Yesaya 2:12 - Tonga Bible 1986

¹² Pakuti Ambuya ŵa maŵanja ŵendi zuŵa lakumikana ndi wose wo mbakujikuzga ndi akujikwezga, lakumikana ndi wo ŵakukwezgeka wo ŵe pachanya,

Yesaya 2:12 Referans Kwoze

Malaki 4:1

“Chifukwa nadi zuŵa lituza, lakocha nge ndi ng'anjo, penipo ŵakujikuzga wose ndi wose ŵakuchita uheni ŵakaŵanga viswaswa. Zuŵa lo lituza likaŵawochanga, atiti Ambuya ŵa maŵanja, viyo kuti likaŵasiyiyanga nanga ndi musisi pamwenga mphanda cha.

Yesaya 23:9

Ambuya ŵa maŵanja ndiwo akuchighanaghana ichi, ku fipiska kujikuzga kwa unkhankhu wose, kuyeya ŵakutumbikika ŵa charu chapasi.

Luka 14:11

Pakuti yose wakujikuzga wayuyulikenge; ndipo yo ngwakujiuyuwa wakuzgikenge.”

Nthanthi 16:5

We yose mweniyo ngwakujikuzgangwa ukazuzi ku Ambuya; ziŵiska kuti warekenge kulangika cha.

Yakobe 4:6

Kweni wapaska wezi ukuruku: viyo ŵatiti, “Chiuta wamikirana ndi wakujana, kweni wapaska wezi ku ŵakujiyuyuwa.”

1 ŴaTesalonika 5:2

Chifukwa mwaŵeni muziŵiya limu kuti nge ndi munkhungu ndi usiku viyo lizenge zuŵa lo, la Ambuya.

1 ŴaKorinte 5:5

muperekeni waviyo kwaku Satana ku wanangiku wa liŵavu mpaka penipo warapa, alinga kuti wataske mzimu wake mu zuŵa la Ambuya Yesu.

Mateyu 23:12

Ndipo yose yo wajikuzgenge, wayuyulikenge; ndipo yose yo wajiyuyuwenge, wakuzgikenge.

Malaki 4:5

“Awonani, nkhamutumiyaninga Eliya mchimi, lenga lindazi zuŵa likuru ndi lakofya la Ambuya,

Amosi 5:18

Owe; kwaku imwe mukhumba zuŵa la Ambuya! Chifukwa nchine mukhumba kuŵa ndi zuŵa la Ambuya? Ndi mdima, kuti mbukweru cha;

Danyele 4:37

Sono ine, Nebukadanezara ndikankhuska, ndi kukuzga, ndi kutumbika Karonga wakuchanya, chifukwa nchitu zake zose zakurunjika; ndipo wo ŵatenda kwakujikuzga waziŵa kuŵayuyuwa.

Ezekiele 13:5

Kuti mwakwera mwakupasuka cha, pamwenga kuzenge nyumba yaku Yisraele linga, alinga kuti yiziŵe kuma mu nkhondo, pa zuŵa la Ambuya.

Yeremiya 46:10

Zuŵa liya ndi zuŵa la Ambuya Chiuta wa maŵanja, zuŵa la thayu, kujitayiya thayu pa ŵakupindikana ŵake. Lipanga likarghanga ndi kuguta, ndi kumwa kwakuguta ndopa zawo. Pakuti Ambuya Chiuta wa maŵanja wendi sembe mu charu cha ku nkhonde pa msinji Efrate.

Yesaya 24:21

Mu zuŵa liya Ambuya akalanganga maŵanja gha kuchanya, mu machanya, ndi ŵakaronga ŵa charu, pa charu chapasi.

Yesaya 24:4

Charu chapasi chitenje ndi chimira, charu chikomwa ndi chimira, machanya ghakomwe pamoza ndi charu chapasi.

Yesaya 13:9

Ehe, zuŵa la Ambuya lituza, likari, la kuŵaŵa ndi kukaripa kwakofya, kuzachichita charu chapasi mapopa, kunanga ŵaheni ŵake kuŵatuzgamo.

Yesaya 13:6

Liyani, pakuti zuŵa la Ambuya laŵandika, likazanga nge ndi phasulu la kutuwa ku Wanthazizose!

2 Samuele 22:28

Imwe mukataskanga ŵanthu ŵakuyuyulika, kweni maso ghinu ghe pa ŵakujikuzga kuŵasiskiya pasi,

Jobu 24:1

“Chifukwa nchine nyengo za cheruzgu zilivi kumikika ndi Wanthazizose, ndi chifukwa nchine wo watumuziŵa wareka kuwona mazuŵa ghake?

