6 Pakuti imwe mwajowo ŵanthu ŵinu nyumba yaku Yakobe, chifukwa ŵazazika ndi ŵavyanusi ŵakutuwa ku vuma, ndi ŵakuwukwa uli mba ŵa Filisti, ndipo ŵazomerezgana ndi ŵalendo.
Sono Ahaziya wanguwa kuporota pa dangazi mu chipinda chake cha pachanya mu Samaria, ndipo wangutama, viyo wangutuma mathenga wakuti, “Rutani, kafumbeni kwaku Bala-zebubi, chiuta waku Ekroni, vinu ndikachilanga ku utenda uwu.”
Ndipo ŵachikamba kwaku iwe, “Fumba ku ŵamaula ndi ŵakombeza wo ŵajumajuma ndi kubwebweta,” kumbi ŵanthu kuti ŵatenere kufumba Chiuta wawo cha? Kumbi nchakwenere kufumba ŵakufwa mu malo mwa ŵamoyo?
Viyo Sauli wangufwa mu kwananga kwake; wanguŵa wambura magomekezgeka ku Ambuya chifukwa chakureka kusunga marangu gha Ambuya ndipo so pa chifukwa chakupenja urongozgi ku ŵakuwukwa,
Ndipo ŵaFilisti ŵangudana ŵazukuru ndi ŵakombeza ŵangunena nawo, “Tikachitanganji ndi bokosi la Ambuya tikambiyeni mo tingaziŵiya kulitumiya ku malo ghake.”
“Mungakondwanga cha mwa ŵaFilisti imwe, kuti ndodo yo yingukukosoni yafyoka, pakuti kutuwa ku msisi wanjoka kukatuwanga chipi ndipo chipasi chake chikaŵanga njoka yakuphururuka.