Yesaya 2:3 - Tonga Bible 1986

³ ndipo ŵanthu ŵanandi ŵakazanga ŵakatinge: “Zaninga, tikweriyenge ku phiri la Ambuya, ku nyumba yaku Chiuta waku Yakobe, alinga watisambizge nthowa zake, ndi kuti ifwe tendenge mu tunthowa twake.” Pakuti dangu likatuwanga mu Zioni, ndi mazu gha Ambuya, ghakatuwanga mu Yerusalemu.

Yesaya 2:3 Referans Kwoze

Luka 24:47

ndi kuti ching'anamuka ndi chireke cha vilakwa vimemezeke mu zina lake ku mitundu yose, kwanda ku Yerusalemu.

Sumu 110:2

Kutuliya ku Zioni Ambuya atandawuwenge mazaza gha ufumu wako. Usa pachanya pa ŵarwani ŵako.

Yohane 7:17

Asani munthu wakhumba kuchita khumbo laku Chiuta waziŵenge chisambizgu cho ndisambizga, vinu nchakutuwa kwaku Chiuta, pamwenga ine ndirongoro vya mu mazaza gha mwaku Ndamweni.

Marangu 6:1

“Sono ili ndilo dangu, visambizgu ndi vyeruzgu vyenivyo Ambuya Chiuta winu wangundilanguliya kumusambizgani, mwakuti mukavichite mu charu chenicho mutiyamu kwachironda.

Yeremiya 31:6

Pakuti likaŵangapo zuŵa lo ŵalonda ŵakadananga mu charu cha mitunthu yaku Efraimu: ‘Yukani, tiyeni tirutenge ku Zioni, ku Ambuya Chiuta widu.’ ”

ŴaRoma 10:18

Kweni ndititi, asi ŵanguvwa? Inyadi, “Mazu ghawo ghanguwanda mu charu chose, ndi manenedu ghawo ku vigoti vya panupasi.”

Luka 11:28

Kweni iyo wanguti, “Viŵiviŵi kwari mbamwaŵi wo mbakuvwa mazu ghaku Chiuta ndi mbakughachita.”

Mateyu 7:24

“Viyo yose yo watuvwa mazu ghangu ghenagha, ndi waghachita, walinganizgikenge ku munthu wazeru, mweniyo wanguzenga nyumba yake pa jarawe:

Yakobe 1:25

Kweni mweniyo ngwakulereska mu dangu lizirima lo la wanangwa, ndi wajaririya viyo, pakuŵa wakuvwa wachiruwa cha kweni wakuchita mlimu, wa mwenuyu waŵenge wamwaŵi mu kachitidu kake.

Machitidu gha Ŵakutumika 10:33

Sosonukweni viyo ndingutuma kwako; ndipo wachita umampha kutifika. Viyo sono tose tiripo paurongo paku Chiuta kuvwa vyose vyo walangulikiya ndi Chiuta.”

Machitidu gha Ŵakutumika 1:8

Kweni mwamronde nthazi wati waziya paku imwe Mzimu Wakupaturika, ndipo mundiŵiyenge ŵakaboni mosemose mu Yerusalemu, ndi mu Yuda yose ndi Samaria, ndi ku vigoti vya panupasi.”

Yohane 4:22

Imwe musopa cho mulive kuziŵa: ifwe tisopa cho tiziŵa: pakuti utaski ngwakutuwa ku ŵaYuda.

Marangu 33:19

Wakadaniyanga ŵanthu ku Phiri lawo, penipo ŵapereka sembe zakwenere, pakuti ŵatonkha usambasi wa zinyanja ndi mbiku zakubisika zamu muchenga.”

Sumu 48:1

Ndi mukuru Mbuyafwe ndi wakwenere kurumbikadi mu msumba waku Chiuta widu!

Sumu 119:171

Ndirumbenge imwe nyengo yose, chifukwa mutindisambizga vyeruzgu vinu.

Sumu 122:1

Ndingukondwa ŵachinena nane, “Tiyeni tirutenge ku nyumba ya Ambuya!”

Yesaya 28:9

“Mbayani wo ŵakarunguchizganga zeru, ndipo nkhwakuyani ko wakonkhoskiyenge uthenga? Wo ŵakuleka konkha, wo ŵakutuzgikako ku maŵe?

Yesaya 56:5

ŵakarondiyanga kwangu vyamampha kuruska ŵana ŵanthurumi ndi ŵana ŵanthukazi, chikumbusku ndi zina mukati mu nyumba yangu ndi mu viliŵa vyangu; ndiŵapaskenge zina la muyaya, zina lo kuti likamaranga cha nyengo yose.

Yesaya 56:7

ŵa viyo ndikaŵatoliyanga ku phiri langu lakupaturika; ndi kuŵapaska likondwa mu nyumba yangu ya kuromba; mipasku yawo yakocha ndi sembe zawo vikarondelekanga pa chiguŵa changu cha sembe; pakuti nyumba yangu yikadanikanga nyumba ya kuromba ya ŵanthu wose.

