Yesaya 13:9 - Tonga Bible 1986

⁹ Ehe, zuŵa la Ambuya lituza, likari, la kuŵaŵa ndi kukaripa kwakofya, kuzachichita charu chapasi mapopa, kunanga ŵaheni ŵake kuŵatuzgamo.

Yesaya 13:9 Referans Kwoze

Malaki 4:1

“Chifukwa nadi zuŵa lituza, lakocha nge ndi ng'anjo, penipo ŵakujikuzga wose ndi wose ŵakuchita uheni ŵakaŵanga viswaswa. Zuŵa lo lituza likaŵawochanga, atiti Ambuya ŵa maŵanja, viyo kuti likaŵasiyiyanga nanga ndi musisi pamwenga mphanda cha.

Nahumu 1:6

Ndiyani wangama paurongo pa ukari wawo? Ndiyani waziŵa kukunthiyapo mu chifundizi cha ukari wawo? Ukari wawo upungulika nge ndi moto, ndi majalawi ghasweka ndi iwo.

Yesaya 13:6

Liyani, pakuti zuŵa la Ambuya laŵandika, likazanga nge ndi phasulu la kutuwa ku Wanthazizose!

Nahumu 1:2

Ambuya ndi Chiuta wasanji ndi wakuwezge thayu, ndi wakukaripa, Ambuya awezge thayu pa ŵakupindikana ŵawo, ndipo aŵikiya ukari pa ŵarwani ŵawo.

Sumu 104:35

Ŵaheni ŵaparghang'ike mu charu chapasi; ŵakulakwa kuti ŵaŵemo so cha! Rumbanga Ambuya wa mzimu wangu! Rumbanga Ambuya!

Nthanthi 2:22

kweni ŵaheni ŵakadumulikangako ku charu cho, ndipo ŵakunyenga ŵakazuwikangamo.

Chivumbuzi 18:8

Chifukwa chenichi mu zuŵa limoza vikazanga videru vyake, nyifwa ndi chitenje ndi chilala; ndipo wakafyanga mu moto: chifukwa mbanthazi Ambuya Chiuta, wo atumweruzga.”

Yesaya 9:19

Kutuliya mu ukari wa Ambuya wa maŵanja charu chitufya, ndipo ŵanthu ŵe uli ndi nkhuni za moto; palivi munthu yo wachitiya lisungu mwana munyake.

Ezekiele 13:5

Kuti mwakwera mwakupasuka cha, pamwenga kuzenge nyumba yaku Yisraele linga, alinga kuti yiziŵe kuma mu nkhondo, pa zuŵa la Ambuya.

Yoele 1:15

Owe, zuŵa liya! Chifukwa zuŵa la Ambuya laŵandika, nge ndi phasulu kutuliya kwaku Wanthazi zose, lituza.

Yoele 2:31

Dazi lisandukenge mdima ndi mwezi usandukenge ndopa, lenga lindaze zuŵa likuru ndi lakofya la Ambuya.

Nahumu 1:8

Kweni ndi kusapatiya kwa zandi amalizgiyenge limu ŵakupindikana nawo, ndi kudikiskiya ŵarwani ŵawo ku mdima.

Zekariya 14:1

Nadi, zuŵa la Ambuya lituza, penipo miskowo yako yigaŵikenge mukati mwako.

Yesaya 2:12

Pakuti Ambuya ŵa maŵanja ŵendi zuŵa lakumikana ndi wose wo mbakujikuzga ndi akujikwezga, lakumikana ndi wo ŵakukwezgeka wo ŵe pachanya,

Yesaya 34:8

Pakuti Ambuya ŵendi zuŵa la thayu, chirimika cha chilangu chifukwa cha Zioni.

Yesaya 63:4

Pakuti zuŵa la thayu lenga mu mtima wangu, chirimika changu cha uwombozi chafika.

Yesaya 66:17

“Wo ŵatijipatuwa ndi kujitoweska ŵeneko kuya ku minda, kurondo yo we pakati, ŵakurgha nyama ya nkhumba ndi mbeŵa ndi ukazuzi wawo, wakamariyanga pamoza atiti Ambuya.

Ezekiele 30:3

Pakuti zuŵa laŵandika, zuŵa la Ambuya laŵandika; likaŵanga zuŵa la mitambo, nyengo ya soka ku mitundu.

Yoele 2:1

Mbani mbata mu Zioni; wawatani mu phiri langu lakupaturika! Wakuja mu charu chose watentheme, chifukwa zuŵa la Ambuya liŵandika, zuŵa lituza.

Zefaniya 1:15

Zuŵa lo ndi zuŵa la ukari, zuŵa la suzgu, ndi kukweŵeka mtima, zuŵa la phasulu ndi pharghaniko, zuŵa la mdima ndi la munkhorwe, zuŵa la mitambo ndi la mdima bi;