Yesaya 16:12 - Tonga Bible 1986

¹² Ndipo penipo Moabu watijirongo, wachijivuska pa malo gha visopo, penipo watuza ku nyumba yake yakupaturika kuzachiromba, kuti wanduwengepo kanthu cha.

Yesaya 16:12 Referans Kwoze

Yesaya 15:2

Ŵanthu ŵaku Diboni ŵakwere ku malo gha visopo kwachitenje, paku Nebo ndi paku Medeba, Moabu watenje. Pa mutu wose pe phara, mwembe wose wameteka,

Yeremiya 48:35

Ndipo ndikamaranga mu Moabu, atiti Ambuya, yo wapereka sembe mu malo gha pachanya ndi watocha vyachema kwaku chiuta wake.

1 ŴaKaronga 18:29

Unguti waruta msana pakati, ŵangurutiliya kujikweŵeska mpaka nyengo yakupereke visopo, kweni kwengavi limazu; pengavi yumoza wangwamuka, pengavi yo wanguphwereko.

Maŵerengedu 23:28

Viyo Balaki wangutole Balamu pachanya pa Peoro po palereskana ndi bozwa.

Maŵerengedu 23:14

Ndipo wangumotore ku lisuwa la Zofimi, pachanya pa Pisiga, ndipo ŵanguzenga majochero gha sembe ghankhonde ndi ghaŵi, ŵangupereka nkhuzi yimoza ndi bira yumoza pa jochero le lose.

Maŵerengedu 22:39

Sono Balamu wanguruta ndi Balaki, ndipo ŵanguza ku Kirata-huzoto.

Yeremiya 48:46

Owe soka kwaku iwe, Moabu we! Ŵanthu ŵamu Kemoshi mbakunangika; chifukwa ŵana ŵinu ŵanthurumi ŵakoreka umkoli, ŵana ŵinu ŵanthukazi ŵaruta ku uŵanda.

Yeremiya 48:13

Sono Moabu wakalengeskekanga kwaku Kemoshi, nge ndimo nyumba yaku Yisraele yingulengeskeke kwaku Betele, gomezgu lawo.

Yeremiya 48:7

Chifukwa mungugomezga mu malinga ghinu ndi mu chuma chinu, imwe namwe mukatolekanga; ndipo Kemoshi wakarutanga ku umkoli, ŵazukuru ŵake ndi mafumu ghake.

Yeremiya 10:5

Ŵangoza ŵawo ŵakozgana ndi vyakudikiya tuyuni vyakumikika mu munda wa vipasi, ndipo kuti ŵaziŵa kurongoro cha; ŵachita kunyamulika pakuti kuti ŵangenda cha. Mungaŵawopanga cha, pakuti kuti ŵangachita chiheni cha, pakuti nanga khuchita umampha nako mulivi mwawo.”

Yesaya 47:13

Wavuka ndi fundu zako zinandi; ŵareke ŵame ndi ŵakutaske ŵeniwo ŵagawa machanya, wo ŵalereska pa nyenyezi, wo pa liŵali la mwezi ŵaloska chenicho chikakuŵiyanga.

Yesaya 37:38

Ndipo penipo wasopanga mu nyumba yaku Nisiroki chiuta wake, Adrameleke ndi Sharezara, ŵana ŵake, ŵangumubaya ndi lipanga, ndipo ŵanguthaŵiya mu charu cha Ararati ndipo Esarahadoni mwana wake wanguusa mu malo ghake.

Yesaya 26:16

Ambuya mwe, mu suzgu ŵangukupenjani, ŵangupereka rombu, penipo likhwechu linu lenga paku iwo.

Nthanthi 1:28

Pa nyengo yo ŵakadananga kwaku ine; kweni kuti ndamukenge cha: ŵakandipenjanga kwarwana kweni kuti ŵakandibowozganga cha.

2 ŴaKaronga 19:12

Kumbi ŵachiuta ŵa ŵamitundu ŵakuyitaska mitundu yo ŵada ŵakuphwanya, Gozani, Harani, Rezefa, ndi ŵanthu ŵaEdeni wo ŵenga mu Telazara?

2 ŴaKaronga 3:27

Sono wanguto mwana wake mura mweniyo watinge wawusenge mu malo ghake, wangumupereka kuŵa sembe yakocha pachanya pa linga. Ndipo kunguza ukari ukuru paku Yisraele, ndipo ŵangutuwako kwake ndi ŵanguwere ku charu chawo.

1 ŴaKaronga 11:7

Solomoni wanguzenge Kemoshi ukazuzi waku Moabu malo gha pachanya, ndi Moleki ukazuzi wa ŵina Amoni pa phiri kuvuma kwa Yerusalemu.

Maŵerengedu 24:17

nditumuwona, kweni sono cha; nditumlereska, kweni pafupi cha: nyenyezi yikatuliyanga mwaku Yakobe, ndipo ndodo ya ufumu yikayukanga mwaku Yisraele; yikaphwanyanga pa maso paku Moabu, ndi kuswa ŵana ŵanthurumi wose ŵaku Seti.

Maŵerengedu 22:41

Ndipo ndi mlenji Balaki wanguto Balamu wangukwere nayo ku Bamoto-Bala; penipo Balamu wanguwona ŵaYisraele umampha.

Maŵerengedu 21:28

Chifukwa moto ungutuwa mu Heshiboni, mlipu wa moto kutuliya mu msumba waku Sihoni, ungocha Ara waku Moabu ŵakaronga ŵamu mitunthu yaku Arnoni.

Yesaya 16:13

Yagha ndi mazu gho Ambuya angukamba paku Moabu mu, nyengo yaruta.