe vyo mwazenge ku chilengesku vyandana nge ndi miseu ya Yerusalemu, viguŵa vyakochiyapo sembe kwaku Bala.

Yesaya 57:5

imwe mukore ndi malikhumbira mukati mu miti musina mu muti wose uŵisi; imwe mubaya ŵana ŵinu mu madambo, kusi ku malijengwajengwa gha majarawe?

Yesaya 17:8

kuti ŵakaphwerenga viguŵa vya sembe cha, nchitu ya manja ghawo, ndipo kuti ŵakalereskanga kwaku vyo minwe ya ŵeneko yikuchita cha, nanga ndi Ashera pamwenga viguŵa vya sembe ya vyakununkha cha.

2 Mikoka 27:2

Ndipo wanguchita cho chenga chakurunjika pa maso gha Ambuya kwakuyana ndi vyose vyo wiske Uziya wanguchita, kweni kuti wangusere mu kasopi wa Ambuya cha. Kweni ŵanthu ŵangurutiriya mukuchita uheni.

Marangu 4:28

Ndipo kweniko mwamuteŵete ŵachiuta ŵa miti ndi ŵa mya, ŵakuchitika ndi manja gha ŵanthu, wo kuti ŵarereska cha nanga nkhuvwa, chingana nkhurgha, pamwenga kunuska.

Hoseya 8:6

Ichi chapangika ndi mupangi; kuti ndi Chiuta cha. Mwana wa ng'ombe waku Samaria watekenyikenge.

1 ŴaKaronga 16:7

Ndipo so mazu gha Ambuya ghanguziya mu mchimi Yehu mwana waku Hanani gha paku Basha ndi nyumba yake, chifukwa cha mphurupuru zose zo wanguchita mu maso gha Ambuya, kuŵasosomole kuchikwiya ndi nchitu za manja ghake, pakuŵa wakukozgana ndi wanguyiparghang'a.

Yesaya 26:13

Ambuya Chiuta widu, ambuya ŵanyake ŵatiusa ifwe, kweni zina linu pe ndilo ifwe tizomera.

Yesaya 40:19

Ngoza! yo munthu wanchitu watumwenga, ndipo wakusula golide watimuzganga ndi golide, ndipo watimwenguliya maunyoro gha siliva.

Yesaya 41:29

Ehe, wose mbatesi; nchitu zawo zawaka ŵangoza ŵawo ŵakwenguwa ndi mphepo yiyumu.

Yeremiya 1:16

Ndipo ndikakambanga vyeruzgu vyango pako wo, pa mauheni ghawo ghose pakundireka ine; ŵawoche vya chema ŵa chiuta ŵanyake ndipo ŵasopa nchitu za manja gha ŵeneko.

2 ŴaKaronga 17:10

ŵangujimikiya vigaŵa vya Asherimu pa mtunthu wose utali ndi musina mwa muti wose uŵisi,

2 ŴaKaronga 17:16

Kweni iwo ŵangujowo marangu ghose gha Ambuya Chiuta wawo, ŵangujichitiya vikozgu vyakwenguwa vya ng'ombe ziŵi, ŵangujichitiya Ashera, ndipo ŵangusopa maliŵanja ghose kuchanya, ndipo wangutataliya Bala.

Mika 5:12

Nkhamaranga ŵaukwi wose mujanja lako, ndipo kuti ukaŵanga so nawo cha ŵaukwi;