Yesaya 16:4 - Tonga Bible 1986

⁴ ŵarekeni ŵakudikika ŵaku Moabu ŵajendiyenge mukati mwinu; ku ŵakuwabaya muŵe chakubisamamo chawo. Asani wakuyuzga kuti walipo so cha, ndipo kubaya kwamara, ndipo yo wapwatiya pasi ndi phazi watuwamo mu charu,

Yesaya 16:4 Referans Kwoze

Yesaya 14:4

mukakambanga yagha pakuwera karonga wa Babiloni, “Wamara wakusuzga yo, ukari wa nkhaza wamara!

Malaki 4:3

Mukandirizgiyenge pasi ŵaheni, pakuti ŵakaŵanga nge ndi choto kusi ku maphazi ghinu, mu zuŵa lo ndamuchitiya ichi, atiti Ambuya ŵa maŵanja.

Yesaya 51:13

ndipo waruwa Ambuya, Mlengi wako, mweniyo wangutambaruwa machanya, ndi wangujarika viŵanja vya charu chapasi, ndipo mantha gharutiriya msana wose chifukwa cha ukari waku yo wasuzga pa wakhumba kuparang'a? Kumbi ukari wa wakusuzga wepani?

Yesaya 9:4

Pakuti gori la mphingu yake, ndi katundu wapa pheŵa lake, ndodo ya wakumusuzga iyo, imwe mwafyo ulaka mpha zuŵa liya laku Midiani.

Chivumbuzi 11:2

Kweni luluwa lakubwaro ku kasopi ulisiye, ungalipimanga cha; chifukwa likupaskika mu mitundu: ndipo musumba wo wakupaturika ŵakawuphwatiyanga pasi myezi machumi ghanayi ndi yiŵi.

Luka 21:24

Ndipo ŵanyake ŵabayikenge ndi uyi wa lipanga, ndi ŵanyake ŵakorekenge nge mbamagoŵa ku mitundu yose, ndipo Yerusalemu waŵenge wakuphwatika ndi Mitundu, mpaka zifiskikenge nyengu za Mitundu.

Zekariya 10:5

Ndipo pamoza ŵakaŵanga nge vinkhara vya nkhondo, ŵakukandirizgiya pasi ŵarwani ŵawo mu mawulambwe gha miseu; ŵapotenge chifukwa Ambuya ŵe nawo. Ndipo ŵakamaranga ŵakukwera pa kavalo.

Yeremiya 48:18

“Sikiya pasi kutuwa ku unkhankhu wako, uje pasi pa kufunda, iwe wakuja mu Diboni! Pakuti wakubwanganduwa Moabu waza paku iwe; wabwanganduwa malinga ghako.

Yeremiya 48:8

Wakupasuwa yo wakazanga pa msumba we wose, paulengevi msumba wakupozomoka; dambo likamaranga, chifya chikaphwanyikanga, nge ndimo akambiya Ambuya.

Yeremiya 21:12

wa nyumba yaku Davidi! Atiti viyo Ambuya: Chitani cheruzgu chirunji ndi mlenji, ndipo umutaske ku janja la wakumukandirizga yo wakwamphulika vyake, vinu ukari wangu ungatuwa uli ndi moto, ndi kocha, po paulengevi wakuwuzimwa, chifukwa cha machitidu ghinu ghaheni.’ ”

Yesaya 33:1

Soka lo, wakubwanganduwa we, iwe wamweni kuti wabwanganduka cha; wakuchita chiŵembu we, kweni iwe palivi yo wakuchitiya chiŵembu! Utakuti wamara kubwanganduwa, iwe nawe ukabwangandurikanga; ndipo penipo wamara kuchita vya chiŵembu, iwe nawe kukachitikiyanga chiŵembu.

Yesaya 25:10

Pakuti janja la Ambuya likapumuwanga pa phiri ili, ndipo Moabu wakapwatikiyanga pasi mu malo ghake, uli ndimo uteka upwatikiya pasi mu zenje la ndowa.

Yesaya 15:6

Maji ghamu Nimrimi ndi phasulu, uteka wamira, chipozwa chitondeka kume, nyata kuti yiripu so cha.

Marangu 24:14

“Mungayuzganga mteŵeti wakurembereka mweniyo ndi mukavu ndi musauchi, manyi njumoza wa ŵabali ŵinu pamwenga yumoza wa ŵalendo ŵeniwo ŵemu charu chinu mukati mu mizi yinu.

ŴaRoma 16:20

Ndipo Chiuta iyo wa chimangu waphwanyiyenge Satana ruŵi kusi ku marwayo ghinu. Wezi wa Ambuyafwe Yesu Kristu uŵe manwe.

Zekariya 9:8

Viyo ndizengenge msasa ndi kuja pa nyumba yangu nge ndi mlonda, kuti munthu wareke kwenda uku ndi uku; ndipo kuwulevi wakuŵasuzga, kuŵapofya, chifukwa sono ndiwona ndi maso ghangu.

Yesaya 49:26

Ndikaŵachitiskanga ŵakukuyuzga ŵako kurgha nyama ya ŵeneko, ndipo ŵakaloŵenga ndopa za ŵeneko nge ŵaloŵe vinyo. Sono nyama yose yikaziŵanga kuti ndine Ambuya Mtaski wako, Muwombozi wako, Chilimbi Yumoza yo waku Yakobe.”

Yesaya 54:14

Ukajarikikanga mu urunji, ukaŵanga kutali kukuyuzgika, pakuti kuti ukawopanga cha; ndi ku chakofya, pakuti kuti chikazanga kufupi nawe cha.

Yesaya 58:7

Kumbi asi nkhusangana chakurgha ndi wa nja, ndi kutole ŵasauchi ŵambura nyumba mu nyumba yinu; asani muwona wankhuli kumuvwalika, kureka kujibisa mwaŵeni ku mwanasi winu?

Yeremiya 40:11

Kwakukozgana so, penipo ŵaYuda wo ŵenga mu Moabu ndi mukati mu Amoni ndi mu ŵaEdomo ndi mu vyaru vinyake ŵanguvwa kuti karonga wa Babiloni wakusiyamo ŵanyake mu Yuda ndi kuti wakumika Gedaliya mwana waku Ahikamu, mwana waku Shafani kuŵa mumirizi paku iwo,

Obadiya 1:14

Ndipo mphanyi kuti unguma mu nthowa cha kubaya ŵake wo ŵathaŵanga; pamwenga kuti, mphanyi ungupereka cha wo ŵangujapo mu zuŵa la suzgu.