Sumu 131:1

Ambuya, kuti ujikuzga cha mtima wangu, maso ghangu kuti ghalereska kwa kujitukumuwa cha; nanga ndi mu vinthu vinonono ndi vyakuziziswa ukongwa, kwaku ine,

Yesaya 42:15

Ndikachitanga mapiri ndi mitunthu kuŵa mapopa, ndi kumizga vyakume vyawo vyose. Ndikasanduskanga misinji kuŵa virwa, ndi kukamuska mathaŵali.

Yesaya 61:2

kumemeza chirimika cha lisungu cha Ambuya, ndi zuŵa la thayu laku Chiuta widu; kuzangaruska wose ŵakutenje;

Yeremiya 30:7

Owe! Zuŵa lo ndikurudi palive lakukozgana nalo; ndi nyengo ya suzgu yaku Yakobe; ndipuuli wakataskikangako kwaku lo.

Mika 2:3

Chifukwa ichi, viyo atiti Ambuya: Ndirunguruka chiheni kumikana ndimbumba iyi, kwaku chenicho kuti muziŵa kuwezgako masingo ghinu cha; ndipo kuti mukayendanga kwakujikuzga cha, pakuti yikaŵanga nyengo ya uheni.

Mika 5:11

nkhadumuwanga misumba ya charu chako, ndi kuwiskiya pasi malinga ghako ghose.

Zefaniya 1:16

zuŵa la chiwawa cha mbata ndi nkhondo yakulimbana ndi misumba ya malinga, ndi vigongwe vitali.

Zefaniya 3:11

“Mu zuŵa lo kuti ulengeskekenge cha, chifukwa cha nchitu zako zakundigarukiya, chifukwa penipo ndituzgengeko mukati mwako, ŵeniwo ŵakondwa ndi kujikuzga kwako, kuti ŵajithamiyenge so cha mu phiri langu lakupaturika.

Sumu 18:28

Inya, imwe mukozga nyali yangu; Ambuya Chiuta wangu wangweruska mdima wangu.

Sumu 37:13

kweni Ambuya atimuseka muheni, pakuti awona kuti zuŵa lake likazanga.

Sumu 94:2

Ndimwe mweruzgi wa ŵanthu wose, Yukani, paskani ku ŵakujikuzga cho nchakuŵenere!

Yesaya 5:15

Munthu wakotamiya pasi, ŵanthu ŵasiskikiya pasi, ndipo maso gha ŵakujikuzga ghafoteskeka.

Yesaya 10:12

Penipo Ambuya atakuti ŵamara nchitu yawo yose pa phiri la Zioni ndi pa Yerusalemu akalanganga kujikuzga kukuru kwa karonga wa Asiriya ndi kujikwezga kwake.

Yesaya 10:33

Ehe, Ambuya, Ambuya ŵa maŵanja akapanthanga mphanda ndi nthazi zakofya; zitali-zitali zikadumulikiyanga pasi, ndipo zitali zikafupiskikanga.

Yesaya 13:11

Ndikalanganga charu chifukwa cha uheni wake, ŵaheni chifukwa cha utimbanizi wawo, ndikagoteskanga kujikuzga kwa ŵakujitukumuwa, ndikusiskiya pasi kujikuzga kwa ŵambura lisungu.

Yesaya 14:15

Kweni wasiskikiya pasi ku muunda, ku ndimba ya Zenje.

Yesaya 40:23

mweniyo wasanduska ŵana ŵa ŵakaronga kuŵa ŵaŵakaŵaka, ndipo wasanduska ŵeruzgi ŵa charu chapasi kuŵa kanthu cha.

Yeremiya 12:9

Ŵanthu ŵangu ŵandiŵiya uli nchiyuni chakuŵaraŵata chakuko vinyake? Viyuni vyakuko vinyake vituŵatinkha kwakuzunguliya kose kose? Rutani, danani nyama zose zamu dondo ziungane; muze nazo kuzachiparuwa.

Yeremiya 13:9

“Viyo atiti Ambuya: Viyo so ndimu ndikanangiyanga kujikuzga kwaku Yuda ndi kujikuzga kukuru kwaku Yerusalemu.

Yeremiya 50:31

“Ehe, ndilimbana ndi iwe, wakujikuzga we, atiti Ambuya Chiuta wa maŵanja; pakuti zuŵa lako laza, nyengo mwaku yeniyo ndikakulanganga.