Yesaya 2:11 - Tonga Bible 1986

¹¹ Mawonekedu ghakujikuzga gha munthu ghakasiskikiyanga pasi, ndi kujikuzga kwa ŵanthu kukasiskikanga, ndipo Ambuya pe ŵija akakuzgikanga mu zuŵa lo.

Yesaya 2:11 Referans Kwoze

Sumu 18:27

Chifukwa imwe mtaska ŵanthu ŵakujiyuyuwa; kweni maso ghakujikwezga mutighasiskiya pasi.

Yesaya 2:17

Kujikuzga kwa munthu kukabwanthukiyanga pasi, ndipo kujikuzga kwa ŵanthu kukasiskikiyanga pasi, ndipo Ambuya pe ŵija ŵakakuzgikanga mu zuŵa lo.

Malaki 4:1

“Chifukwa nadi zuŵa lituza, lakocha nge ndi ng'anjo, penipo ŵakujikuzga wose ndi wose ŵakuchita uheni ŵakaŵanga viswaswa. Zuŵa lo lituza likaŵawochanga, atiti Ambuya ŵa maŵanja, viyo kuti likaŵasiyiyanga nanga ndi musisi pamwenga mphanda cha.

Yesaya 24:21

Mu zuŵa liya Ambuya akalanganga maŵanja gha kuchanya, mu machanya, ndi ŵakaronga ŵa charu, pa charu chapasi.

Yesaya 13:11

Ndikalanganga charu chifukwa cha uheni wake, ŵaheni chifukwa cha utimbanizi wawo, ndikagoteskanga kujikuzga kwa ŵakujitukumuwa, ndikusiskiya pasi kujikuzga kwa ŵambura lisungu.

Yesaya 12:4

Ndipo mukakambanga mu zuŵa leniliya: “Paskani viwongu ku Ambuya, danani pa zina lawo, ziŵiskani nchitu zawo mukati mu mitundu, memezani kuti zina lawo lakuzgika.

Mika 4:6

Mu zuŵa lo, atiti Ambuya, ndiwunjikenge ŵakupunduka, ndiso ndiwunjikenge wo ŵadikiskika, ndiwo ndaŵasuzga;

Hoseya 2:18

Ndipo mu zuŵa lo ndamukukuchitiya phanganu ndi nyama zamu dondo, ndi viyuni vya mude, ndi vithu vyakukwaŵa pasi. Ndipo nkhabwanganduwanga uta, lipanga ndi nkhondo mu charu ndi nkhamugonekanga kwakufwasa.

Ezekiele 39:22

Nyumba yaku Yisraele yikaziŵanga kuti Ine ndine Ambuya Chiuta wawo, kutuwa pa zuŵa liya mpaka kunthazi.

1 Petro 5:5

Mwaŵamanako, kwakulingana, therani ku ŵara. Ndipo mose ku ŵanyinu mujichinyiriye ndi kujiyuyuwa mtima, pakuti, “Chiuta wamikana ndi ŵakujana, kweni wapaska wezi ku ŵakujiyuyuwa.”

2 ŴaKorinte 10:17

“Ndikweni yo ngwakutumbwa, watumbwiye mu Mbuya.”

2 ŴaKorinte 10:5

chifukwa tibwanganduwa zimphindanu ndi chiguŵisku chose chakujitumphuska kumikana ndi mziŵiru waku Chiuta, ndikuto ghanaghano lose kuligumizgiya mu umkoli waku mvwiyu waku Kristu,

Luka 18:14

Ndikuneniyani, wangusikiya uyu wakurunjiskika ku nyumba yake, kwakuruska yuwa; pakuti yose wakujikuzga wayuyulikenge; kweni wakujiyuyuwa wakuzgikenge.”

Zekariya 9:16

Ndipo mu zuŵa lo, Ambuya Chiuta wawo waŵataskenge chifukwa ndi mskambu wa ŵanthu ŵake; nge ndi mya yakuzirwa ya mphumphu wakang'animanga mu charu chake.

Zefaniya 3:16

Mu zuŵa lo kukambikenge ku Yerusalemu kuti, “Ungopanga, iwe Zioni; manja ghako ghareke kulopwa.

Zefaniya 3:11

“Mu zuŵa lo kuti ulengeskekenge cha, chifukwa cha nchitu zako zakundigarukiya, chifukwa penipo ndituzgengeko mukati mwako, ŵeniwo ŵakondwa ndi kujikuzga kwako, kuti ŵajithamiyenge so cha mu phiri langu lakupaturika.

