Yesaya 13:6 - Tonga Bible 1986

⁶ Liyani, pakuti zuŵa la Ambuya laŵandika, likazanga nge ndi phasulu la kutuwa ku Wanthazizose!

Yesaya 13:6 Referans Kwoze

Yoele 1:15

Owe, zuŵa liya! Chifukwa zuŵa la Ambuya laŵandika, nge ndi phasulu kutuliya kwaku Wanthazi zose, lituza.

Zefaniya 1:7

Uje chete paurongo pa Ambuya Chiuta! Chifukwa zuŵa la Ambuya laŵandika; Ambuya arongoso kubaya sembe ndi apatuwa ŵakudanika ŵawo.

Amosi 5:18

Owe; kwaku imwe mukhumba zuŵa la Ambuya! Chifukwa nchine mukhumba kuŵa ndi zuŵa la Ambuya? Ndi mdima, kuti mbukweru cha;

Yesaya 13:9

Ehe, zuŵa la Ambuya lituza, likari, la kuŵaŵa ndi kukaripa kwakofya, kuzachichita charu chapasi mapopa, kunanga ŵaheni ŵake kuŵatuzgamo.

Chivumbuzi 18:10

pakuma kutari chifukwa cha wofi wa urwirwi wake, ŵakatinge, “Owe! Owe! wamsumba ukuru, Babiloni we, msumba wanthazi! Pakuti mu ora limoza cheruzgu chako chaburika!”

Yoele 2:11

Ambuya atuzga mazu ghawo paurongo pa nkhondo yawo, chifukwa mupingu wawo ngukuru ukongwa; ngwanthazi yo wachita mazu ghawo. Chifukwa zuŵa la Ambuya ndikuru ndi lakofya. Ndiyani waziŵa kulimiya?

Yeremiya 51:8

Kwa mabuchibuchi Babiloni wawa, wafyoka; mutenjeliyeni! Toni munkhwala wakuchizga urwirwi wake; kokuli vinu wangachira.

Yesaya 34:8

Pakuti Ambuya ŵendi zuŵa la thayu, chirimika cha chilangu chifukwa cha Zioni.

Yesaya 2:12

Pakuti Ambuya ŵa maŵanja ŵendi zuŵa lakumikana ndi wose wo mbakujikuzga ndi akujikwezga, lakumikana ndi wo ŵakukwezgeka wo ŵe pachanya,

Yakobe 5:1

Ekwe, aimwe, mwaŵasambasi, liriyani ndi kulalatiya pa mausokwa ghinu gho ghatuza.

Malaki 4:5

“Awonani, nkhamutumiyaninga Eliya mchimi, lenga lindazi zuŵa likuru ndi lakofya la Ambuya,

Zefaniya 1:14

Zuŵa la Ambuya likuru le pafupi, laŵandika, lituza ruŵi; chiwawa cha zuŵa la Ambuya nchakuŵaŵa. Chinkhara chiliyenge ukongwa kwenikuwa.

Yoele 2:31

Dazi lisandukenge mdima ndi mwezi usandukenge ndopa, lenga lindaze zuŵa likuru ndi lakofya la Ambuya.

Yoele 1:13

Vwarani chigudulu, muliye imwe ŵazukuru, tenjeni mwa ŵateŵeti ŵa jochero la sembe. Sereni, mwaŵakuvwala vigudulu ndi cherezgani usiku wose, owe! Mwa ŵateŵeti ŵaku Chiuta wangu! Chifukwa mpasku wa vyakurgha ndi mpasku wa vyakumwa vyagota ku nyumba yaku Chiuta winu.

Yoele 1:5

Yukani, imwe ŵakuloŵe ndi muliye, nditenjeni, imwe mose mwa ŵakumwa vinyo, chifukwa cha vinyo mufya, pakuti watuzgikako ku mlomo winu.

Yesaya 14:31

Utenje wa likomo, liya wa msumba, songonokani mu kopa, mwa ŵaFilisti, mose pamoza! Pakuti usi utuwa ku nkhonde, ndipo mulivi wakulimbalimba, mu ŵankhondo ŵake.”

Jobu 31:23

Chifukwa ndenga mu chofyo chakutuwa kwaku Chiuta, ndipo ndingutondeka kuma pa maso pa ukuru wake.

Yoele 1:11

Rengani soni mwa ŵalimi, tenjeni ŵalimi ŵa mphereska, chifukwa cha trigu ndi barile; chifukwa chivuna mu minda chanangika.

