Yesaya 18:3 - Tonga Bible 1986

³ Imwe mose mwa ŵakuja mu charu chapasi, imwe ŵakuja pa charu, asani mbendera yakwezgeka pa mapiri, lereskani! Asani mbata yambika, vwani!

Yesaya 18:3 Referans Kwoze

Yesaya 5:26

Akayuskanga chiziŵisku ku khamu la kutali ukongwa, akalimbiyanga kayuzi kutuwa ku umari wa charu chapasi; ndipo ehe, mwa ruŵiruŵi, kwambura kuswera likazanga!

Yesaya 26:11

Ambuya, janja linu lasoskeka, kweni kuti ŵatiliwona cha. Ŵarekeni ŵawone mwamphu winu pa ŵanthu ŵinu ndi ŵachiti soni. Moto ŵakupindikana ŵinu uŵamare.

Mateyu 13:16

“Kweni ngakutumbikika maso ghinu, pakuti ghalereska; ndi makutu ghinu, pakuti ghapulikizga.

Mateyu 13:9

Wakuŵa ndi makutu yo, wavwe.”

Zekariya 9:14

Viyo Ambuya awonekenge pachanya pawo, ndipo muvwi wawo utewenge nge ndi limphezi; ndipo Ambuya Chiuta wambenge mbata ndi kwenda mu ŵakavuruvuru ŵaku mwera.

Mika 6:9

Mazu gha Ambuya ghadanirizga ku msumba ndipo ndi vinjeru vyamampha kopa zina linu: “Vwani, mwa fuku ndi mwakuwungana mu msumba!

Mika 6:2

Vwani, imwe mwamapiri, suskanu ya Ambuya, ndi imwe viŵanja vyakukho vya charu chapasi; pakuti Ambuya ŵe ndi suskanu ndi ŵanthu ŵawo, ndipo akamikananga ndi Yisraele.

Yeremiya 22:29

Owe wa charu, charu, charu, ivwa mazu gha Ambuya.

Yesaya 13:4

Avwani, chiwawa pa mapiri, uli ncha chimpingu chikuru! Avwani, chimtimbaheka cha maufumu, cha mitundu yakuunjikana pamoza! Ambuya ŵa maŵanja aungang'a liŵanja la nkhondo.

Yesaya 13:2

Kwezgani mbendera pa phiri la mtetete, bongoni ukongwa kwaku iwo, muŵacheuliye janja kuti ŵasere pa malikomo gha ŵakuzirwa.

Yesaya 7:18

Mu zuŵa liya Ambuya akambiyanga kayuzi nyeze yo ye pa funda la tumisinji twa mu Egipiti, ndi akambiyanga njuchi yo yemu charu cha Asiriya.

Yesaya 1:2

Vwani, mwa machanya mwe, tegherezga gutu, wa charu chapasi; pakuti Ambuya akamba: “Ŵana wo ndahiŵa ndi kuŵakuzga, kweni ŵandigarukiya.

Sumu 50:1

Wanthazi zose, Chiuta Ambuya, warongoro wadana charu chapasi kutuwa ku utuli wa lumwi mpaka ku kuselere kwake.

Yesaya 31:9

Jarawe lake likarutanga mu chofyo, ndipo nduna zake zikayithaŵanga mbendera mu mantha,” atiti Ambuya, wo moto wawo wemu Zioni, ndi ng'anjo yawo ye mu Yerusalemu.

Yesaya 49:22

Viyo atiti Ambuya Chiuta: “Ehe, ndikasoskiyanga janja langu ku mitundu, ndi kusoska mbendera yangu ku ŵanthu; ndipo wakazanga ndi ŵana ŵako ŵanthurumi mu vifuwa vyawo, ŵana ŵako ŵanthukazi ŵakanyamulikanga pa mapheŵa ghawo.

Yeremiya 51:27

“Umike mbendera pa charu chapasi, mbanga mbata mukati mu mitundu; rongoso mitundu kwachichita nkhondo ndi iyo, umudaniye maufumu, Ararati, Mini, ndi Ashikenaza; umikepo nduna yikuru paku iyo, uze ndi ŵakavalo nge ndi zombe wa nja.

Mika 1:2

Vwani imwe mwa ŵanthu mose; tegherezga wa charu ndi vyose vyo vye mwenimo; rekani Ambuya Chiuta waŵenge kaboni wakususka imwe, Ambuya mu kasopi wawo wakupaturika.

Yesaya 11:12

Wakasoskiyanga mbendera pa mitundu, wakaunjikanga pamoza wakutayika waku Yisraele, ndi kuunjika ŵakuparghang'ika ŵaku Yuda kutuwa ku visongo vinayi vya charu chapasi.