Mika 5:10

Ndipo mu zuŵa lo, atiti Ambuya, nkhadumuwanga ŵakavalo mukati mwako, ndipo nkhabwanganduwanga magareta ghako;

Obadiya 1:8

Kumbi mu zuŵa lo ndirekenge, atiti Ambuya, kuparghang'a ŵavinjeru ŵaku Edomu, ndi ŵazeru mu phiri laku Esau?

Amosi 9:11

“Mu zuŵa lo ndamuyuska msasa waku Davidi wo ukuwa ndi kulongoso madangazi ghake; ndi kuyuska vyakubwanganduka vyake, kuwuzenga so nge ndi mu mazuŵa ghakali;

Yoele 3:18

“Ndipo mu zuŵa lo mapiri ghanthonenge vinyo mufya, ndi tumapiri tutaŵarenge mkaka, ndi tumisinji tose twaku Yuda twendenge maji; ndipo chisimi chibwibwitukenge kutuliya ku nyumba ya Ambuya chamdiriya dambo la Shitimu.

Hoseya 2:21

Ndipo mu zuŵa liya, atiti Ambuya, nkhamukanga machanya ndi machanya ghamukenge charu chapasi.

Hoseya 2:16

“Ndipo mu zuŵa lo,” atiti Ambuya, “ukandidananga kuti, ‘murumi wangu,’ kuti wazakumdina so cha kuti ‘Bala wangu.’

Ezekiele 39:11

“Mu zuŵa liya ndipaskenge Gogi malo gha masano mu Yisraele, Dambo la Ŵamwenda-nthowa ku vuma kwa nyanja, ghakajaranga ŵakwenda chifukwa kwenikuwa ndiko ŵakaŵikikanga Gogi pamoza ndi nkhondo yake yose, viyo likadanikanga Dambo laku Hamoni-Gogi.

Ezekiele 38:19

Chifukwa mu sanji yangu ndi mukukore kwa ukari mwangu ndikamba kuti, Pa zuŵa leniliya kukaŵangapo kuyaghayika kukuru mu charu chaku Yisraele;

Ezekiele 38:14

“Chifukwa cho, mwana wa munthu chima munene Gogi, Viyo atiti Ambuya Chiuta: Pa zuŵa liya po ŵanthu ŵangu ŵaYisraele ŵaja kwakufwasa, iwe ukavuruvundukanga.

Yeremiya 9:24

kweni yo watumbwa watumbwiye mwaku ichi, chakuti wawamo ndi watindiziŵa ine, kuti ndine Ambuya akuchita chifundu, cheruzgu ndi urunji mu charu, pakuti mu vinthu ivi ndimu ine ndikondwere, atiti Ambuya.”

Yesaya 52:6

Chifukwa ichi ŵanthu ŵangu ŵakaziŵanga zina langu: mu zuŵa liya ŵakaziŵanga kuti ndine ndikamba; ndine nde pano.”

Yesaya 37:23

“ ‘Njani mweniyo wayeya ndi kulambwaza? Mphaku yani po wasoske mazu ghako ndipo wasoskiyapo maso ghako ndi kujikuzga? Mpha Mtuŵa Yumoza yo waku Yisraele!

Yesaya 30:23

Ndipo akapaskanga vuwa pa mbutu yo mumija pa nyata, ndi vyakurgha, vyakume mu nyata, vyo vikaŵanga vyakunozga ndi vyakuzara. Mu zuŵa liya viŵetu vinu vikarghanga mu vipozwa vikuru;

Yesaya 29:18

Mu zuŵa liya ŵamgota ŵakavwanga mazu gha buku, ndipo kutuwa mu munkhorwe wawo ndi mu mdima maso gha ŵachiburumutiya ghakalereskanga.

Yesaya 28:5

Mu zuŵa liya Ambuya ŵa maŵanja akaŵanga chilemba cha ufumu cha unkhankhu, chifuku cha ufumu cha kutowa, ku ŵanthu ŵake ŵakujapo;

Yesaya 26:1

Mu zuŵa liya sumu iyi yikambikanga mu charu chaku Yuda: “Tendi muzi wakukho; wamika utaski nge ndi malinge ndi lisitu.

Yesaya 25:9

Kukanenekanga mu zuŵa leniliya, “Ehe, uyu ndi Chiuta widu, tamulindizganga, mwakuti watitaske, Yaŵa mba Mbuya; taŵalindizganga, tiyeni tikondwe ndi kusekere muutaksi wawo.”

