Yesaya 13:2 - Tonga Bible 1986

² Kwezgani mbendera pa phiri la mtetete, bongoni ukongwa kwaku iwo, muŵacheuliye janja kuti ŵasere pa malikomo gha ŵakuzirwa.

Yesaya 13:2 Referans Kwoze

Yeremiya 51:58

“Viyo atiti Ambuya ŵa maŵanja: Linga lisani la Babiloni likabwangandulikiyanga pasi ske; ndipo malikomo ghake ghatali ghochekenge ndi moto. Ŵanthu ŵatakataka kwambura kanthu, ndipo mitundu yitijivuska yeneko chifukwa cha moto pe.”

Yesaya 5:26

Akayuskanga chiziŵisku ku khamu la kutali ukongwa, akalimbiyanga kayuzi kutuwa ku umari wa charu chapasi; ndipo ehe, mwa ruŵiruŵi, kwambura kuswera likazanga!

Yeremiya 50:2

“Ŵandiska mukati mu mitundu ndi memeza, umike mbendera umemeze, ungabisanga cha, kamba kuti: ‘Babiloni watoreka Belo walengeskeka, Merodaki wadika nthazi. Vikozgu vyake vyalengeskeka ŵangoza ŵake ŵamara nthazi.’

Yeremiya 51:25

Ehe, ine ndilimbana ndi iwe, waphiri laku bwanganduwa we, atiti Ambuya, lo libwanganduwa charu chose chapasi; ndikatambaruliyanga janja langu paku iwe, ndi kukukunkhuzga pa mya yakujemuka, ndi kukuchita kuŵa phiri la kufya.

Yesaya 10:32

Zuŵa lenili ili wakamanga pa Nobo, wakasukuniskanga nkhonyu yake pa phiri lamu Zioni, mtunthu wa Yerusalemu.

Yesaya 18:3

Imwe mose mwa ŵakuja mu charu chapasi, imwe ŵakuja pa charu, asani mbendera yakwezgeka pa mapiri, lereskani! Asani mbata yambika, vwani!

Yesaya 11:15

Ndipo Ambuya akamariyanga limu lilime laku nyanja ya Egipiti; ndipo wakazungung'anga janja lawo pa Msinji ndi mphepo yawo yakocha, kuwukoso mu ngalonde zinkhonde ndi ziŵi alinga kuti ŵanthu ŵambukenge pa yumu.

Yesaya 11:12

Wakasoskiyanga mbendera pa mitundu, wakaunjikanga pamoza wakutayika waku Yisraele, ndi kuunjika ŵakuparghang'ika ŵaku Yuda kutuwa ku visongo vinayi vya charu chapasi.

Sumu 60:4

Mwajintha mbendera yaku wo ŵatimopani imwe, mwakuti ŵawunjikanepo pa kuthaŵa ku uta.

Yesaya 19:16

Mu zuŵa liya ŵaEgipiti ŵakaŵanga uli mbanthukazi, kutenthema ndi mantha paurongo pa janja lo Ambuya ŵa maŵanja akasukuniskiyanga paku iwo.

Yesaya 31:9

Jarawe lake likarutanga mu chofyo, ndipo nduna zake zikayithaŵanga mbendera mu mantha,” atiti Ambuya, wo moto wawo wemu Zioni, ndi ng'anjo yawo ye mu Yerusalemu.

Yeremiya 50:41

Ehe, ŵanthu ŵakatuwanga ku nkhonde; mutundu wanthazi ndi ŵakaronga ŵanandi ŵayuka kutuwa kutali kwa charu chapasi.

Yeremiya 51:12

Mikani mbendera kuratana ndi malinga gha Babiloni; mukhozge ulonda, mikani ŵalonda; rongosoni vivwamba; pakuti Ambuya arongoso ndipo afiska cho angukamba cha pa ŵakuja mu Babiloni.