Yesaya 2:2 - Tonga Bible 1986

² Ghazamufiskika mu mazuŵa gha pavuli kuti phiri la nyumba ya Ambuya lazamchitika kuŵa litali kwakuruska mapiri ghanyake, ndipo lazamtumphuskika pachanya pa mithuthu; ndipo makhamu ghose ghazamuwungana kwaku lo,

Yesaya 2:2 Referans Kwoze

Yesaya 56:7

ŵa viyo ndikaŵatoliyanga ku phiri langu lakupaturika; ndi kuŵapaska likondwa mu nyumba yangu ya kuromba; mipasku yawo yakocha ndi sembe zawo vikarondelekanga pa chiguŵa changu cha sembe; pakuti nyumba yangu yikadanikanga nyumba ya kuromba ya ŵanthu wose.

Yesaya 27:13

Ndipo mu zuŵa liya mbata yikuru yikambikanga, sono wo ŵangusoŵe mu charu cha Asiriya ndi wo wangudikiskikiya ku charu cha Egipiti wakazanga ndi kusopa Ambuya pa phiri lakupaturika mu Yerusalemu.

Zekariya 8:3

Viyo atiti Ambuya: Ndawere ku Zioni ndipo ndijenge mukati mu Yerusalemu, ndipo Yerusalemu wakadanikanga msumba wamagomekezgeka, phiri la Ambuya ŵa maŵanja, phiri lakupaturika.

Chivumbuzi 11:15

Wangukuŵa mungelo wachinkhonde ndi chiŵi; ndipo ghanguŵapo mazu ghakuru kuchanya, ghakuti, “Ufumu wa panupasi sono ngwa Mbuyafwe, ndi waku Kristu wake, ndipo wakausanga ku muyaya muyaya!”

2 Petro 3:3

Ziŵani danga chenichi, kuti mu mazuŵa ghakumariya ŵakutoza ŵakaziyanga mu mtonyoru, ŵakwenda kwakuyana ndi malikhumbira gha ŵenecho, ndi kunena,

2 Timote 3:1

Kweni ziŵiska chenichi, kuti mu mazuŵa ghakumariya zikabukanga nyengo zizitu.

Danyele 2:45

nge ndimo munguwone mwa uwa kutuwa ku phiri wo kuti ungusweka ndi janja la munthu cha, ndipo ungutekenya chisulo, mkuŵa, dongo, siliva, ndi golide, Chiuta mkuru wamuziŵiska karonga ndi vyo vikaŵangako pavuli. Nadi ndi loto leneko, ndi kang'anamuridu kake nako nkhakuneneska.”

Danyele 2:35

Viyo chisulo, dongo mkuŵa, siliva, ndi golide vinguvikitika tumana-tumana vyose pamoza, ndi vinguŵa nge ndi mwere wa chihanya wakupepeteke pasi, ndi mphepo yinguviputiskiya kutali, mwakuti vingawoneka so cha. Kweni mwa uwa ungutekenya chikozgu cho, ungusanduka phiri likuru ndi linguzaza charu chose chapasi.

Yesaya 66:20

Ndipo ŵakazanga ndi ŵabali ŵinu wose kutuwa ku mitundu yose nge ndi mpasku ku Ambuya, pa ŵakavalo, mu magareta, mu machila, pa nyulu, ndi pa ŵagamila, kuza ku phiri langu lakupaturika Yerusalemu, atiti Ambuya, nge ndimo ŵa Yisraele ŵatuziya ndi mpasku wowo wa ufwa mu chiyaŵi chakutowa ku nyumba ya Ambuya.

Yesaya 11:10

Mu zuŵa liya msisi waku Jese ukamanga nge nchiziŵisku ku ŵanthu, iyo ndiyo mitundu yikapenjanga: ndipo mwakuja mwake mukaŵanga mwaunkhankhu.

Sumu 86:9

Mitundu yose yo imwe kukulenga yikazanga ndi kugwada paurongo pinu, Ambuya, ndipo ŵakankhuskenge zina linu.

Chivumbuzi 20:4

Ndipo ndinguwona vitengu-vyaufumu, ndipo ŵakuja paku vyo, mbeniwo kwaku iwo kungupaskika kweruzga. Ndipo so ndinguwona ŵazimu ŵaku wo ŵangudumulika mutu chifukwa cha chisimisimi chaku Yesu, ndi chifukwa cha mazu ghaku Chiuta, ndi ŵeniwo wose ŵengavi kuchilambiya chikoku, chingana nchikozgu chake, ndi ŵengavi kuronde lisimbu lake pa mphumi zawo nanga mpha janja lawo. Ndipo ŵanguŵa ŵamoyo, ŵanguusa pamoza ndi Kristu virimika chikwi.

ŴaHebere 1:2

mu mazuŵa yagha ghaumari wakambiyanafwe mu Mwana wake, mweniyo wanguŵika muhara waku vyose, mwaku mweniyo so wangwatiya migonezi.