Yesaya 12:1

Mwazamukamba mu zuŵa liya: “Ndiwongenge imwe, Ambuyamwe, chifukwa chingana mungundikaripiya, ukari winu watuwapo, ndipo sono mwandisangaruska.

Yesaya 4:1

Ndipo ŵanthukazi ŵankhonde ndi ŵaŵi ŵakakonga munthurumi yumoza mu zuŵa leniliya, ŵamkuti, “Tikarghanga kurgha kwaku taŵeni ndi kuvwara saru zakutaŵeni kweni zomera kuti tidanike ndi zina lako, tuzgapo soni paku ifwe.”

2 ŴaTesalonika 1:10

wachiza mkankhuskikiya mu zuŵa liya mu ŵakupaturika ŵake, ndi kurumbika mwaku wose ŵakuvwana (pakuti chinguvwanika chisimisimi chidu chakwaku imwe).

2 Samuele 22:28

Imwe mukataskanga ŵanthu ŵakuyuyulika, kweni maso ghinu ghe pa ŵakujikuzga kuŵasiskiya pasi,

Sumu 20:8

Iwo ŵabwanthuskikenge ndi kuwa pasi; kweni ifwe tikayukanga ndi kuma chiliri.

Sumu 46:10

“Jani chete, ndipo ziŵani kuti ine ndine Chiuta. Ndikutumphuskika mukati mu mitundu, ndikutumphuskika mu charu chapasi!”

Nthanthi 30:13

Ŵalipo ŵeniwo manyi maso ghawo ngatali uli, manyi nkhope zawo zitali uli!

Yesaya 23:9

Ambuya ŵa maŵanja ndiwo akuchighanaghana ichi, ku fipiska kujikuzga kwa unkhankhu wose, kuyeya ŵakutumbikika ŵa charu chapasi.

Yesaya 30:18

Chifukwa cho Ambuya alindizga kuŵa namwe ndi wezi; ndicho chifukwa ŵatijikuzgiya kurongo lisungu paku imwe. Pakuti Ambuya ndi Chiuta wacheruzgu chirunji; mbakutumbikika wose wo ŵalindizga iwo.

Mika 2:3

Chifukwa ichi, viyo atiti Ambuya: Ndirunguruka chiheni kumikana ndimbumba iyi, kwaku chenicho kuti muziŵa kuwezgako masingo ghinu cha; ndipo kuti mukayendanga kwakujikuzga cha, pakuti yikaŵanga nyengo ya uheni.

Sumu 18:28

Inya, imwe mukozga nyali yangu; Ambuya Chiuta wangu wangweruska mdima wangu.

Sumu 46:11

Ambuya ŵa maŵanja we pamoza nafwe; Chiuta waku Yakobe nchakudingang'amo chidu.

Sumu 94:2

Ndimwe mweruzgi wa ŵanthu wose, Yukani, paskani ku ŵakujikuzga cho nchakuŵenere!

Nthanthi 16:5

We yose mweniyo ngwakujikuzgangwa ukazuzi ku Ambuya; ziŵiska kuti warekenge kulangika cha.

Yesaya 10:12

Penipo Ambuya atakuti ŵamara nchitu yawo yose pa phiri la Zioni ndi pa Yerusalemu akalanganga kujikuzga kukuru kwa karonga wa Asiriya ndi kujikwezga kwake.

Yesaya 14:15

Kweni wasiskikiya pasi ku muunda, ku ndimba ya Zenje.

Yesaya 40:23

mweniyo wasanduska ŵana ŵa ŵakaronga kuŵa ŵaŵakaŵaka, ndipo wasanduska ŵeruzgi ŵa charu chapasi kuŵa kanthu cha.

Yeremiya 12:9

Ŵanthu ŵangu ŵandiŵiya uli nchiyuni chakuŵaraŵata chakuko vinyake? Viyuni vyakuko vinyake vituŵatinkha kwakuzunguliya kose kose? Rutani, danani nyama zose zamu dondo ziungane; muze nazo kuzachiparuwa.

Danyele 4:34

Pa umari wa mazuŵa, ine Nebukadanezara, ndinguyinuskiya maso ghangu kuchanya, ndipo zeru zangu zinguweremu. Ndingutumbika Wapachanya Limu, ndingumuthamika ndi kumukankhuska mweniyo wajaririya muyaya: chifukwa muwusu wake ndi muwusu wambura kumara, ndipo ufumu wake ujaririya ku migonezi;