Yesaya 13:5 - Tonga Bible 1986

⁵ Watuwa ku charu cha kutali, ku umari wa machanya, Ambuya ndi vidya ukari wawo, kuchiparghang'a charu chose chapasi.

Yesaya 13:5 Referans Kwoze

Mateyu 24:31

Ndipo watumenge ŵangelo ŵake ndi chizozu chikuru cha mbata, ndipo ŵawungang'enge ŵakusankhika ŵake ku mphepu zinayi, kutuwa ku vigoti vyakuti vya machanya mpaka ku vigoti vinyake.

Yeremiya 51:11

“Norani mivwi! Toni zinguru! Ambuya ayuska ŵakaronga ŵa ŵaMede, kuti ŵabwanganduwe Babiloni, pakuti lenilo ndilo thayu la Ambuya, thayu lapa kasopi wawo.

Yeremiya 50:9

Pakuti ehe, ndichiska ndi nditole pa Babiloni mpingu wa mitundu yikuru, kutuwa ku charu chaku nkhonde; ndipo ŵazamkujindandamika paku iyo, kutuwa po ŵakatolekanga. Mivwi yawo ye uli nchiŵinda chakuziŵiska cho kuti manja ghake ghawe waka cha.

Yeremiya 50:3

“Pakuti kutuliya ku nkhonde mtundu waza kukwere paku iyo, wo ukachitanga charu chake kuŵa mapopa, ndipo paulengevi yumoza wakuja mwenimo; wose munthu ndi nyama ŵakathaŵanga.

Yesaya 24:1

Ehe, Ambuya akachitanga mapopa charu chapasi ndikuchisanduska phasulu, kushigadabuwa kapingizgori kumbininiska ŵakujamo.

Yesaya 13:17

Ehe, ndiyuska mitima ya ŵaMede, ŵeniwo kuti ŵaphwereko ndi siliva cha, ndipo ŵalivi likondwa mu golide.

Yesaya 5:26

Akayuskanga chiziŵisku ku khamu la kutali ukongwa, akalimbiyanga kayuzi kutuwa ku umari wa charu chapasi; ndipo ehe, mwa ruŵiruŵi, kwambura kuswera likazanga!

2 Samuele 1:27

“Vyawa uli vinkhara, vidya vya nkhondo vyabwanganduka!”

Yesaya 7:18

Mu zuŵa liya Ambuya akambiyanga kayuzi nyeze yo ye pa funda la tumisinji twa mu Egipiti, ndi akambiyanga njuchi yo yemu charu cha Asiriya.

Yesaya 10:5

A! Asiriya nthonga ya kukara kwangu, ndodo ya ukari wangu!

Yesaya 26:20

Zaninga, mwa ŵanthu ŵangu, sereni muvipinda vinu, jarani visasa kuvuli kwinu, bisamani kwa nyengo yimanavi mpaka penipo ukari wakapo.

Yesaya 30:27

Ehe, zina la Ambuya lituwa kutali, lakunyeka ndi ukari wawo, ndi mu usi ukhomi wakukwera; milomo yake njakuzaza ndi kukwiya, lilime lake le uli ndi moto wakocha;

Yesaya 34:2

Pakuti Ambuya awurumiya mitundu yose, mbakari ukongwa ndi maŵanja ghawo; aŵasuska, aŵapereka kukubayika.

Yesaya 48:14

“Unjikanani, mose, avwani! Njani mukati mwawo wakutaulapo vinthu ivi? Ambuya atumwanja akafiskanga cho akhumba pa Babiloni, ndipo janja lawo likalimbananga ndi ŵaKaldiya.

Yesaya 66:14

Ukawonanga, ndipo mtima wako ukakondwanga; viwanga vyako vikakuwanga nge mbuteka; ndipo kukaziŵikwanga kuti janja la Ambuya lendi ŵateŵeti ŵawo, kukwiya kwawo kusunkhiya ŵakupindikana ŵawo.

Yeremiya 8:19

Avwani, kuliya kwa ŵanthu ŵangu, kutuliya mu utali ndi mu usani wa charu: “Kumbi Ambuya mulivi mu Zioni? Kumbi karonga wake kuti we mwake cha?” “Chifukwa nchine ŵandisosomole ku kukwiya ndi ŵangoza ŵawo ŵakusemeka, ndipo ndi ŵangoza ŵawo ŵachilendo?”

Yeremiya 50:25

Ambuya ajura nyumba yawo yakujamo vidya vya nkhondo, ndipo atuzgamo, vidya vya ukari wawo, pakuti Ambuya Chiuta wa maŵanja wendi nchitu yakuchita mu charu cha ŵaKaldiya.

Ezekiele 22:31

Chifukwa cho ndapunguliya paku iwo ukari wangu; ndaŵamara ndi moto wa kukara kwangu; nthowa yawo ndayiwezge pa mitu yawo, atiti Ambuya Chiuta.”