Machitidu gha Ŵakutumika 2:17

‘Ndipo kuŵenge mu mazuŵa ghakumariya, watiti Chiuta, nkhapunguliyanga Mzimu wangu pa ŵanthu wose ndipo ŵamchima ŵana ŵanthurumi ŵinu ndi ŵana ŵanthukazi ŵinu, ndipo majaha ghinu ghamuwona viwoniwoni, ndi madoda ghinu ghamlota maloto;

Malaki 3:12

Viyo mitundu yose yikatinge mwe ŵakutumbikika, chifukwa mukaŵanga mtundu wakukondweska, atiti Ambuya ŵa maŵanja.

Danyele 10:14

ndipo ndaza kuno kuzachimuziŵiskani cho chiŵiyenge ŵanthu mu mazuŵa ghakumariya. Pakuti chiwona ncha mazuŵa gha kunthazi.”

Danyele 2:28

Kweni waliko Chiuta kuchanya yo wavumbuwa vyamuchibisibisi, ndiyo waziŵiska Karonga Nebukadanezara cho chiŵengeko mu mazuŵa ghakunthazi. Loto ndi chiwona cha mutu winu muchigona mu chita, ndi ivi:

Yeremiya 3:17

Pa nyengo yo Yerusalemu wakadanikanga chitengo cha Ambuya, ndipo mitundu yose yikawungananga kweniko, paurongo pa Ambuya mu Yerusalemu, ndipo kuti ŵakanonopiyanga kulondo so mtima wawo uheni cha.

Yesaya 30:29

Mukaŵanga ndi sumu nge mbusiku po dghera lakupaturika lichitika, ndi kukondwa kwa mtima, ulaka ndipa munthu waruta ndi kumba kwa fyolilo ku phiri la Ambuya, ku Jarawe la ku Yisraele.

Sumu 2:8

Ufumbe kwangu, ndipo ndichitenge mitundu kuŵa chihara chako, ndi nge nchakusakata chako vigoti vya charu chapasi.

Maŵerengedu 24:14

Viyo sono, ehe, ndiruta ku ŵanthu ŵangu, zanga, ndikakuziŵiskanga cho ŵanthu yaŵa ŵakachitanga ku ŵanthu ŵako mu mazuŵa gho ghatuza.”

Ezekiele 38:16

ukazanga kurwana ndi ŵanthu ŵangu ŵaYisraele, ngendi mtambo ubenekere charu. Mu mazuŵa gha umari ndikutonge kuti umikane ndi ŵanthu ŵangu, mwakuti mitundu yindiziŵe, alinga kuti pakuporote mwaku iwe Gogi, ndivumbuwe utuŵa wangu paurongo pawo.

Yeremiya 49:39

“Kweni mu mazuŵa gha pavuli ndikawezgiyanga umampha paku Elamu, atiti Ambuya.”

Yeremiya 48:47

Kweni ndikawezganga umampha waku Moabu mu mazuŵa gha pavuli, atiti Ambuya.” Cheruzgu cha paku Moabu chafika yapa.

Yeremiya 30:24

Kukwiya kwakofya kwa Ambuya kuti kukarekanga cha, mpaka penipo wachita ndi kufiska vyenivyo arongoso kuvichita. Mu mazuŵa gho ghatuza mwazamuwamo ichi.

Yeremiya 23:20

Ukari wa Ambuya kuti ukawerenga cha, mpaka penipo wakachitanga ndi kufiska vyo maghanaghanu ghawo ghakhumba. Mu mazuŵa gha pavuli mukaŵangamo khwerukhweru.

Yesaya 49:6

Iyo watiti: “Nkhanthu kayuyu ukongwa kuti iwe uŵe mteŵeti wangu kuyuska mitundu yaku Yakobe kuwerezgiyapo wakuvikirika waku Yisraele; ndikakupaskanga iwe nge ndi lumbuni ku mitundu, mwakuti utaski wangu ufike ku chigoti cha charu chapasi.”

Sumu 72:8

Wausenge kutuliya ku nyanja; mpaka ku nyanja; kutuwa ku msinji Efrate mpaka ku vigoti vya charu.

Sumu 22:27

Vigoti vyose vya charu chapasi vikumbukenge ndi kuwere ku Ambuya; ndipo mafuku ghose gha mitundu ya ŵanthu gha sopenge paurongo pinu.

Jobu 19:25

Pakuti ndiziŵa kuti wakundiwombo ngwamoyo, ndi pakumariya wakamanga pa charu;

Chiyambo 49:1

Sono Yakobe wangudana ŵana ŵake ŵanthurumi, ndi wanguti, “Muwunjikike pamoza, alinga ndikuneniyeni vyenivyo vikakuwiyaninga mu mazuŵa gho ghatuza.

Yesaya 25:6

Pa phiri lenili Ambuya ŵa maŵanja akachitiyanga ŵanthu wose dghera la vyakututuŵa, dghera la vinyo wapa visika, la vinthu vyakututuŵa vya mafuta ghakubwituka, la vinyo pa visika vyakukung'untha umampha.

