Yesaya 15:1 - Tonga Bible 1986

¹ Uchimi wa paku Moabu. Chifukwa Ara wachitika mapopa mu usiku umoza, Moabu wabwanganduka; chifukwa chakuti Kiri wachitika mapopa mu usiku umoza Moabu wabwanganduka.

Yesaya 15:1 Referans Kwoze

Yesaya 11:14

Kweni ŵakakhumukiyanga pa phewa la ŵaFilisti kuchiri ku zambwe, ndipo wose pamoza ŵazamuskoŵa ŵanthu ŵaku vuma. Wazamutambaruliya janja lawo paku Edomu ndi Moabu, ŵina Amoni ŵakaŵavwiyanga.

Maŵerengedu 21:28

Chifukwa moto ungutuwa mu Heshiboni, mlipu wa moto kutuliya mu msumba waku Sihoni, ungocha Ara waku Moabu ŵakaronga ŵamu mitunthu yaku Arnoni.

Yesaya 25:10

Pakuti janja la Ambuya likapumuwanga pa phiri ili, ndipo Moabu wakapwatikiyanga pasi mu malo ghake, uli ndimo uteka upwatikiya pasi mu zenje la ndowa.

Yesaya 16:11

Chifukwa ichi mzimu wangu udandaula nge ndi kaligu paku Moabu ndi mtima wangu paku Kirheresi.

Yesaya 16:7

Chifukwa ichi Moabu watenje, we yose wenjerwe Moabu. Tenjeni, ŵakupwetekeka ukongwa, chifukwa cha viŵande vyakusazgamo tuvipasi vyaku Kirihareseti.

Yesaya 14:28

Mu chirimika cho wangufwiya karonga Ahazi uchimi uwu wunguza;

Yeremiya 9:26

Egipiti, Yuda, Edomu, ŵana ŵaku Amoni, Moabu, ndi wose ŵakuja mu bozwa, ŵeniwo ŵameta makwenthu sisi lawo; pakuti mitundu yose iyi njambura kuchinjika, ndipo nyumba yose yaku Yisraele njambura kuchinjika mu mtima.”

Yesaya 13:1

Uchimi wa paku Babiloni wo Yesaya mwana waku Amozi wangu wona.

2 ŴaKaronga 3:25

Ndipo ŵanguphwanya misumba yo, ndipo pakacharu kose kamampha munthu yose wangupong'apo mya, mpaka kanguwundika; ŵangumizga tuvisima twakubwibwituka twa maji, ndi kudumuliya pasi muti wose wamampha, mpaka penipo yingusiyika mya pe mu Kir-hareseti, ndipo ŵakuzungung'a tumya ŵanguwuzunguliya ndi kuwuthereska.

Marangu 2:18

‘Msana uno mwamujumpha mphaka ya Moabu pa Ara.

Marangu 2:9

“Ndipo tingusoka ndi kwenda nthowa ya bozwa la Moabu. Penipo Ambuya anguti kwaku ine, ‘Mungaŵasuzganga ŵaMoabu, pamwenga kurwa nawo nkhondo, pakuti ndimupaskaningiko charu chawo cha kuti chiŵe chinu, chifukwa Ara ndapaska ŵana ŵaku Loti, chiŵenge chawo.’

Yesaya 25:12

Ndipo utali wa vimati vya malinga ghake akasiskiyanga pasi, kuŵa vifupi, kuvipong'a pasi, ndi ku fuvu viyo.

Marangu 2:19

Ndipo penipo mwafika pafupi ndi ŵaAmoni rekani kuŵasuzga pamwenga kwambana nawo, pakuti ndikupaskeningiko cha charu cha ŵina Amoni kuŵa chinu, chifukwa ndachipereka ku ŵana ŵaku Loti kuŵa chawo ndi chawo.’

Yesaya 16:6

Tavwa gha kujikuzga kwaku Moabu, mwenimo wangujikuzgiya; kujikwezga kwake, kujikuzga kwake, ndi mtafu wake kujithamiya kwake nkhwa utesi.