Yesaya 13:8 - Tonga Bible 1986

⁸ ndipo ŵakazizwanga. Kulasa ndi urwirwi vikaŵakonga, ŵakaŵanga mu suzgu ulaka ndi munthukazi wakupapa. Ŵakawonekanga nge mbazereza pakulereskana; visku vyawo vikalipukanga ndi moto.

Yesaya 13:8 Referans Kwoze

1 ŴaTesalonika 5:3

Po ŵatiti, “Chimangu ndi wanangwa,” penipo ndipo phasulu lituŵawiya kwakubuchizga, uli ndimo urwirwi utumuŵiya wanthumbo; ndipo kuti wampozomoka kose cha.

Nahumu 2:10

Wapasuka! Phasulo ndi pharghaniko! Mitima yitufwa msara ndipo makongono ghabwaskana, kuŵaŵa kwe mu viwunu vyose, visku vyose vyasanduka!

Yesaya 26:17

Uli ndi munthukazi wa paluŵavu, yo wagadabuka-gadabuka ndi kuliya mu urwirwi wake, po waŵandika ku nyengo yake, viyo ndimu tinguŵiya ifwe chifukwa chinu, Ambuya,

Yohane 16:21

Munthukazi wachipapa we ndi chisungu, pakuti laza ora lake; kweni watakuti wapapa mwana, kuti wakumbuka so cha suzgu yake, chifukwa cha chimwemwe chakuti munthu wapapikiya mu charu.

Yoele 2:6

Paurongo pawo ŵanthu wose ŵemu suzgu, visku vyawo vyose vyawonda.

Yeremiya 50:43

“Karonga wa Babiloni wanguvwa mbiri yawo, ndipo manja ghanguwa kwambura chovyu; suzgu yingumuzinga, ndi urwirwi nge ngwa munthukazi wakupapa.

Yeremiya 30:6

Fumbani sono, ndipo wonani, kumbi munthurumi wangapapa mwana? Na chifukwa chine ndiwona munthurumi we yose manja ghake wako mu chiunu ulaka ndi munthukazi wachipapa? Chifukwa chine chisku chose chatuŵa?

Yeremiya 4:31

Pakuti ndavwa kuliya uli nkhwa munthukazi yo we mukupapa, kuŵaŵa nge nkhwaku yo wapapa mwana wake wa umwali, kuliya kwa ŵanthu ŵaku Zioni ŵayatuka, ŵatambaruwa manja ghawo, ŵatiti, “Owe ifwe tiyatuka paurongo pa ŵakubaya.”

2 ŴaKaronga 19:26

penipo ŵakujamo ŵaku yo, ŵakupokeka nthazi, ŵatimbanizgika ndi kusoŵa chakuchita, ndipo ŵasunduka vyakupandika mu minda uli mbuteka wakulimbwitika, nge mbuteka wapachanya pa nyumba; wo umira wenga undakome.

Yeremiya 13:21

Mukakambanganji asani ŵamika kuŵa nge ndi mutu paku imwe ŵeniwo imwe mwaŵeni mungusambizga kuŵa ŵakovwana namwe? Asi kuŵaŵa kukamukukaninga, uli nkhwamunthukazi wakupapa?

Yeremiya 46:5

Chifukwa chine ndachiwona? Ŵachita mantha ndi ŵawere vuli. Ŵankhondo ŵawo ŵawiskikiya pasi ndipo ŵathaŵa kwakutunthimika; kuti ŵalereska kulivi cha mantha ghe kose! atiti Ambuya.

Yeremiya 48:41

misumba yikatolekanga, malinga ghakakolekanga. Mtima wa wankhondo wa Moabu mu zuŵa liya ukaŵanga nge ndi mtima wa munthukazi mu maurwirwi ghake;

Yeremiya 49:22

Ehe, yumoza wakakwelanga ndi kuwuluka kwa mankharu nge ndi nombo, ndi kutambaruliya mapapa ghake pa Bozra, ndipo mtima wa wankhondo wa Edomu ukaŵanga mu zuŵa liya uli ndi mtima wa munthukazi wachiŵa mu kuŵaŵa kwake.”

Yeremiya 49:24

Damasko watomboroka, wangung'anamuka kuti wathaŵenge; mantha ghamuvumbatiya; suzgu ndi vitima vyamuko, nge ndi munthukazi pa kupapa.

Yeremiya 51:30

Ŵankhondo ŵa Babiloni ŵakureka kurwa, ŵaja mu malinga ghawo; nthazi yawo yatondeka, ŵasanduka ŵanthukazi; nyumba zake zitufya ndi moto, visulo vyake vyafyoka.

Ezekiele 20:47

kamba ku lisuwa la Negebu, Yivwa mazu gha Ambuya: Viyo atiti Ambuya Chiuta, Awona, ndikakozganga moto mwaku iwe, wo ukapirizganga muti wose uŵisi ndi muti wose wakumira mwaku iwe, mlipu wake kuti ukazimwikanga cha, ndipo visku vyose kutuwa ku malaŵi mpaka ku nkhonde vikafyanga nawo.

Hoseya 13:13

Urwirwi wa pakubara mwana umuziyenge, kweni ndi mwana wambura zeru, chifukwa sono kuti wajirongo cha pa mlomo wa nthumbu.

Sumu 48:7

Ndi mphepo ya kuvuma munguswa ngaraŵa zaku Tarshishi.