Yesaya 15:2 - Tonga Bible 1986

² Ŵanthu ŵaku Diboni ŵakwere ku malo gha visopo kwachitenje, paku Nebo ndi paku Medeba, Moabu watenje. Pa mutu wose pe phara, mwembe wose wameteka,

Yesaya 15:2 Referans Kwoze

Yeremiya 48:1

Gha paku Moabu. Viyo atiti Ambuya ŵa maŵanja, Chiuta waku Yisraele: “Soka kwaku Nebo, pakuti wapasuka! Kiriataimu walengeskeka wapundika: linga lalengeskeka ndi labwangandukiya pasi:

ŴaLevi 21:5

Wareke kumeta chimbembezuli pa mutu yawo, chingana nkhumetere kurwandi myembe yawo, chingana nkhutema simbo ya maliŵavu ghawo.

Yeremiya 48:18

“Sikiya pasi kutuwa ku unkhankhu wako, uje pasi pa kufunda, iwe wakuja mu Diboni! Pakuti wakubwanganduwa Moabu waza paku iwe; wabwanganduwa malinga ghako.

Yesaya 3:24

Mu malo gha vyachema mukaŵanga vya kuvunda; ndipo mu malo mwa lamba, mukaŵanga luzi, mu malo mwa sisi lamampha lakupesa, phara; ndipo mu malo mwa munjirira wakuzirwa, muŵenge chizombezga cha chigudulu; mu malo ghakusangaruka, muŵenge soni.

Marangu 34:1

Ndipo Mosese wangukwera kutuwa ku madambo ghaku Moabu kuya ku phiri Nebo, pachanya pa Pisiga lo lithyana ndi Yeriko, ndipo Ambuya angumurongo charu chose, Gileada kwachifika kwaku Dani,

Maŵerengedu 21:30

Viyo migonezi yawo ya pavuli yingumariya limu kutuwa ku Heshiboni kurutiliya mpaka ku Diboni, ndipo tingupasuwa mpaka po moto ungusapaliya ku Medeba.”

Ezekiele 7:18

Ŵatijivwarika vigudulu mu chiunu, mantha ghati ŵabenekere; soni ze pa visku vyose, ndi phara pa mitu yawo yose.

Yeremiya 48:31

Chifukwa cho nditenjere Moabu; ndiriliya Moabu yose; ŵanthurumi ŵaku Kiriherese nde nawo ndi chitima.

Yeremiya 47:5

Phala laza paku Gaza, Ashikeloni wamara. Mwaŵakusiyikamo ŵa Anakimu mwe, mpaka zuŵanji mukajitemanga?

Yeremiya 7:29

Sengani sisi linu ndi mulitaye; soskani chitenje pa mapiri, gha majarawi, pakuti Ambuya akana ndi ajowo mgonezi, mu ukari wawo.’

Yesaya 22:12

Mu zuŵa liya Ambuya Chiuta wa maŵanja wangulangula kuliya ndi kutenje, kumeta maphara ndi kuvwara vigudulu;

Yesaya 16:12

Ndipo penipo Moabu watijirongo, wachijivuska pa malo gha visopo, penipo watuza ku nyumba yake yakupaturika kuzachiromba, kuti wanduwengepo kanthu cha.

Yesaya 16:7

Chifukwa ichi Moabu watenje, we yose wenjerwe Moabu. Tenjeni, ŵakupwetekeka ukongwa, chifukwa cha viŵande vyakusazgamo tuvipasi vyaku Kirihareseti.

Yesaya 15:3

mu miseu ŵamanga vigudulu mu chiwunu, pachanya pa zinyumba ndi mu maluluwa we yose watenje, wadira masozi.

Yesaya 14:31

Utenje wa likomo, liya wa msumba, songonokani mu kopa, mwa ŵaFilisti, mose pamoza! Pakuti usi utuwa ku nkhonde, ndipo mulivi wakulimbalimba, mu ŵankhondo ŵake.”