Yesaya 56:5

ŵakarondiyanga kwangu vyamampha kuruska ŵana ŵanthurumi ndi ŵana ŵanthukazi, chikumbusku ndi zina mukati mu nyumba yangu ndi mu viliŵa vyangu; ndiŵapaskenge zina la muyaya, zina lo kuti likamaranga cha nyengo yose.

Yesaya 65:11

Kweni imwe mupata Ambuya, imwe mwaruwa phiri langu lakupaturika, imwe mumika gome chifukwa cha Mwaŵi muzaza vyandi vya vinyo wakusazga kuzaziya Nyifwa;

Yeremiya 16:19

Ambuya mwe, nthazi yangu ndi linga langu lakukho, nchakudingang'amo changu, muzuŵa la suzgu, kwaku imwe mitundu yikazanga kutuwa ku vigoti vya charu ŵazamunena kuti, “Auskefwe kuti ŵaharapo so kanthu kanyake cha kweni mautesi pe, tunthu twambura ndi kanthu mwaku twenito mulivi kakwanduwamo.

Yeremiya 26:18

“Mika waku Moreshete wanguchima mu mazuŵa ghaku Hezekiya karonga waku Yuda, ndipo wanguti ku ŵanthu wose ŵaYuda, ‘Viyo atiti Ambuya ŵa maŵanja, Zioni wakalimikanga nge ndi munda; Yerusalemu wakasandukanga chimbumira cha vyakunangika, ndipo phiri la nyumba likaŵanga nge ndi malo gha pachanya gha dondo.’

Yeremiya 31:12

Ŵakazanga ndi Kumba kwanthazi pa chitanthali cha Zioni, ndipo ŵakaŵaranga chifukwa cha umampha wa Ambuya, chifukwa cha vyakurgha, vinyo, ndi mafuta; ndi ŵana ŵa mskambu ndi vyakuŵeta; umoyo wawo ukaŵanga nge ndi munda wakudiriya maji, kuti ŵakalakatukanga so cha.

Yeremiya 51:44

Ndipo ndikalanganga Belo mu Babiloni, ndi kutuzgamo mu mlomo wake cho wakumeza. Mitundu kuti yikazanga kwaku iyo cha; linga la Babiloni lawa.

Ezekiele 40:2

ndipo lingunditore mu viwona vyaku Chiuta mu charu chaku Yisraele, ndi kundijarika pasi pachanya pa phiri litali ukongwa, paku lenilo penga uzengi nge ngwa msumba kuthyana nane.

Hoseya 3:5

Pavuli ŵana ŵaku Yisraele ŵawenge ndi ŵapenjenge Ambuya ŵawo, ndi Davidi karonga wawo; ndipo ŵazenge ndi mantha ku Ambuya ndi ku urunji wake mu mazuŵa ghakumariya.

Zekariya 8:22

Ŵanthu ŵanandi ndi mitundu yanthazi yikazanga, kupenja Ambuya ŵa maŵanja mu Yerusalemu ndi kupempha wezi wa Ambuya.

Zekariya 14:9

Ndipo Ambuya aŵenge karonga wa charu chose chapasi; mu zuŵa lo kuŵenge Ambuya amoza ndi zina lawo limoza.

Zekariya 14:10

Charu chose chiŵenge chidika kutuwa ku Geba kwachifika ku Rimoni ku mwera kwa Yerusalemu. Kweni Yerusalemu wajenge wakutumphuka pa malo ghake, kutuwa ku Likomo laku Benjamini kwachifika ku malo gha likomo la kale, ku Likomo laku chi Ngodya ndi kutuwa ku Msumba waku Hamanele kwachifika ku vyakupondiyamo mphereska vya karonga.

Sumu 22:28

Pakuti ufumu ngwa Ambuya, ndipo ausa pa mitundu.

Sumu 48:2

Phiri lake lakupaturika, lakutowa mwakukwere nchimwemwe cha charu chose chapasi, Phiri Zioni, kuchiri ku nkhonde, msumba wa karonga mukuru.

Sumu 68:17

Ndi magareta ghanthazi, vikwi machumi ghaŵi (20,000), vikwi pavikwi, Ambuya anguza kutuwa ku Sinai kwazifika mu malo ghakupaturika.

Sumu 87:1

Chiuta wazenga muzi wake pa phiri lakupaturika;

Sumu 87:2

watanja msumba wa Yerusalemu kwakuruska malo ghose ghanyake mu Yisraele.

Sumu 102:23

Nthazi yangu afyore munthowa ndenga ndi ndakote; afupikiska mazuŵa ghangu.

Yesaya 60:3

Ndipo mitundu yikazanga ku ukweru winu, ndi ŵakaronga ku kutuwa kwa kuyuka kwinu.

Yesaya 66:23

Kutuwa ku mwezi ufya kuya ku mwezi ufya, ndi kutuwa ku sabata kuya ku sabata, nyama yose yikazanga kusopa paurongo pangu, atiti Ambuya.