Yesaya 13:12 - Tonga Bible 1986

¹² Ndikaŵachitanga ŵanthu kuŵa ŵauliwuli kwakuruska golide lamampha, ndi unthu wa ŵanthu kwakuruska golide la Ofiri.

Yesaya 13:12 Referans Kwoze

Yesaya 4:1

Ndipo ŵanthukazi ŵankhonde ndi ŵaŵi ŵakakonga munthurumi yumoza mu zuŵa leniliya, ŵamkuti, “Tikarghanga kurgha kwaku taŵeni ndi kuvwara saru zakutaŵeni kweni zomera kuti tidanike ndi zina lako, tuzgapo soni paku ifwe.”

Yesaya 24:6

Chifukwa cho thembu liparuwa chapasi, ndipo ŵakujamo ŵake ŵakomwa pa kunanga kwa wo; chifukwa cho ŵakuja mu charu ŵatufya, ndipo ŵanthu ŵamanavi ndiwo ŵasiyika.

Sumu 137:9

Wakukondwa ndi munthu yo watonge ŵana ŵako, ndikuŵatesuwa pa jarawi!

Jobu 28:16

Kuti zingalinganizgika ndi golide waku Ofiri cha pamwenga onike wakuzirwa pamwenga safire.

1 ŴaKaronga 9:28

ndipo wanguruta ku Ofiri, kuŵa ŵanguzako ndi golidi lakukwana matalente machumi pe chumi ghanayi ndi machumi ghaŵi (420), ŵanguza nalo ku karonga Solomoni.

Sumu 45:9

ŵana ŵanthukazi ŵa ŵakaronga ŵe mukati mu ŵamwali ŵinu ŵakutumbikika; karonga munthukazi watuma pa janja linu la marghe mu golide laku Ofiri.

Yesaya 6:11

Sono ine ndinguti, “Mpaka zuŵanje, Ambuya?” Ndipo iwo anguti: “Mpaka penipo mizi yaŵa mapopa mwambura ŵakujamo, ndi zinyumba zambura ŵanthu, ndipo charu chaŵiya limu uyiku.

Yesaya 6:12

Ambuya atuzgiya ŵanthu kutali ukongwa, ndipo malo ghakulekeka ghaŵa ghanandi mukati mu charu cho.

1 Mikoka 1:23

Ofiri, Havila, ndi Yobaba; wose yaŵa ŵenga ŵana ŵaku Yokotani.

Yesaya 10:19

Miti yakujapo ya lisuwa lake yiŵenge yimanavi yakuti mwana mumana wangaziŵa kuyilemba.