Jobu 1:20

Penipo Jobu wangusoka ndi wanguparuwa munjirira wake ndi wangumeta sisi la mutu wake, ndi kuwa pasi ndi kuromba,

Marangu 14:1

“Ndimwe ŵana ŵa Ambuya Chiuta winu, mungajitemanga, pamwenga kumeta mupara pa maso pinu chifukwa cha ŵakufwa.

Maŵerengedu 32:38

Nebo ndi Bala-meono (mazina ghawo ghakasinthikanga), ndi Sibima; ndipo misumba yo ŵanguzenga ŵanguyidana mazina ghanyake.

Maŵerengedu 32:3

“Ataroto, Diboni, Jazere, Nimara, Heshiboni, Eleale, Sebamu, Nebo, ndi Beoni,

ŴaLevi 13:40

“Asani sisi la munthu lametuka pa mutu wake ndipo we ndi phara pa mutu, ngwakutozgeka.

Maŵerengedu 21:28

Chifukwa moto ungutuwa mu Heshiboni, mlipu wa moto kutuliya mu msumba waku Sihoni, ungocha Ara waku Moabu ŵakaronga ŵamu mitunthu yaku Arnoni.

2 Samuele 10:4

Sono Hanuni wanguto ŵanyamata ŵaku Davidi, wanguŵameta mwembe kurwandi yumoza ndi yumoza, ndi kudumuwa maraya ghawo pakati pa mapheŵa; ndikuŵawezga.

Yeremiya 3:21

Mazu ghavwika pa mapiri ghayumu, kuliya ndi kuŵeyere kwa ŵana ŵaku Yisraele, chifukwa ŵananga nthowa yawo, ŵaruwa Ambuya Chiuta wawo.

Yeremiya 47:2

“Viyo atiti Ambuya: Ehe, maji ghasoka kutuwa ku nkhonde, ndipo ghakaŵanga mweza wakusapatiya: ghakazazanga charu ndi vyose vya mwenimo, msumba ndi ŵeniwo ŵaja mwaku wo. Ŵanthurumi ŵakaliyanga, ndipo yose wakujamo wakatenjenga.

Yeremiya 48:35

Ndipo ndikamaranga mu Moabu, atiti Ambuya, yo wapereka sembe mu malo gha pachanya ndi watocha vyachema kwaku chiuta wake.

Ezekiele 27:31

ŵajimeta maphara chifukwa chaku iwe, kujivwarika vigudulu, ŵaliriya paku iwe mwakuŵaŵa kwa mtima, ndi kutenje kwa kupweteka.

Ezekiele 30:2

“Mwana wamunthu, chima, ukambe kuti, Viyo atiti Ambuya Chiuta: Liya ukongwa, ‘Owe zuŵa lo!’

Amosi 8:10

Ndisanduskenge madghera ghinu kuŵa chitenje, ndi sumu zinu zose kuŵa chitenje; ndivwalikenge viwunu vinu vyose ndi vigudulu, ndi phara pa mutu wose; nkhachichitanga nge nchitenje chapa mwana yumoza pe munthurumi, ndi umari wake nge ndi zuŵa la urwirwi.

1 Mikoka 19:4

Viyo Hanuni wanguto ŵateŵeti ŵaku Davidi ndi wanguŵameta, ndi kucheketa malaya ghawo pakati, mu viwunu vyawo, ndi wanguŵareka kuti ŵarutenge;

Yeremiya 49:3

“Tenje, Heshiboni, we, pakuti Ai wachitika mapopa! Liyani, mwa ŵana ŵanthukazi ŵaku Raba! Jivwarikeni vigudulu, tenjeni, ndi chimbiyani uku ndi uku vivwati vya mphaka! Pakuti Milkomo wakayanga mu umkoli ŵazukuru ŵake ndi mafumu ghake.