Yesaya 60:3

Ndipo mitundu yikazanga ku ukweru winu, ndi ŵakaronga ku kutuwa kwa kuyuka kwinu.

Yesaya 65:11

Kweni imwe mupata Ambuya, imwe mwaruwa phiri langu lakupaturika, imwe mumika gome chifukwa cha Mwaŵi muzaza vyandi vya vinyo wakusazga kuzaziya Nyifwa;

Yesaya 66:20

Ndipo ŵakazanga ndi ŵabali ŵinu wose kutuwa ku mitundu yose nge ndi mpasku ku Ambuya, pa ŵakavalo, mu magareta, mu machila, pa nyulu, ndi pa ŵagamila, kuza ku phiri langu lakupaturika Yerusalemu, atiti Ambuya, nge ndimo ŵa Yisraele ŵatuziya ndi mpasku wowo wa ufwa mu chiyaŵi chakutowa ku nyumba ya Ambuya.

Yeremiya 26:18

“Mika waku Moreshete wanguchima mu mazuŵa ghaku Hezekiya karonga waku Yuda, ndipo wanguti ku ŵanthu wose ŵaYuda, ‘Viyo atiti Ambuya ŵa maŵanja, Zioni wakalimikanga nge ndi munda; Yerusalemu wakasandukanga chimbumira cha vyakunangika, ndipo phiri la nyumba likaŵanga nge ndi malo gha pachanya gha dondo.’

Ezekiele 40:2

ndipo lingunditore mu viwona vyaku Chiuta mu charu chaku Yisraele, ndi kundijarika pasi pachanya pa phiri litali ukongwa, paku lenilo penga uzengi nge ngwa msumba kuthyana nane.

Hoseya 3:5

Pavuli ŵana ŵaku Yisraele ŵawenge ndi ŵapenjenge Ambuya ŵawo, ndi Davidi karonga wawo; ndipo ŵazenge ndi mantha ku Ambuya ndi ku urunji wake mu mazuŵa ghakumariya.

Hoseya 6:3

Tiyeni tiziŵe, ndi tifwiririyepo kuziŵa Ambuya; kuruta kwawo nkhwambura kukayika nge nkhumatandakucha; azenge kwaku ifwe nge ndi vuwa, nge ndi vuwa yakudanga yo yizumbwiska charu.”

Mika 4:2

ndi mitundu yinandi yikazanga ndi kunena kuti: “Tiyeni tikwere ku phiri la Ambuya, ku nyumba yaku Chiuta waku Yakobe; mwakuti watisambizge nthowa zake ndi kuti tendenge mwaku zo.” Chifukwa ku Zioni kukatuwiyanga dangu, ndi mazu gha Ambuya ghakatuwiyanga ku Yerusalemu.

Estere 9:27

ŵaYuda ŵangumika ichi, ŵangujilapizga ŵija ndi mphapu yawo ndi wose wo ŵangujibatika kwaku iwo, mwakuti chireke kutondeka, ŵatenere kusunga mazuŵa yagha ghaŵi kwakulingana ndi cho chalembeka, ndi kwakulingana ndi nyengo yawo ya kutemeka, chirimika ndi chirimika;

Sumu 102:23

Nthazi yangu afyore munthowa ndenga ndi ndakote; afupikiska mazuŵa ghangu.

Yesaya 1:26

Ndipo ndikawezgiyangapo ŵeruzgi ŵinu nge mphakudanga, ndi nduna zinu uli mpha chiyambo. Pavuli mukadanikanga msumba urunji, muzi wamagomekezgeka.”

Yesaya 11:10

Mu zuŵa liya msisi waku Jese ukamanga nge nchiziŵisku ku ŵanthu, iyo ndiyo mitundu yikapenjanga: ndipo mwakuja mwake mukaŵanga mwaunkhankhu.

Yesaya 19:23

Zuŵa liya kwazamukuŵa gurwi kutuwa ku Egipiti kuya ku Asiriya, ndipo ŵaAsiriya ŵakazanga mu Egipiti, ndi ŵaEgipiti mu Asiriya, ndipo ŵaEgipiti ŵakasopanga pamoza ndi ŵa Asiriya.

Yesaya 44:5

Uyu wakambanga, ‘Nde wa Ambuya,’ munyake wakajidananga ndi zina laku Yakobe, ndi munyake wakalembanga pa janja lake, ‘Wa Ambuya,’ ndi kujipaska chiwongo cha zina laku Yisraele.”

Yeremiya 12:16

Ndipo kukaŵanga kuti asani ŵakasambiranga ndi phamphu nthowa za ŵanthu ŵangu, kurapiya ndi zina langu, ‘Achiŵa amoyo Ambuya,’ uli ndimo ŵangusambizgiya ŵanthu ŵangu kurapa paku Bala, po ndipo wakazengekanga mukati mu ŵanthu ŵangu.