Yesaya 19:2 - Tonga Bible 1986

² Ndikakhuwizganga ŵaEgipiti pa ŵaEgipiti, ndipo ŵakabayananga, mwana ndi mwana munyake munthu yose ndimzengezgani wake, muzi pa muzi unyake, ufumu pa ufumu unyake;

Yesaya 19:2 Referans Kwoze

Ŵeruzgi 7:22

Penipo ŵanthu machumi pe chumi ghatatu (300), ŵangumba mbata zo Ambuya anguchitiska kuti lipanga la munthu yose lingulasa munyake kuzunguliya ugoŵi wose; ndipo liŵanja la nkhondo linguthaŵa kwachifika ku Beteshita kurata ku Zerera, kwachifika ku mphaka ya Abele-mehola, pafupi ndi Tabata.

1 Samuele 14:20

Ndipo Sauli ndi ŵanthu wose wo ŵenga nayo ŵanguwungana ndi kuruta ku nkhondo; ndipo lipanga la munthu yose lingumikana ndi munyake, ndipo kwenga chimutimbaheka chikuru ukongwa.

Mateyu 10:36

ndipo ŵamawongu ŵa munthu ŵaŵenge ŵamunyumba yake.

Mateyu 12:25

Kweni Yesu, pakuziŵa marunguruku ghawo, wanguti kwaku wo, “Ufumu wose wakugaŵikana paku wija upopeskeka; ndipo muzi wose pamwenga nyumba yakugaŵikana paku yija, kuti yingama cha,

Mateyu 10:21

Ndipo mbali wapachiyenge mbali ku nyifwa, ndi wiske mwana: ndipo ŵana ŵayukiyenge pa ŵapapi, ndi ŵaŵabayiskenge.

Ezekiele 38:21

Ndikadananga chakofya cha mtundu we wose kulimbana ndi Gogi, atiti Ambuya Chiuta; lipanga la munthu yose likamikananga ndi mbali wake.

Yesaya 9:21

Manase waturgha Efraimu, Efraimu waturgha Manase, ndipo wose pamoza ŵatinkha Yuda. Mu chifukwa ichi chose, kukara kwake kuti kwarata kunyake cha ndipo janja lake leche kutambaruka.

1 Samuele 14:16

Ŵalonda ŵaku Sauli pa Gibea waku Benjamini pakulereska; ŵanguwona mzinda umbininika uku ndi uku.

Ŵeruzgi 9:23

Ndipo Chiuta wangutuma mzimu uheni pakati paku Abimeleke ndi ŵanthu ŵamu Shekemu; ndipo ŵanthu ŵamu Shekemu ŵanguchita nayo kwakupusika Abimeleke;

Mateyu 24:7

Chifukwa mtundu uyukiyenge pa mtundu, ndi ufumu pa ufumu: ndipo viŵengepo vilala ndi viyeuyeu mu malo ndi malo;

Yeremiya 46:12

Mitundu yikuvwa gha chilengesku chako, ndipo charu chapasi chazaza ndi kuliya kwako; pakuti wankhondo waguŵa mu wankhondo; wose ŵaŵi ŵawiya pamoza.”

Yeremiya 51:46

Ureke kulakatuka mtima winu, ndipo mungaŵanga ŵakopa cha pa makani gho ghavwika mu charu, po makani ghatuza pa chirimika chimoza pavuli pake makani mu chirimika chinyake, chivurupi che mu charu, ndipo mweruzgi uyu wayukiya mweruzgi yuwa.

Zekariya 8:10

Chifukwa ghandafike mazuŵa gha kwengavi mphoto ku munthu pamwenga mphoto yose ku chakuŵeta, pamwenga wakutaskika ku murwani kwaku yo wangutuwa pamwenga wangusere; chifukwa ndinguŵika munthu yose kulimbana ndi mwanase wake.

1 ŴaKaronga 16:21

Sono ŵaYisraele ŵangugaŵikana vigaŵa viŵi, chigaŵa chimoza chingurondo Tibini mwana waku Ginati, kumumika kuŵa karonga, chigaŵa chinyake chingurondo Omri.

2 Mikoka 15:6

Wangupasurana, mtundu ungupasuwa mtundu unyake, msumba ungupasuwa msumba unyake chifukwa Chiuta wanguŵasuzga ndi chisuzgu che chose.

Yesaya 3:5

Ndipo ŵakayuzgananga uyu ndi munyake, munthu yose pa munyake we yose pa mwenasi wake; ŵanyamata wakaŵanga ŵa mwanu ku ŵara, ndi ŵa pasi ku ŵanthu ŵakuzirwa.

Marko 3:24

Asani ufumu ungagaukana mwaku wija, kuti ngwanthazi ku ufumu wo cha.