Ezekiele 21:12

Liya ndi ubangule, mwana wa munthu, pakuti lamikana ndi wanthu ŵangu; lamikana ndi mafumu ghose ghaku Yisraele; ŵaperekeka ku lipanga pamoza ndi ŵanthu ŵangu. Chifukwa cho puma pa chigha chako.

Yeremiya 49:3

“Tenje, Heshiboni, we, pakuti Ai wachitika mapopa! Liyani, mwa ŵana ŵanthukazi ŵaku Raba! Jivwarikeni vigudulu, tenjeni, ndi chimbiyani uku ndi uku vivwati vya mphaka! Pakuti Milkomo wakayanga mu umkoli ŵazukuru ŵake ndi mafumu ghake.

Yesaya 65:14

ehe, ŵateŵeti ŵangu ŵakambanga mu chimwemwe cha mtima kweni imwe mukaliyanga chifukwa cha kuŵaŵa kwa mtima, ndipo mukatenjenga chifukwa cha suzgu ya mzimu.

Yesaya 52:5

Chifukwa chenichi sono ndendi chine pano, atiti Ambuya, pakuwona kuti ŵanthu ŵangu ŵaruta nawo kwambura kanthu? Weruzgi ŵawo ŵatenjerwa, atiti Ambuya, ndipo kwakukiyakiya zuŵa lose zina langu litozeka.

Yesaya 23:1

Ghakukambika gha pa Turo. Tenjeni mwa ngaraŵa zaku Tarshishi, pakuti Turo wachitika mapopa, walivi nyumba pamwenga phota! Kutuliya ku charu cha Kupro chavumbulika kwaku wo.

Yeremiya 25:34

“Mwenjerwe, imwe ŵaliska; ndipo liyani, kunkhurukani mu vyoto, imwe ŵambuyawo ŵa mskambu, pakuti mazuŵa gha kubayika kwinu ndi kumbininiskika ghafika, ndipo mukaŵanga nge mbabira ŵakusankhika.

Yesaya 10:3

Mukachitanganje mu zuŵa la chilangu, mu lirondo lo likatuwanga kutali? Nkhwakuyani ko mukachimbiriyanga kusaniya chovyo ndipo usambasi winu ukasiyikanga pani?

Yesaya 10:25

Pakuti mu kanyengo kamanavi ukongwa kukara kwangu mukamaranga ndipo ukari wangu ukatumikanga ku phasulu lawo.

Yesaya 14:23

Ndipo ndikauchitanga kuŵa chihara cha ŵamunjiri, ndi mweyo wakubwanganduwa, atiti Ambuya ŵa maŵanja.”

Yesaya 34:2

Pakuti Ambuya awurumiya mitundu yose, mbakari ukongwa ndi maŵanja ghawo; aŵasuska, aŵapereka kukubayika.

Yesaya 47:11

Kweni chiheni chikakuziyanga, chenicho kuti ungachiŵeyerere cha; soka likakuwiyanga, lenilo kuti ungaziŵa kuliŵeyerere cha; ndipo phasulu likazanga paku iwe kwa mabuchibuchi, lenilo kuti utiliziŵa cha.

Yesaya 61:2

kumemeza chirimika cha lisungu cha Ambuya, ndi zuŵa la thayu laku Chiuta widu; kuzangaruska wose ŵakutenje;

Ezekiele 13:5

Kuti mwakwera mwakupasuka cha, pamwenga kuzenge nyumba yaku Yisraele linga, alinga kuti yiziŵe kuma mu nkhondo, pa zuŵa la Ambuya.

Danyele 5:9

Viyo karonga Beleshazara wangusuzgika ukongwa, kawonekedu kake kangusanduka, ndi nduna zake zinguzizikika.

Danyele 5:26

Yaka ndikokang'anamuridu kake: MENE, Chiuta waŵerenga unandi wa mazuŵa gha ufumu winu ndi kughamara;

Zekariya 14:1

Nadi, zuŵa la Ambuya lituza, penipo miskowo yako yigaŵikenge mukati mwako.

Yesaya 63:4

Pakuti zuŵa la thayu lenga mu mtima wangu, chirimika changu cha uwombozi chafika.

Yoele 2:1

Mbani mbata mu Zioni; wawatani mu phiri langu lakupaturika! Wakuja mu charu chose watentheme, chifukwa zuŵa la Ambuya liŵandika, zuŵa lituza.