Yesaya 19:16 - Tonga Bible 1986

¹⁶ Mu zuŵa liya ŵaEgipiti ŵakaŵanga uli mbanthukazi, kutenthema ndi mantha paurongo pa janja lo Ambuya ŵa maŵanja akasukuniskiyanga paku iwo.

Yesaya 19:16 Referans Kwoze

Nahumu 3:13

Ehe, ŵankhondo ŵako mbanthukazi mukati mwako. Malikomo gha charu chako ghe mwazi ku ŵarwani ŵako; moto wawocha mipilingizgu yako.

Yeremiya 51:30

Ŵankhondo ŵa Babiloni ŵakureka kurwa, ŵaja mu malinga ghawo; nthazi yawo yatondeka, ŵasanduka ŵanthukazi; nyumba zake zitufya ndi moto, visulo vyake vyafyoka.

Yeremiya 50:37

Lipanga pa ŵakavalo ŵake ndi pa magareta ghake, ndi pa maŵanja ghalendo gha nkhondo gha mukati mwawo, mwakuti ŵaŵe ŵanthukazi! Lipanga pa vyuma vya wo vyose, alinga kuti ŵakwamphulike!

Yesaya 11:15

Ndipo Ambuya akamariyanga limu lilime laku nyanja ya Egipiti; ndipo wakazungung'anga janja lawo pa Msinji ndi mphepo yawo yakocha, kuwukoso mu ngalonde zinkhonde ndi ziŵi alinga kuti ŵanthu ŵambukenge pa yumu.

Zekariya 2:9

“Ehe, sono ndisukung'iskenge janja langu pachanya pawo; ndipo ŵakaŵanga miskowo kwaku wo ŵatuŵateŵete. Viyo muziŵenge kuti Ambuya ŵa maŵanja andituma.

Yesaya 10:32

Zuŵa lenili ili wakamanga pa Nobo, wakasukuniskanga nkhonyu yake pa phiri lamu Zioni, mtunthu wa Yerusalemu.

ŴaHebere 10:31

Nkhwakofya kuwa mu manja ghaku Chiuta wamoyo.

Yesaya 30:17

Chikwi cha ŵanthu chikathaŵanga pa kofya kwa yumoza, pa ŵakofya ŵankhonde mukathaŵanga, mpaka po mwambininika uli ndi mulongoti wa mbendera pachanya pa phiri, uli ndi mbendera pa kamtunthu.

Sumu 48:6

chitenthe chinguŵako penipa, urwirwi nge ngwamunthukazi pakupapa.

1 ŴaKorinte 2:3

Ndipo ine ndinguŵa kwinu mu unthomboru, mu chopu, ndi mu chitenthe chikuru.

2 ŴaKorinte 5:11

Viyo pakuziŵa wofi wa Ambuya tichichizga ŵanthu, kwani ifwe mo tiliri tawoneka kwaku Chiuta; ndipo ndigomekezga kuti tawoneka mu njuŵi zinu so.

Yesaya 13:2

Kwezgani mbendera pa phiri la mtetete, bongoni ukongwa kwaku iwo, muŵacheuliye janja kuti ŵasere pa malikomo gha ŵakuzirwa.

Chituwa 11:6

Ndipo kukaŵanga maliro ghakuru mu charu chose cha Egipiti ghenigho ghalivi kuŵapo kale, chingana nkhuti ghakaŵangapo so cha.

Obadiya 1:9

Ndi vinkhara vinu vimarenge nthazi, owe Temana, viyo kuti munthu yose waku phiri laku Esau wadumulike ndi kubayika.

Zekariya 2:13

Jani chisisi, mwa ŵanthu mose panthazi pa Ambuya, chifukwa ayuka mu malo ghawo ghakupaturika ghakujamo.

Zekariya 10:11

Ndipo ŵaporotenge mu nyanja ya charu cha Egipiti, ndi mayigha gha nyanja ghamupumika ndipo ndimba zose za msinji Nile ziphwenge. Ndipo kujikuzga kwa Asiriya kusiskikiyenge pasi, ndipo ndodo ya ukaronga waku Egipiti yituwengeko.